لو حاسه باكتئاب كرري الـ 12 جملة دول هتخليكي تحسي بشعور احسن

ريهام محمود
ريهام محمود
4487

اعتمد كتير من الاشخاص اللي بيعانوا من الاكتئاب تكنيك تكرار بعض الجمل اللي بتساعدهم على تهدئة نظامهم العصبي والتخفيف من القلق, وممارسة تكنيك التكرار لحد ما تحسي بتحسن يعتبر من طرق العلاج القديمة جدا في الديانات المختلفة اللي اثبتوا قوة تأثير الكلمة, وهي جمل بتساعد على الشفاء الروحي والنفسي, والنهاردة من خلال موضوعنا هنقولك 12 جملة تكرريهم هتساعدك على علاج الاكتئاب.

علاج الاكتئاب:

1- انا قوية:

كلنا عندنا فكرة غلط ان الشخص الضعيف او المحتاج بس هو اللي ممكن يتعرض لاكتئاب, وان الشخص الضعيف هو بس اللي بيطلب المساعدة لانه بيعتمد على شخص تاني لمساعدته, لكن على العكس ان كتير من الاشخاص المصابين بالاكتئاب اللي بيطلبوا المساعدة من غيرهم ده بيظهر وعي ذاتي وانهم عارفين حالتهم كويس, ودي تعتبر علامة قوة, وده بيوضح ان هما عايزين يغيروا وضعهم او حالتهم.

2- هبقى احسن:

الاكتئاب الشديد ممكن يأدي لليأس, وتكرار جملة هبقى احسن كتير ده بيعزز الافكار الايجابية, برغم حالة الاكتئاب اللي بتكوني فيها, الحقيقة انك هتتحسني في النهاية.

3- انا لسه بتنفس:

ممارسة التركيز على التنفس وتقعدي ترددي جملة “انا لسه هنا” او “انا لسه بتنفس”, بتساعد العقل انه يتحد مع الجسد, وده بيحقق شعور بالهدوء النفسي.

علاج الاكتئاب 1
علاج الاكتئاب 1

4- خليها تروح “Let it go”:

لو لقيتي نفسك في حالة هوس وقلق, وبدأتي تقلقي من كل حاجة بالحاجات اللي حصلت واللي ممكن تحصل واللي مش هتحصل, وتقعدي في صراع داخلي مع نفسك, كرري الجملة دي اكتر من مره بينك وبين نفسك.

5- ماتخافيش:

كرري كلمة “متخافيش” لنفسك كتير, لان في قوة شافيه في الكلمات فوق ما تتخيلي, وتكرراها ممكن يساعد على تهدئة مخاوفك, ووقت ما انتي حاسه بالخوف نطق الكلمة هيساعدك في السيطرة عليه.

6- مافيش خطر:

الاكتئاب ممكن يتثير جواكي افكار ومشاعر ممكن تخليكي تحسي ان حياتك معرضة للخطر, وتكرار الجملة دي هتغير افكارك, وتفتح عينك الحقيقة ان الخطر في ذهنك وتفكيرك انتي بس ومالوش وجود في الواقع, والجملة دي مع كلمة “ماتخافيش” الاتنين بيكملوا بعض.

علاج الاكتئاب 2
علاج الاكتئاب 2

7- انا عندي سلام داخلي:

” Om Shanti Om” معناها السلام الداخلي, وهي اكتر جملة بيرددها الرهبان التبتيون, بتساعد على دخول السلام الداخلي لعقلك وجسمك لتخفيف الاكتئاب واعراضه الجسدية, مجرد ما هتبدأي تكرار الجملة دي لنفسك هتحسي ان التوتر خف وان عندك سلام داخلي.

8- افكاري, كلماتي, افعالي, بتساعد في سعادتي وحريتي:

الجملة دي بتشجع على حياة ايجابية, وبتشجع الشخص انه يعرف يتعايش في الحياة ويتأقلم مع كل اللي حواليه, بما فيهم الطبيعة والبيئة, والطريقة دي تعتبر من الطرق اللي ليها جذور في مباديء العلاج باليوجا.

