5 نصايح تساعدك تتحكمي في التوتر والقلق

بقلمآية حسان فيمنوعات visibility242

مواقف وضغوطات كل يوم ساعات بتوصل بينا للحد اللي بيخلينا مش قادرين نتحكم في انفعالاتنا ولا في اعصابنا، ويوم عن يوم مع زيادة المسؤوليات والتحديات بتزيد نسبة القلق والتوتر، فلو بتعاني من وجودهم ف ي حياتك هنقولك في المقال ده على 5 نصايح تساعدك تتحكمي في التوتر والقلق

5 نصايح تساعدك تتحكمي في التوتر والقلق 

ماتحكميش على تصرفاتك وأفعالك، بس لاحظيهم 

اول حاجة اكتبى الافكار اللى بتقلقنك ده هيساعدك انك تكتشفى حاجات مشوفتيهاش قبل كده وهتخليكى تلاحظى كمان انك كنتى بتقلقى اكتر مما كنتى فاكرة , وكمان هيخليكى تلاحظى افكارك السلبية وازاى بتأثر على تصرفاتك لكن متحكميش عليها.

ماتحكميش على تصرفاتك وأفعالك، بس لاحظيهم

ركزي على الحقايق

انتى متقدريش تقولى لنفسك ان كذا اكيد مش هيحصل لان مفيش حاجة اكيدة فى الدنيا ,ركزى على اللى بتعمليه دلوقتى مثلا لو عندك صداع قولى لنفسك :”انا عارفة انى عندى صداع وانى اقدر اخد اى دوا يخففه ” ,الناس اللى مش بتعانى من القلق هيقفوا فى التفكير لحد كده مش هيقعدوا يفكروا فى اسوأ السيناريوهات.

ركزي على الحقايق

اعرفي الفرق بين الألم والمعاناة 

الالم الجسدى مش بنقدر نتحكم فيه, لكن المعاناة هى المعنى اللى بنديه للألم وازاى ممكن يأثر على حياتنا وهو اللى نقدر نتحكم فيه , فرقى بين الالم والمعاناة ومتحسيش ان نفسك صعبانة عليكى او انك مش قادرة تتحملى.

اعرفي الفرق بين الألم والمعاناة

تصرفاتك ومشاعرك وقلقك كلهم مرتبطين ببعض 

مشاعرك ممكن تخليكى تقومى بأفعال معينة  والأفعال دي بيكون ليها ردود أفعال وتبعات ممكن تتسبب في انك تحسي بالتوتر أو القلق كده خلى بالك من افعالك عشان هتأثر عليكى بدرجة كبيرة.

تصرفاتك ومشاعرك وقلقك كلهم مرتبطين ببعض

ماتخليش كل همك انك تعدي موقف معين، حاولي كمان تستمتعي بيه 

لما يمر عليكى موقف عارفة انه ممكن يوترك او يقلقك متفكريش بس ازاى تعديه فكرى كمان ازاى ممكن تستمتعى بيه ,الحياة متسواش حاجة لو مستفدناش من المواقف اللى بتمر علينا او لو مستمتعناش بتجاربنا.

اعرفي معانا كمان حيلة هتساعدك تحسي بطاقة إيجابية لو بتمري بيوم سئ