اعرفي ايه هي قواعد الاهتمام بالبشرة في فترة العشرينات

آية حسان
آية حسان
في
بشرة
2501

فترة العشرينات فترة مهمة لبشرتك،  وفيها بتتعرض البشرة لتغيرات كتيرة ومختلفة واللي بيحصل في العشرينات والوضع اللي هتبقى عليه بشرتك هو ده اللي هيكمل معاكي، ولمجرد انك مش شايفة البقع وتجاعيد وعلامات تقدم سن البشرة ده مش معناه انها مش موجودة او ان بشرتك مش متأثرة بيها ومرهقة، وده معناه ان الروتين اليومي للبشرة مهم وضروري جدا وعشان كده لازم تهتمي بيها كويس، اعرفي قواعد الاهتمام بالبشرة في فترة الشعرينات

اعرفي ايه هي قواعد الاهتمام بالبشرة في فترة العشرينات

1- تابعي مع دكتور جلدية متخصص بانتظام:

مهم تتابعي مع دكتورجلدية متخصص يتابع معاكي ظهور وعلاج اي حبوب بتظهر في جسمك او وشك،وكمان يعالج الندبات اللي بيتسبب فيها حب الشباب ويحددلك انواع معينة من الكريمات والغسول الطبي اللي بتحتاجه بشرتك حسب طبيعتها. 

2- خلي الـ SPF جزء من روتينك اليومي :

لو في نصيحة واحدة هتمشي عليها في المقال ده كله هي ان يكون في نسبة SPF تكون على الأقل 30 في المستحضرات اللي بتستخدميها بشكل يومي، سواء الكريمات أو الـ Sunblock او الفاونديشن كمان، عشان تحمي بشرتك من أشعة الشمس الضارة اللي بتعتبر سبب أساسي في تكون البقع التجاعيد والخطوط ومش بس على الوجه، لكن استخدمي الكريم المضاد للشمس كمان على ضهر ايديكي ورقبتك وتقريبا اي جزء من جسمك ممكن يتعرض للشمس. 

أفضل الانواع بتعتبر La Roche-Posay Anthelios  و  Neutrogena Clear Face Liquid Lotion 

La Roche-Posay Anthelios
La Roche-Posay Anthelios

3- استخدمي سيرم : 

معروف طبعا ان بشرتك بتحتاج ترطيب يومي حتى لو دهنية، لكن لازم كمان تبدأي تستخدمي السيروم بشكل يومي عشان يعزز من ترطيب ونضارة بشرتك، واختاري النوع المناسب ليكي حسب احتياجات بشرتك من الترطيب، التفتيح او التغذية. 

استخدمي سيرم
استخدمي سيرم

4- ابدأي نظام ليلي للإعتناء بالبشرة: 

فترة العشرينات بتكون كلها توتر وقلق بسبب المسؤوليات والالتزامات اللي فجأة بتظهر في حياتنا، من البيت والشغل والدراسة وغيرها وكل الحاجات دي بتوتر وترهق بشرتك وتتسبب في تلفها بشكل كبير،  عشان كده مهم جدا يكون في روتين ليلي يومي لبشرتك يعوض طول الليل الارهاق اللي بتتعرض له بشرتك طول النهار، الروتين مش لازم يبقى غالي ولا يكلفك كتير، ممكن تكتفى بالمنظف و المرطب وكريم العين بس لازم تعمليه بانتظام.

ابدأي نظام ليلي للإعتناء بالبشرة
ابدأي نظام ليلي للإعتناء بالبشرة

اعرفي معانا كمان ازاي تعتني ببشرتك اثناء فترة الدورة الشهرية

مقالات متعلقه

3 نقط من السيروم ده هتخليكي ماتحتاجيش للمكياج

3 نقط من السيروم ده هتخليكي ماتحتاجيش للمكياج

هل واقي الشمس بيسبب حب الشباب؟ ازاي تختاري افضل واقي للبشرة المعرضة لحب الشباب

هل واقي الشمس بيسبب حب الشباب؟ ازاي تختاري افضل واقي للبشرة المعرضة لحب الشباب

هل البيض بيسبب حب الشباب؟ 3 اسباب هتجاوب على سؤالك

هل البيض بيسبب حب الشباب؟ 3 اسباب هتجاوب على سؤالك