9 نصايح متنسيهمش لما تعملي باديكير في البيت عشان تحصلي على اقدام مثالية

ريهام محمود
ريهام محمود
في
أظافر
3606

اكيد العناية بالقدمين بشكل منتظم مهم جدا عشان تحافظي على شكلهم حلو, لكن مش دايما بنعمل الباديكير في صالون التجميل بسبب التكلفة او ضيق الوقت او اي سبب تاني, عشان كده الافضل ليكي انك تعمليه بنفسك في البيت بس مش دايما النتايج بتطلع زي صالون التجميل لان احيانا بنهمل بعض النصايح والحيل اللي بيستخدمها المحترفين او المتخصصين, عشان كده النهاردة من خلال موضوعنا هنساعدك في المهمة دي وهنقولك نصايح باديكير تعمليهم عشان النتيجة تطلع زي صالون التجميل.

نصايح باديكير:

1- حاولي تستخدمي سكراب للرجلين يكون كريمي, ممكن تختاري من الانواع الموجودة في السوق اللي بيتكون بالنكهات, واحنا بننصحك جدا بسكراب النعناع ممتاز جدا للقدمين لانه مطهر ومهديء للبشرة.

وممكن تحضري سكراب النعناع بنفسك في البيت, وهو عبارة عن ¼ كوباية زيت زيتون او زيت جوز هند, 1 كوب سكر, 15 نقطة من زيت النعناع, اخلطي المكونات كلها مع بعض كويس, ودلكي بيه القدمين لمدة من 5 – 10 دقايق عشان تتخلصي من كل الجلد الميت, وبعدين سيبيه من 1 – 2 دقيقة كمان, وبعدها اغسلي بشرتك بمية فاترة, والسكراب ده تقدري تستخدميه لتقشير الجسم كله مش بس للقدمين.

2- لما تيجي ترطبي الجلد اللي حوالين الضوافر, استخدمي كريم او مرطب يكون داخل في مكوناته ليمون, لان ده بيساعد على تطهير الجلد وبيديه لمعة.

نصايح باديكير 1
نصايح باديكير 1

3- عشان توصلي لنتيجة مثالية امشي على الخطوات دي:

– انقعي رجلك في مية دافية الاول.

– ضيفي للمية اللي هتنقعي فيها رجلك كمية من عصير الليمون, او الملح, او اي نوع زيت اساسي.

– انقعي رجلك لمدة 15 دقيقة.

– اتخلصي من المية اللي عليها الاضافات, وحطي مية دافية نضيفة انقعي فيها الرجل لمدة 30 ثانية كمان تقريبا, وممكن تضيفي لها شوية اعشاب او زهور زي البابونج لتخفيف التوتر وعشان تديكي نتايج احسن.

– دلوقتي ابدأي خطوة تقشير الرجل بالمقشر.

نصايح باديكير 2
نصايح باديكير 2

4- لو في شخص ممكن يساعدك ممكن تطلبي منه يعملك تدليك خفيف للقدمين قبل الخطوة الاخيرة لغسل وتجفيف القدمين.

5- دايما لما تيجي تنشفي رجلك في الاخر بعد ما تخلصي استخدمي فوطة ناعمة.

6- بعد ما تحطي المانيكير, انقعي رجلك في مية فيها تلج, ده هيساعد على منع المانيكير من التلطيخ, وهيساعد انه ينشف بشكل اسرع.

7- قبل ما تحطي المانيكير, حاولي تمسحي الضوافر الاول بالاسيتون لان الضوافر لازم تكون جافة تماما قبل ما تحطي عليها المانيكير.

8- ممكن تستخدمي زيت الزيتون لدهن الجلد اللي حوالين الضوافر كبديل لنوع الزيت المخصوص للمهة دي.

9- اثناء عملية الباديكير ممكن تشغلي ميوزك, او تقري كتاب, وتسترخي اثناء عمل الخطوات عشان تدي كل خطوة حقها ومتزهقيش, والنتيجة تطلع في النهاية مرضية ليكي وزي صالون التجميل بالظبط.

نصايح باديكير 3
نصايح باديكير 3

النصايح والحيل زي ما احنا شايفين بسيطة جدا لكن عادة بتتنسي اثناء عملية العناية بالقدمين, ولو عملتيها هتفرق معاكي جدا, ومهم جدا انك تتعاملي بخفة ومن غير عنف اثناء قص الضوافر وتقليمها, لان مجرد ما بتنقعي رجلك في المية الضوافر بتبقى طريه وضعيفة جدا, فلو اتعاملتي معاها بعنف زيادة ممكن تجرحي نفسك, دايما اتعاملي بخفة مع الضوافر والقدمين مع التدليك الخفيف, عشان توصلي لنتايج مثالية واقدام صحية وشكلها حلو.

طريقة عمل الباديكير للقدمين في البيت

طريقة عمل الباديكير للقدمين
طريقة عمل الباديكير للقدمين

مقالات متعلقه

بمكون واحد من مطبخك هيساعدك على تطويل وتبييض ضوافرك

بمكون واحد من مطبخك هيساعدك على تطويل وتبييض ضوافرك

12 قاعدة بسيطة هتساعدك في الحصول على باديكير مثالي

12 قاعدة بسيطة هتساعدك في الحصول على باديكير مثالي

ازاي تنضفي تحت اظافر الايدين والقدمين, ونصايح للعناية اليومية بالاظافر

ازاي تنضفي تحت اظافر الايدين والقدمين, ونصايح للعناية اليومية بالاظافر