3 طرق سهلة لعمل غسول للبشرة لعلاج حب الشباب

بقلمريهام محمود فيبشرة visibility1090

لو بشرتك فيها مشاكل وبتعاني من حب الشباب والندبات والبقع وتصبغات الجلد, النهاردة من خلال موضوعنا هنقول لكل بنات حوا 3 وصفات غسول لحب الشباب بمكونات طبيعية بسيطة من غير ما تلجأي للحاجات اللي ممكن يكون فيها مواد كيميائية تضر بشرتك وتأثر عليها بشكل سلبي.

وصفات غسول لحب الشباب:

1- غسول العسل, الكركم, وصودا الخبز:

العسل معروف عنه انه بيحتوي على خصائص مضادة للالتهاب ومضادة للبكتيريا, واللي ليها قدرة على علاج البثور ومنع العدوى, وكمان بيساعد على تنعيم البشرة, كمان الكركم ليه خصائص مضادة للالتهابات ومضادة للاكسدة, ومضادة للبكتيريا, والنعروف عنها انها بتساعد على علاج البثور وتصبغ الجلد والبقع والمكون التالت في الوصفة وهو صودا الخبز بيحتوي على مكونات مطهرة بتساعد على علاج البثور.

المكونات:

1 معلقة كبيرة عسل.

½ معلقة كبيرة من صودا الخبز.

ورشة كركم صغيرة.

طريقة التحضير والاستخدام:

اخلطي المكونات كلها مع بعض كويس, حطي الخليط على البشرة, ودلكيه بخفه في حركات دائرية لمدة من 2 – 3 دقايق, وبعدها اغسليه بالمية.

وصفات غسول لحب الشباب

2- غسول العسل والقرفة:

خليط العسل والقرفة ممكن يبقى ليه تأثير ايجابي جدا للبشرة اللي بتعاني من حب الشباب, زي ما قولنا ان العسل ليه خصائص مضادة للبكتيريا, من ناحية تانية القرفة كمان بتحتوي على مكونات مضادة للميكروبات, والمكونين مع بعض ليهم تأثير فعال للتخلص من البثور.

المكونات:

2 معلقة كبيرة عسل.

1 معلقة كبيرة قرفة.

طريقة التحضير والاستخدام:

اخلطي العسل والقرفة مع بعض كويس, اغسلي بشرتك بالمية ونشفيها, بعدين حطي الخليط على البشرة ودلكيه في حركات دائرية لمدة 3 دقايق على الاقل, والتدليك ده مهم لانه بيخلي المكونات تشتغل بفاعلية على البشرة, وبعدها اغسليه.

وممكن تعمليه كماسك حطيه على البشرة وسيبيه لمدة 15 دقيقة او لحد ما ينشف وبعدين تغسليه بالمية العادية, اعملي الماسك ده مرتين في الاسبوع عشان توصلي لنتايج ملحوظة.

وصفات غسول لحب الشباب

3- غسول صودا الخبز وزيت الزيتون:

زي ما قولنا صودا الخبز بتحتوي على مكونات مطهرة بتساعد على علاج البثور, وزيت الزيتون يعتبر مرطب طبيعي للبشرة, وبيحتوي على مضادات الاكسدة اللي بتساعد على علاج علامات الشيخوخة والتجاعيد, وبيحتوي كمان على مواد مغذية للبشرة بتساعد على تجديدها, وخليط صودا الخبز وزيت الزيتون مع بعض هيساعدك على علاج البثور والمسام الواسعة والبقع الغامقة والندبات وتصبغات الجلد بشكل فعال.

المكونات:

2 معلقة صغيرة من صودا الخبز.

2 معلقة صغيرة زيت زيتون.

طريقة التحضير والاستخدام:

اخلطي صودا الخبز مع زيت الزيتون كويس وسيبيه لمدة دقيقتين قبل ما تستخدميه عشان المكونات تتفاعل وتمتزج مع بعض كويس, اغسلي بشرتك بمية فاترة ونشفيها, وحطي الخليط على البشرة ودلكيه في حركات دائرية لمدة 5 دقايق, وبعدين اغسليه بمية فاترة, هتلاحظي النتيجة بشكل فوري, استخدميه بشكل يومي على البشرة هيخلصك من البثور والبقع والتصبغات وهيوحد لون بشرتك.

وصفات غسول لحب الشباب

الوصفات دي مش بس هتخلصك بشرتك من البثور وحب الشباب, لكن كمان هتخليها صحية ومتوهجة وبلون وردي طبيعي, بشرط انك تنتظمي عليها عشان توصلي لنتايج ملحوظة.

اهم 10 حاجات لازم تعرفيهم عن طريقة التنضيف بالزيت للبشرة المعرضة لحب الشباب

طريقة التنضيف بالزيت للبشرة