علاج الاكتئاب 3
علاج الاكتئاب 3

9- في يوم من الايام هعرف الهدف من الألم:

الحياة مليانة بالضغوطات والصعوبات اللي ممكن تأدي لحالة اكتئاب في النهاية, لكن لازم تكوني متأكدة من جواكي انك في يوم من الايام هتشوفي الهدف من المك, ومن خلال تكرار الجملة دي كتير هتقدري تلاقي قوتك الداخلية ونضجك.

10- محتاجة اكون رحيمة على نفسي في ألمي:

لازم يكون عندك “تراحم ذاتي” بنفسك, للتعامل مع كل المشاعر السلبية, مهم انك تعترفي بالمك ومعاناتك وحالتك النفسية عشان تقدري تعالجي نفسك في اللحظات الصعبة, وواجهي مشاكلك ومتهربيش منها, الشعور بالاكتئاب لازم يساعدك انك تشوفي ايه المهم في حياتك ولازم يأدي لتشجيعك انك تتغلبي على كل المصاعب بعد كل حاجة بتمري بيها, والحياة في النهاية هي محاولة البقاء على قيد الحياة.

علاج الاكتئاب 4
علاج الاكتئاب 4

11- هاخد وقت مع نفسي:

احساسك بالاكتئاب ممكن يزيد لما تحسي انك مش قادرة تسيطري على الموقف اللي مسببلك التوتر او الاكتئاب, والجملة دي هتساعدك على تذكير نفسك بالتغلب على شعور الاكتئاب ببطء وبثبات, لما تحسي ان الحياة بتشدك للضغط والاكتئاب, هيكون افضل حل انك تاخدي وقت مع نفسك عشان تخففي على نفسك العبء اللي انتي حاسه بيه.

12- الثقة في سير الامور:

الصعوبات جزء من حياة اي حد, لكن في بعض الاحيان ممكن الاكتئاب يخليكي تقعدي تسألي نفسك “ليه او اشمعنى انا؟”, “ليه ده بيحصلي؟”, او “ليه حياتي صعبة؟”, هتلاقي نفسك بتسألي نفسك الاسئلة دي في اكتر الاوقات اللي انتي حاسه فيها بقلق او اكتئاب, ولكن مع تكرار الجملة دي هتقدري تظبطي عقلك انه يشوف الصعوبات على انها جزء من فرصة التعلم في الحياة مش موجودة عشان تعمل منك ضحية, لازم تثقي في سير الامور.

علاج الاكتئاب 5
علاج الاكتئاب 5

في النهاية الاكتئاب هي مشاعر ممكن تخلينا نفكر بشكل سلبي وتبعدنا عن الافكار الايجابية, لكن الاختيار في الاخر ليكي, ياما تختاري ان المشاعر السلبية دي تسيطر عليكي والصعوبات تقف في طريقك, او تخلي الشعور ده يوجهك للطريق الصح, ونتمنى ان الجمل دي تساعدك انك توصلي للسلام الداخلي.

10 انواع اكل هتساعدك على تحسين مودك ومنع القلق والاكتئاب

اكلات بتحسن المود
اكلات بتحسن المود

مقالات متعلقه

15 طريقة هتساعدك توصلي للسلام الداخلي

15 طريقة هتساعدك توصلي للسلام الداخلي

10 علامات تقولك ان الشخص اللي قدامك بيمارس ضدك الابتزاز العاطفي، اعرفيها واعرفي ازاي تواجهيها

10 علامات تقولك ان الشخص اللي قدامك بيمارس ضدك الابتزاز العاطفي، اعرفيها واعرفي ازاي تواجهيها

9 طرق لتحفيز نفسك لو بتعاني من حالة مزاجية سيئة

9 طرق لتحفيز نفسك لو بتعاني من حالة مزاجية سيئة