10 اسرار لعلاقة صحية مع شريكك

ريهام محمود
ريهام محمود
في
حب
2920

اكيد في ازواج كتير في علاقات سعيدة وصحية, لكن في معظم الحالات السعادة والعلاقة الصحية مش سببها بس الحب والالتزام من الطرف التاني, لكن في حاجات تانية مؤثرة في العلاقات الانسانية, والنهاردة من خلال موضوعنا هنتعرف على اسرار العلاقة الصحية.

اول حاجة لازم نعرفها ان العلاقات معقدة مش بسيطة, لان البشر بطبعهم معقدين وبيمروا بحالات وصراعات كتير مع نفسهم ومع غيرهم, وبعض الاشخاص بيكونوا معقدين اكتر من غيرهم ومتقلبين.

تاني حاجة العلاقات مختلفة, مافيش علاقة يقاس عليها علاقة تانية او يبقى في مجال لمقارنة علاقتك مع علاقة تانية, لان كل علاقة ليها ظروفها.

والنهاردة هنقولك قايمة من 10 حاجات, مؤثرة في نجاح العلاقة.

اسرار العلاقة الصحية:

1- التوافق في الاهداف:

التعارض في الاهداف العملية والحياتية والقيم الاساسية في الحياة بين الطرفين هيأدي للنهاية للفشل, عشان كده لازم يكون في توافق بين الطرفين.

2- الثقة المتبادلة:

لازم يكون في ثقة بين الطرفين عن طريق المصارحة وان ميبقاش في اسرار ممكن تأثر على الطرف التاني او على علاقتكم في المستقبل, لازم كل طرف يحس براحة انه يقول اللي جواه واحتياجاته الشخصية للطرف التاني من غير اي حرج.

اسرار العلاقة الصحية 1
اسرار العلاقة الصحية 1

3- الحرية للطرف التاني:

لازم نفهم ان الجواز مش معناه احتكار الطرف التاني, لازم كل طرف يدي للطرف التاني مساحة حرية يقضي وقت مع اصحابه, يعمل هواية هو بيحبها او يقضي وقته زي ما هو عايز, عشان كل طرف يحافظ على استقلاليته وشخصيته وكيانه, وكل طرف يدي فرصة للتاني انه يفتقده او يشتاق له, عشان تحافظوا على شرارة الحب والشوق بينكم.

4- الاحترام المتبادل:

ضروري عدم تجاوز الخطوط الحمرا وانتهاك خصوصيات الطرف التاني, او اهانته بأي شكل, وكمان احترام اسرته واصحابه واي شخص مقرب ليه او بيقدره ويحترمه واجب عليكي انتي كمان تحترميه.

اسرار العلاقة الصحية 2
اسرار العلاقة الصحية 2

5- حطي توقعات واقعية للعلاقة:

في اوقات ممكن بعض الاشخاص يفكروا ان الحب المفروض يخلي الشخص يفضل يدي من غير مقابل طول الوقت, لكن في الواقع وبالتجربة العملية ان الكلام ده مش واقعي ومستحيل تنفيذه وتقريبا يعتبر ضد الطبيعة الانسانية, العلاقات الصحية بتقوم على الاخد والعطاء المتبادل من الطرفين.

6- المشاركة:

ضروري الطرفين يكون في بينهم مشاركة في صعوبات واعباء الحياة المادية والزوجية والاطفال ومسئولية البيت, لان ده يعتبر الرابط الاهم والاقوى بين اي شريكين.

اسرار العلاقة الصحية 3
اسرار العلاقة الصحية 3

7- الحفاظ على العلاقة الحميمية والرومانسية:

العلاقة الحميمية والرومانسية بين الطرفين هي اللي بتحمي العلاقة من خطر البرود والملل, وبتحافظ على التقارب والارتباط بينكم, والكلام الحلو والرومانسية بتجدد العلاقة وتعتبر هي مفتاح العلاقة الحميمية الناجحة اللي مش بتتغير مع الزمن ابدا, فلازم تحافظوا عليها.

8- التواصل والمناقشة:

نموا قدرتكم على التواصل والنقاش بينكم وكل واحد يسمع التاني من غير ما توصلوا لجدال عنيف او مشادة كلامية وتأدي لمشكلة كبيرة بينكم, لان العلاقة اللي مافيهاش التفاهم والتواصل ده في الغالب بتكون مهددة بالفشل.

اسرار العلاقة الصحية 4
اسرار العلاقة الصحية 4

9- حل المشاكل من غير تدخل طرف تالت:

النقطة دي مهمة جدا لان المشكلات الصغيرة والبسيطة ممكن تكبر وتتعقد اكتر لو اتدخل فيها طرف تالت او رابع, لان كل طرف بيبقى صعب عليه انه يسامح التاني عشان بس يحافظ على كرامته وكبريائة قدام الاطراف اللي دخلت من بره, عشان كده لازم تحلوا مشاكلكم بينكم انتوا الاتنين بس من غير دخول اطراف تانية في المشكلة.

10- الاهتمام والانتباه “خصوصا في المحادثة”:

عادة البشر مش بيتمتعوا اوي بخاصية الاستماع والانتباه فترة طويلة, ودي حاجة مهمة جدا في التواصل بين الطرفين انه يحس لما يحكي لك حاجة انك مهتمة ومنتبهه ومتفاعله معاه في اللي بيقولوه, عشان ميحسش مع الوقت بالتجاهل او عدم الاهتمام واللي ممكن يأثر على العلاقة في المستقبل.

اسرار العلاقة الصحية 5
اسرار العلاقة الصحية 5

في النهاية عالم النفس الامريكي “روبرت جيفري ستيرنبرج” ان العلاقات الصحية بتقوم على 3 مكونات رئيسية او ما يسمى “مثلث الحب” وهي:

الحميمية: ودي بتشمل التفاهم والصداقة والتواصل الانساني بين الطرفين, والرغبة انكم تقضوا وقت حلو سوا.

العشق: ودي بتشمل مشاعر الحب القوية, والانجذاب الجسدي للطرف التاني.

الالتزام: ودي بتشمل الالتزام بالعلاقة والحفاظ على استمرارها من خلال التعاون والمشاركة في اعباء الحياة المختلفة.

اسرار العلاقة الصحية 6
اسرار العلاقة الصحية 6

نصايح وأفكار إزاي تحسني التواصل بينك وبين شريكك

نصايح وأفكار إزاي تحسني التواصل بينك وبين شريكك
نصايح وأفكار إزاي تحسني التواصل بينك وبين شريكك

مقالات متعلقه

ازاي تخلي شريكك يفتقدك ويقدرك اكتر

ازاي تخلي شريكك يفتقدك ويقدرك اكتر

صفات المرأة المثالية اللي دايما بيقدرها الرجل ويحب وجودها في شريكة حياته

صفات المرأة المثالية اللي دايما بيقدرها الرجل ويحب وجودها في شريكة حياته

جمل لو قولتيهم لشريكك هتخليه يدوب في حبك

جمل لو قولتيهم لشريكك هتخليه يدوب في حبك