5 أسباب تشجعك تاخدي خطوة الجواز

بقلمآية حسان فيحب visibility2118

لما تكون بتحب حد مش بتبقى عايز اى حاجة غير انك ترتبط بالشخص ده وبتبقى بتحلمى بانك تقضى معه باقى حياتك بس تعرفى ازاى ان كنتى لازم تتجوزى دلوقتى دول 5 مفاتيح تعرفي بيهم ان كنتى لازم تتجوزي او ترتبطي بالشخص ده ولا لا، اعرفي معانا 5 أسباب   تشجعك تاخدي خطوة الجواز

5 أسباب تشجعك تاخدي خطوة الجواز 

1- انك تثقي فيه : 

حاجة من اهم مظاهر القوة والجواز الناجح هى الثقة,مهم اوى انك تكوني انتي والشخص اللى هترتبطى بيه  بتثقوا فى بعض وبتدعموا بعض ومتفاهمين وان يكون كل واحد ضهرالتانى وسنده، لو كنتى قلقانة او لوعندك شكوك فى وفاء الشخص اللى عايزة ترتبطي بيه يبقى لازم تعرفي ان مش هو ده احسن وقت للجواز ،على الجانب الاخر لو انتي بتثقي ثقة كبيرة فيه وتقدري تعتمدي عليه بدرجة كبيرة ده سبب كافى للجواز.

 انك تثقي فيه
انك تثقي فيه

مواجهة مشاكلكوا:

الخلافات والمناقشات حاجة صحية فى اى علاقة وعشان تقدرى انتى وشريك حياتك تعيشوا حياة سعيدة لازم تتعلموا ازاى تواجهوا مشاكلكوا وتحلوا الخلافات وترجعوا منها اقوى مما كنتم .لو انتى والشخص اللى هترتبطى بيه عمركوا ما واجهتوا خلاف حقيقى عشان كلامكم دايما عن حاجات سطحية او لو كنتم دايما فى خلاف ومبتتفقوش خالص يبقى انتوا مش جاهزين لخطوة الجواز عشان مش قادرين تتناقشوا وتحلوا خلافاتكم بطريقة مجدية، واحد من اهم اسباب الاقدام على الجواز انك انتى والشخص اللى هترتبطى بيه واجهتوا خلاف قبل كده واتناقشتوا ولقيتوا حاجة مشتركة بينكم وقدرة على التفاهم واحترام ما بينكم  لوجهات النظر المختلفة .القدرة على الاتفاق وتهدئة الاوضاع وحل المشاكل والخلافات مؤشر عن نجاح الجواز ودوامه .

3- تعرفوا بعض من زمان : 

المعرفة القديمة بينكم هتخليكم تعرفوا بعض أكتر وأعمق، وده معناه فهم أكتر لبعض ومن هنا بييجي الإرتباط والزواج الناجح، فلو كنتوا تعرفوا بعض من زمان ده سبب قوي ومهم يخليكي تتشجعي وتفكري في خطوة الجواز. 

 تعرفوا بعض من زمان
تعرفوا بعض من زمان

4- تعرفي عنه تفاصيل مهمة : 

عمرك انتى والشخص اللى هترتبطى بيه اتكلمتوا بصراحة ؟. واحد من اوضح الاسباب للجواز هى انك انتى والشخص اللى هترتبطى بيه عندكوا ثقة فى بعض وتقدروا تتكلموا مع بعض بصراحة عن طريقة تفكيركم واحلامكم وطموحاتكم ده هيساعدكم على تقوية علاقتكم .لو انتوا عارفين بعض كويس وقادرين تتشاركوا فى اللى بيدور فى بالكم ده سبب كويس جدا انكوا تاخدوا الخطوة ديه وتكملوا ،انما لو انتى متعرفيش الشخص اللى هترتبطى بيه كويس ولو مكنتيش بتتصرفى على طبيعتك معاه فالجواز ده احتمال كبير يفشل لانك مش بتعبرى عن نفسك .

تعرفي عنه تفاصيل مهمة
تعرفي عنه تفاصيل مهمة

5- عايزين نفس الحاجات: 

لو انتى والشخص اللى هترتبطى بيه متفقين على اللى انتوا عايزينه فى المستقبل ده سبب كويس جدا لخطوة الجواز، لومثلا  انتوا الاتنين حلمكوا تاسيس عيلة وانجاب اطفال فالتوافق فى الهدف ده بيدعم الجواز، انما لو حد عايز ينتقل لبلد تانية والتانى عايز يفضل فى نفس البلد ده ممكن يسبب مشكلة فى طريقكم لان اهدافكم طويلة الامد مش متوافقة ، قبل الجواز لازم تكونوا قادرين تتكلموا عن مستقبلكم بأمانة وصراحة عشان متتفاجئوش بمشاكل فى حياتكم

عايزين نفس الحاجات
عايزين نفس الحاجات

اعرفي معانا كمان نصايح ازاي تتغلبي على خوفك من الوقوع في الحب