12 حاجة كل خبراء العناية بالاظافر بينصحوكي بيها

بقلمريهام محمود فيأظافر visibility845

العناية بالاظافر والمانيكير والباديكير من الحاجات المهمة زي عنايتنا ببشرتنا وشعرنا لازم كمان نعتني ونهتم بضوافرنا, عشان نحافظ عليهم شكلهم صحي, والنهاردة من خلال السطور الجايه هنقولك نصايح للعناية بالاظافر, وايه الحاجات اللي ممكن تكون بتضر ضوافرك عشان تتجنبيها.

نصايح للعناية بالاظافر:

1- ادوات العناية بالاظافر:

ادوات العناية بالاظافر اللي بتستخدم في الكوافير او مراكز التجميل لان اكتر من شخص بيستخدمها وممكن متكونش نضيفة كفاية ممكن تنقل امراض زي التهاب الكبد B و C وفيروس نقص المناعة لحد فطريات الاظافر, وعشان تتجنبي الاصابة باي حاجة الخبراء والمتخصصين بينصحوا انك تستخدمي الادوات الخاصة بيكي وتاخديهم معاكي لو رايحة تعملي باديكير ومانيكير في مركز تجميل, ولازم تهتمي انك تروحي في مكان نضيف ومضمون.

نصايح للعناية بالاظافر

2- ازالة الكالو والجلد الجاف:

المتخصصين والدكاترة مش بينصحوا بازالة الكالو او الجلد الجاف في صالون التجميل, لو انتي بتعاني من الكالو او الجلد الجاف فالادوات المستخدمة في صالون التجميل ممكن تزود المشكلة, عشان تتجنبي المشكلة من البداية البسي احذية متكونش ضيقة اوي على الرجل, وحطي الكريمات والمراهم على مكان الكالو والجلد الجاف عشان تتأكدي من ترطيب بشرتك بشكل كافي.

نصايح للعناية بالاظافر

3- علاج نمو الاظافر تحت الجلد:

المشكلة دي علاجها بيحتاج دكتور متخصص, لكن المتخصصين في صالونات التجميل معندهمش الخبرة الكافية ولا المؤهلات لعلاج المشكلة دي, وممكن التعامل الغلط مع الضوافر المغروزة تحت الجلد يأدي لالتهاب يكون صعب علاجه الا بالمضادات الحيوية او حتى ازالة الضوفر كله خالص, عشان كده لو انتي بتعاني من المشكلة دي يبقى لازم تروحي لدكتور متخصص في اسرع وقت.

نصايح للعناية بالاظافر

4- ازالة الجلد اللي حوالين الاظافر:

الجلد اللي حوالين الضوافر ده بيحميها من العدوى, ولما بتشيليه ده ممكن يسبب ضرر للضوفر, وتطلع بعد كده سميكة او لونها متغير او فيها خطوط, عشان كده المتخصصين والدكاترة بينصحوكي انك متشيليش الجلد اللي حوالين الضوافر, الحاجة الوحيدة اللي تقدري تعمليها انك تليني الجلد ده بكريم او سيروم وتزقيه بعيد عن الضوفر بادوات نضيفة.

نصايح للعناية بالاظافر

5- فراغات تحت الاظافر:

ممكن المانيكير والباديكير منخفض الجودة او اللي بيتعمل بشكل غلط يسبب فراغات تحت الضوافر, وفي لغة المتخصصين الحالة دي بتتسمى “التحلل الظهري” وبيظهر نتيجة تلف الطبقة السفلية من الضوفر, والوحيد اللي يقدر يعالج المشكلة دي هو دكتور الجلدية, وغالبا هيكون العلاج بالمراهم والفيتامينات والحمامات.

نصايح للعناية بالاظافر

6- الاظافر الهشة:

ممكن بنات كتير يعانوا من مشكلة الاظافر الهشة واللي بيكون سهل تكسرها, والمشكلة دي ممكن يكون سببها استخدام مانيكير جودته سيئة, والخبراء بينصحوا بعدم استخدام مبرد الضوافر باستمرار او طول الوقت, من الافضل قص الضوافر بالمقص الاول وبعدين تستخدمي المبرد عشان تساويهم بس, وابردي الضوافر وهي جافة بس لان وهي مبلولة بتكون اضعف وسهلة التكسر اكتر, وبالنسبة للضوافر الطبيعية استخدمي مبرد خشب مقاس 240 او اكتر.

