8 اسرار ازاي تلبسي نقشة الفهد leopard print باحترافية الصيف ده

بقلمآية حسان فيموضة وأزياء visibility149

جاهزة لموضة وتريندات الصيف؟ لو إجابتك أيوة أو لسه فالمقال ده هيفيدك، طول موسم الصيف بنات حوا هيعرفوكي على كل جديد بيظهر في عالم الموضة والأزياء وفي المقال ده هنعرفك على نقشة الفهد أو الـ leopard print ، في المقال ده هنقولك على 8 اسرار ازاي تلبسي نقشة الفهد leopard print باحترافية الصيف ده، خلينا نبدأ على طول 

8 اسرار ازاي تلبسي نقشة الفهد leopard print باحترافية الصيف ده 

ميزة النقشة دى ان عمرها ما موضتها بتروح ولا بتنتهي، وحتى لو اختفت هتلاقيها بترجع تاني أقوى من المرات اللي قبلها، والمميز في النقشة دي انها بتبقى متوفرة في كل القطع تقريبا من أول الشوز لحد الشنطة والحزام والسكارف كمات 

خلينا نعرف الأسرار.
خلينا نعرف الأسرار

السر الأول: 

اعتبري نقشة التايجر أو الفهد أو الـ leopard print زي أي قطعة بلون أسود عندك في الدولاب، كأنها قطعة أساسية بالضبط ينفع تتلبس على أي وكل حاجة، وهتلاقيها بتنجز معاكي وشكلها شيك أيا كانت الطريقة اللي نسقتيها بيها. 

السر الاول

السر التاني: 

لو حسيتي ان اللوك بتاعك النقشة دي سيطرت عليه زيادة عن اللزوم وبقت هي الواضحة وبدأتي تحسي انها Over أو مش مريحاكي، تقدري تهديها شوية بأنك تلبسيها مع قطعة تانية سادة بلون محايد زي الرمادي والأسود والجملي والبيج وألوان النيو، وممكن تهديها أكتر بانك تستخدني lip stick بلون هادي.  

السر التاني

السر التالت :

لو مش مرتاحة انك تلبسي بلوزة أو بنطلون من نقشة الـ leopard print جربي تستغني عنها كقطعة أساسية وألبسيها كشنطة أو شوز أو headpiece وبكده تكوني عملتي اللوك اللي يريحك وبرضه حافظتي على الـ trend ، وكل ما كانت بقية القطع في اللوك بتاعك بسيطة كل ما برزت نقشة الفهد أكتر و بقت واضحة وبقى اللوك بتاعك أشيك. 

السر التالت

السر الرابع: 

البلوزة بنقشة الفهد بتعتبر طريقة ناعمة أنثوية جدا عشان تلبسي بيها الستايل ده، جربي بلوزة من النقشة دي مع جينز وشنطة كروس بسيطة بلون neutral . 

السر الرابع
نصيحة

السر الخامس: 

الجميل في النقشة دي انها بترفع من مستوى أي لوك انتي بتعمليه، جربي تلبسي قطع بسيطة في لوك هادي مع شوز من نقة الفهد وهتلاقيه حلو جدا. 

السر الخامس

السر السادس: 

النقشة دي كمان مكملة معانا للشتاء فممن تستثمري في جاكت طويل أو coat منها. 

السر السادس

السر السابع:

نقشة الفهد مش لازم تبقى باللون البني التقليدي، جربي تلبسيها في ألوان تانية زي الأسود أو البينك. 

السر السابع

السر التامن: 

المهم في أي لوك هو انك تختاري القطع المريحة بالنسبة لك وتعتمدي عليها، عشان كده لو حابة تلبسي النقشةدي في شنطة مثلا لكن مش في بلوزة أعملي ده، وتجنبي أنك تعملي لوك كله من نقشة الفهد. 

جربيه وشاركينا اللوك بتاعك

اعرفي معانا ستايلات مناسبة لموسم الربيع تقدري تنفذيهم بسهولة