نظام غذائي صحي لتخسيس الوزن خلال شهر رمضان

ريهام محمود
ريهام محمود
6082

في شهر رمضان معظم البنات وزنهم بيزيد بسبب اكل الحلويات كتير والدهون والنوم بعد الاكل على طول والعزومات, فطبعا بنخرج من رمضان الوزن زايد جدا, وعشان تخسي وتخرجي من رمضان محافظة على وزنك المثالي, هنقولك النهاردة رجيم رمضان هيساعدك تخسي تقريبا 5 كيلو في اسبوع.

تعالوا الاول نعرف شوية نصايح مع الرجيم:

– اتجنبي العصاير المعلبة او المتحلية بالسكر, اشربي العصاير الطبيعية من غير سكر.

– ابعدي تماما عن اكل السحور قبل النوم على طول, حاولي يكون ميعاده قبل نومك بساعتين عشان تتجنبي ظهور البطن مع الوقت.

– حاولي انك تقللي كمية اكلك للنص عن الكمية اللي اتعودتي عليها قبل رمضان, ممكن تغيري حجم الطبق اللي بتاكلي فيه وكلي في طبق اصغر عشان يساعدك على تقليل كمية الاكل, ومتمليش الطبق تاني بعد ما يخلص.

– قبل الفطار اشربي من كوباية لكوبايتين مية وممكن تضيفي لها عصير ليمون.

– حاولي تتجنبي الفواكه المجففة او تقللي منها متاكليش منها كل يوم, لانها بتحتوي على سعرات حرارية عالية.

– حاولي تقللي جدا من الحلويات والسكريات, ممكن تاكلي قطعة بحجم علبة الكبريت من الحلويات, ولو هتاكلي قطايف كلي منها قطعتين بس ويفضل تكون مشوية في الفرن مش متحمرة في الزيت, واستبدلي الحلويات بالفاكهة الطبيعية.

– دايما ابدأي الفطار بالشوربة عشان تهيئي معدتك للاكل, وميحصلش صدمة لمعدتك وهي فاضية.

– متنسيش السلطة الخضرا تعتبر طبق اساسي كل يوم على الفطار.

– خلي النشويات اللي في الوجبة كليها في الاخر, يعني ابدأي بالشوربة وبعدها السلطة وبعده البروتين وفي الاخر النشويات.

– اي مشروب رمضاني يفضل تشربيه من غير سكر.

– متزوديش كمية التمر عن 3 تمرات في اليوم.

– حاولي تزودي النشاط البدني خلال شهر رمضان, ومتناميش بعد وجبة الفطار, ممكن تمارسي رياضة اثناء فترة النهار في الصيام.

رجيم رمضان 1
رجيم رمضان 1

رجيم رمضان لتخسيس الوزن:

وجبة الفطار:

الاختيار الاول: طبق شوربة وطبق خضار مشوي + ½ فرخة مسلوقة ومنزوعة الجلد.

الاختيار التاني: طبق شوربة وطبق سلطة + 3 معالق ارز + 6 معالق خضار اي نوع  + قطعة لحم متوسطة الحجم مسلوقة او مشوية.

الاختيار التالت: طبق شوربة وطبق سلطة + ¼ فرخة مشوية + 3 معالق ارز.

الاختيار الرابع: طبق شوربة وطبق سلطة + 6 معالق مكرونة + قطعة لحم متوسطة.

الاختيار الخامس: طبق شوربة وطبق سلطة + ¼ فرخة مشوية + طبق خضار مشوي + 3 معالق ارز.

لو هتاكلي خبز مع وجبة الفطار ميزدش عن ½ رغيف بلدي اسمر ويكون بدل الارز او المكرونة, لو مافيش ارز او مكرونة يبقى تاكلي الخبز.

الاختيارات بالكمية المحددة دي هتديكي العناصر الغذائية اللي جسمك محتاجها بعد الصيام وفي نفس الوقت هتساعد على خسارة الوزن بالتدريج.

رجيم رمضان 2
رجيم رمضان 2

التحلية:

ثمرتين فاكهة صغيرة, ولو فاكهة بحجم كبير زي البطيخ او الشمام كلي منها شريحتين في حجم كف اليد (المانجا شريحة واحدة بس, الموز ثمرة واحدة بس, العنب بكل انواعه ميزدش عن 10 حبات.

او قطعة حلويات بحجم علبة الكبريت, او قطعتين من القطايف مشوية في الفرن او لقمة القاضي او بلح الشام.

لو هتشربي اي مشروبات ما بين الفطار والسحور سواء شاي او نسكافية او قهوة او اي مشروب رمضاني تكون من غير سكر.

رجيم رمضان 3
رجيم رمضان 3

وجبة السحور:

الاختيار الاول: كوباية لبن خالي من الدسم او كوباية لبن رايب + ½ رغيف بلدي اسمر + 5 معالق فول + 50 جرام جبنة.

الاختيار التاني: علبة زبادي خالية من الدسم + ½ رغيف بلدي اسمر + بيضة مسلوقة + 50 جرام جبنة.

الاختيار التالت: طبق سلطة + ½ رغيف بلدي اسمر + ½ علبة تونة متصفية من الزيت تماما.

الاختيار الرابع: علبة زبادي خالية من الدسم + 5 معالق فول + ½ رغيف بلدي اسمر.

رجيم رمضان 4
رجيم رمضان 4

الرجيم للحوامل:

– لو حامل ومعندكيش اي مضاعفات او الدكتور مش مانعك من الصيام تقدري تصومي بشكل عادي.

– اشربي مية كتير ساعة الفطار.

– والنظام اللي احنا قولناه ينفع للحوامل مع اختلاف بسيط, انك تقدري تاكلي فاكهة مجففة زي التمر ممكن تاكلي لحد 7 تمرات, والحلويات ممكن تاكلي منها قطعة ونص, والنشويات تزيد عن الكمية اللي احنا قولناها في النظام بنسبة 25% بس مش اكتر.

– اتجنبي الوجبات الدسمة لتجنب عسر الهضم, واتجنبي الاكلات الحراقة.

– كتري من اكل الخضار والفاكهة.

رجيم رمضان 5
رجيم رمضان 5

الرجيم لمرضى السكر:

– لو بتاخدي حقنة انسولين خدي الجرعة قبل الفطار ب 10 دقايق.

– ولو بتاخدي علاج حبوب خديها قبل الفطار ب 15 دقيقة.

– اشربي مية كتير ساعة الفطار.

– والنظام اللي احنا قولناه كمان مناسب لمرضى السكر.

– قياس السكر مرة على الاقل اثناء الصيام.

– في حالة الشعور بهبوط السكر في الدم, ضروري قياس نسبة السكر والفطار بشكل فوري على كوباية مية متحلية ب 5 معالق سكر, وبعدين قياس السكر تاني بعد ½ ساعة.

رجيم رمضان 6
رجيم رمضان 6

ازاي طريقة الصيام المتقطع مثالي ليكي لو عايزة تخسري وزنك بسرعة

طريقة الصيام المتقطع لتخسيس الوزن
طريقة الصيام المتقطع لتخسيس الوزن

مقالات متعلقه

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

7 اطعمة ابعدي عنهم تماما لو بتحاولي تخسري وزن

7 اطعمة ابعدي عنهم تماما لو بتحاولي تخسري وزن

وصفات لسد الشهية وتخسيس الوزن

وصفات لسد الشهية وتخسيس الوزن