نصايح للعناية بالاظافر

7- الاظافر الصفرا:

الاظافر الصفرا مش بس ممكن يكون سببها مشاكل صحية, لكن كمان ممكن يكون بسبب استخدام مانيكير جودته سيئة, عشان كده خبراء ومخصصين الاظافر بينصحوا وضع طبقة واقية الاول قبل المانيكير, واستخدام مانيكير تكون جودته عالية, ومتحطيش يود على الضزافر, ممكن تستخدمي معجون الاسنان او سكراب الملح على الاظافر هيساعدك على حل المشكلة دي, او نقع الضوافر في حمام من الليمون وبيروكسيد الهيدروجين “مية الاكسجين” هيساعدك انه يرجع اللون الطبيعي للضوافر.

نصايح للعناية بالاظافر

8- الجلد الزيادة حوالين الضوافر:

ظهور الجلد الزيادة حوالين الضوافر ممكن يكون بسبب عمل مانيكير للضوافر بطريقة غلط, والخبراء بينصحوا لما تظهر تقصيها بس بالمقص, لكن متشديهوش عشان متضريش الجلد والضوافر, رطبي الجلد دايما بكريمات غنية بفيتامين E واعملي مانيكير دايما عند متخصصين محترفين.

نصايح للعناية بالاظافر

9- ازالة شعر الساقين قبل الباديكير:

دايما قبل ما بنروح نعمل باديكير في صالون التجميل بنعمل ازالة للشعر عشان الرجل يطلع شكلها حلو قدام اللي هتعملك, لكن خبراء العناية بالاظافر نفسهم بيقولوا انهم مش بيهتموا بالحاجات دي, والمتخصصين بينصحوكي انهم متعمليش ازالة للشعر قبل الباديكير لان المسام على الرجل بعد الازالة بتكون مفتوحة اكتر وده ممكن يعرضك لخطر الاصابة بعدوى.

نصايح للعناية بالاظافر

10- المانيكير:

المانيكير او اي منتجات تانية للاظافر كتير منها بيحتوي على مواد كيميائية مضرة وخطر, والمكونات دي ممكن تأذي الضوافر وممكن تكون السبب في رد فعل تحسسي او حتى الربو, عشان كده الخبراء بينصحوا انك تغيري المانيكير كل 3 – 4 اسابيع, وتريحي ضوافرك من المانيكير كل 6 – 8 شهور, والفترة المثالية هي 105 يوم, لان ده الوقت المطلوب اللي بياخده نمو ضوفر جديد.

نصايح للعناية بالاظافر

11- اجهزة الاشعة الفوق بنفسجية:

اجهزة الاشعة الفوق بنفسجية اللي بتستخدم في تجفيف الاظافر الجل, تعتبر خطر على الصحة, وبتأذي الجلد, وحسب تصريحات الدكاترة انها ممكن تسبب حروق الجلد, عشان كده لو هتعملي ضوافر جل يبقى قبل ما تروحي صالون التجميل حطي واقي من الشمس على بشرة الايد او اختاري صالون يكون بيستخدم لمبات LED.

نصايح للعناية بالاظافر

12- الحمامات السخنة للقدم:

تشققات القدمين ممكن يكون سببها حمامات المية السخنة زيادة عن اللزوم, عشان كده بننصح الاشخاص اللي بيعانوا دايما من تورم في القدمين او جفاف الجلد باستمرار يتجنبوا حمامات المية السخنة لفترات طويلة, وعشان تحسني صحة الجلد الخبراء بينصحوا باستخدام الكريمات والمستحضرات المرطبة بانتظام.

نصايح للعناية بالاظافر

افضل 10 نصايح لمنع عدوى الاظافر والحفاظ عليها صحية

نصايح لمنع عدوى الاظافر والحفاظ عليها صحية