7 انواع للرجالة لازم تتجنبيهم وتبعدي عنهم

بيقابلنا في حياتنا ناس أشكال وألوان، سواء كجيران أو قرايب أو زمايل دراسة  وشغل، لكن لما الموضوع ياخد شكل تاني وتبقي بتفكري في الإرتباط، لازم تفهمي اللي حواليكي وتحللي شخصياتهم كويس وتعرفي ايه الشخصيات اللي لازم تبعدي عنها، في المقال ده اعرفي معانا 7 انواع للرجالة لازم تتجنبيهم وتبعدي عنهم

7 انواع للرجالة لازم تتجنبيهم وتبعدي عنهم 

1- الأناني: 

لو الشخص اللي انتي مرتبطة بيه أو قريبة منه وفي مشروع للإرتباط باين عليه أنه بيحط نفسه أولوية وراحته عنده قبل وأهم من كل شئ وفي نفس الوقت بيهل مشاعرك أو بيديها قدر من الإهتمام بسيط جدا مقارنة باهتمامه بنفسه، يبقى اعرفي انه أناني، والأناني بيتعرف انه بيحاول يبين نفسه فاهم  في كل حاجة وهتلاقي إحساسه  بنفسه عالي وإهتمامه بالآخرين قليل، عموما فكري في العلاقة دي تاني. 

2- الكداب :

تاني نوع معانا من  انواع للرجالة لازم تتجنبيهم هو الكداب، وطبعا الموضوع مش محتاج شرح ولا تبرير، الشخص الكداب مستحيل الإعتماد عليه ووقت لما تحتاجيه مش هتلاقيه، وهيفضل طول الوقت يخبي عليكي ويخترع قصص مش حقيقية عشان يداري علة كذبه، وكذبه  ورا التانية مش هتقدري تميزي الصدق حتى لو بيقوله فعلا، يبقى ازاي ممكن يكون ده الشخص اللي تبني معاه حياتك والثقة بينكم معدومة ومفيش أي حاجة حقيقية، أعتقد ده الوقت اللي لازم تقوليله فيه مع السلامة. 

3- الملاوع : 

 لما تكوني معجبة بشخص بيبقى نفسك علاقتكم تتطور وتاخد شكل رسمي أو جاد أكتر، لكن مع الشخص الملاوع الشكل الرسمي أو الجاد ده غالبا مش هيحصل، هو هيحب يفضل يتسلي ويتبسط معاكي بس في نفس الوقت مش هيبقى عايز يرتبط بشكل رسمي عشان تفضل كل الاختيارات متاحة قدامه، شوية معاكي وشوية مع غيرك وليه يصطاد سمكة واحدة لما البحر مليان سمك قدامه، ألحقي نفسك بسرعة وابعدي عنه. 

4- اللي مخلي موقفه منك مش واضح : 

مش فارق كتير عن الملاوع اللي لسه متكلمين عنه، لو مخلي موقفه منك مش واضح ومش قادرة تحطي مسمى محددل علاقتكم فتحسوا انكوا شوية أصحاب وشوية مرتبطين و شوية من كتر ما بيخنق عليكي يمكن يحسسك انكم متجوزين كمان، لكن مابيقولش ولا بيعمل حاج صريحة وعمال طول الوقت يبعتلك إشارات متضاربة وسايبك تضربي أخماس في أسداس

5- اللي مابيبذلش مجهود عشانك : 

بطبيعة الحال مشالمفروض تعتمدي على الراجل ان هو اللي يكون طول الوقت بيهتم وبيبذل مجهود في علاقتكم،لكن لو لقيتيانك انتي اللي دايما بتسألي وتفكري وتخططي وتهتمي بكل حاجة وانه مابيبذلش أي مجهود في العلاقة دي عشان تتطور أو تبقى جدية، فليه تفضلي جنب حد رابطك جنبه من غير أمل في خطوات جادة؟ ابعدي عنه أحسن.

6- مش متاح عاطفيا : 

انك تكوني مرتبطة بحد مش متاح عاطفيا بمعنى انه خايف يدخل في ارتباط قديم بسبب تجارب فاشلة او لأنه مابيحبش لا يشارك ولا يبوح لحد بأسراره هيخلق تحديات كبيرة في علاقتكم، عشان كده لو بتدوري على ارتباط عميق وعلاقة قوية مع شريكك تكونوا فيها صرحاء مع بعض وتقدروا تشاركوا فيهابعض بكل حاجةربراحة كبيرة. 

7-  المتحكم : 

طبعا ده مش محتاج شرح كتير، الغيرة والخوف عليكي مطلوبين وبيخلوا اي بنت تحس بالاهتمام وتحس انها مميزة، لكن لو هو بيتحكم فيكي بأي شكل كان وبتكلم هنا على التحكم من نوع ماتروحيش عند قرايبك وماتتكلميش مع زمايلك والبسي ده وماتلبسيش ده وكفاية شغل أو دراسة لحد كده يبقى لازم تنفدي بجلدك، لأن العلاقة مع النوع ده من الرجاله أخرتها زي السجن مفيش منه مهرب. 

اعرفي معانا كمان 10 اسرار لعلاقة صحية مع شريكك