6 حركات يوجا هتساعدك على النوم في ثواني

لو بتعاني من صعوبة في النوم ودايما عندك أرق, هنقولك النهاردة حل نهائي للمشكلة دي من خلال 6 حركات يوجا هتساعدك على النوم بشكل سريع جدا, لانها هتساعد على تهدئة نظامك العصبي وتخفيف التوتر والاسترخاء في ثواني.

حركات يوجا هتساعدك على النوم:

1- Legs up the wall:

نامي على ضهرك على السرير خلي رجلك ناحية الحيطة, حطي مخدة تحت الوسط, ارفعي رجلك على الحيطة بحيث يكون كعبك وركبك على نفس الخط, وايديكي مفرودة جنبك, اثبتي على الوضع ده لمدة دقيقتين, وبعدها اتني ركبك ببطء لاي جنب.

2- On your stomach:

نامي على مخدة على بطنك, واشبكي صوابعك في بعض ورا ضهرك, خدي نفس عميق, واتني ضهرك وصوابع رجلك, وحاولي انك توصلي بايديكي لكعبك, وبعدين انخفضي ببطء وارجعي للوضع الاول وانتي بتخرجي الزفير.

كرري التمرين من 5 – 10 مرات, بعدها تقدري تفتحي صوابعك وتسترخي.

3- Legs at a wide angle:

اقعدي وافتحي الساقين على الاخر, هحطي مخدة قدامك, افردي ضهرك وخدي شهيق بعمق قدر الامكان, وبعدين خرجي الزفير ببطء, ومدي الذراعين قدامك, ونامي على المخدة.

اثبتي على الوضع, وخدي شهيق وخرجي الزفير 10 مرات, وبعدين قومي ارجعي للوضع الاول.

4- Feet together:

نامي على ضهرك على مخدة, وخلي قدم رجليكي الاتنين قصاد بعض, وايديكي مفرودة جنبك, واتنفسي بعمق وبهدوء, اثبتي على الوضع ده لمدة 3 دقايق.

5- Turns while lying:

نامي عى ضهرك, اتني ركبك الاتنين مع بعض, وميلي الساق للجنب ببطء, وامسكيهم بايدك, اثبتي على الوضع ده لمدة دقيقة واحدة, وبعدين غيري للجنب التاني, كرريه مرتين لكل جنب.

6- On your back:

نامي بشكل مريح مع وضع ضهرك على مخدة, افتحي الساقين بشكل بسيط, وايديكي مفرودة جنبك, وكف الايد لفوق, وخلي عمودك الفقري وراسك مفرودين في خط مستقيم, خدي 3 انفاس عميقة, وخرجي الزفير من الانف, بعدها خدي 4 انفاس عادية, عند اللحظة دي هتحسي انك عايزة تنامي وهتدخلي في نوم عميق بسرعة.

ازاي تستعدي للنوم .. الحاجات اللي لازم تعمليها وتتجنبيها قبل النوم !