20 قطعة ملابس تظهر قوة شخصيتك وتغير من مودك

بقلمأنجي سليمان فيموضة وأزياء visibility1073

حنتكلم هنا عن 20 قطعة ملابس تظهر قوة شخصيتك واللي تقدري تنسقيهم مع الاطلالة بتاعتك عشان تباني بمظهر قوي وجذاب

 وكمان تقدري تداري اي مشاعر سلبية او اي احساس داخلي بالمزاج السيء او عدم الثقة،

 لأن كتير بنكون مش في المود ومش مظبوطين وعايزين نداري المشاعر دي ونظهر بمظهر قوي

وده ممكن يحصل لما تختاري الملابس المناسبة اللي حتحسسك بالثقة في نفسك وكمان حتخليكي تدي انظباع بقوة الشخصية والجدية لأي حد حتتعاملي معاه

البليزر الفورمال

ده أول قطعة حتديكي احساس بالقوة وحيعكس انطباع كويس جدا بالثقة في النفس والجدية للناس اللي بتتعاملي معاهم، وياسلام كمان لو كان لونه قوي زي النبيتي او الاحمر او الازرق، ممكن تنقيه مع جينز وشوز بكعب

20 قطعة ملابس تظهر قوة شخصيتك
البليزر الفورمال

الفستان الدانتيل

ممكن تستغربي لأن الدانتيل من الخامات الرقيقة اللي بتدي احساس بالهدوء والرقة، لكن الغريب ان الانطباع اللي بيسيبه لبس القماش الرقيق والمفرغ زي الدانتيل هو انطباع بأن اللي لابساه شخصيتها قوية وواثقة في نفسها

20 قطعة ملابس تظهر قوة شخصيتك
الفستان الدانتيل

طقم بلون واحد

من الحركات الجريئة جدا اللي بتخليكي قوية انك تلبسي طقم بلون واحد من الاول للاخر،

وده بيكون له تأثير قوي وملحوظ خاصة لو مكانش اللون ده اسود او ابيض سادة

20 قطعة ملابس تظهر قوة شخصيتك
20 قطعة ملابس تظهر قوة شخصيتك

الفستان الاسود

الفستان الاسود السادة من القطع المميزة جدا اللي بتنفع في كل المناسبات والاوقات عشان كده لاوم تحتفظي بواحد في دولابك للايام اللي بتحتاجي فيها مساعدة للحصول على مظهر قوي

20 قطعة ملابس تظهر قوة شخصيتك
20 قطعة ملابس تظهر قوة شخصيتك

طبعات الجلود الطبيعية

زي طبعة الشيتا وجلد النمر والزيبرا، لو حتلبسيها في شوز او شنطة او اسكارف او توب مثلا كلها حاجات بتدي احساس بالثقة الشديدة في النفس وبتديكي منظر قوي وواثق

20 قطعة ملابس تظهر قوة شخصيتك
20 قطعة ملابس تظهر قوة شخصيتك

الجاكيت الجلد الاسود

ممكن يكون من الحاجات الموجودة تقريبا في كل دولاب، لكن قليل اوي الناس اللي تعرف تأثير الجاكيت الجلد الاسود والانطباع المميز اللي بيسيبه في نفس الناس اللي بنتعامل معاهم،

فلو انتي فعلا عايزة تظهري قوة شخصيتك دخليه في الاطلالة بتاعتك وشوفي بنفسك

20 قطعة ملابس تظهر قوة شخصيتك
الجاكيت الجلد الاسود

الالوان الفاقعة

ممكن تستغربي انك تكوني في مود مش حلو وتلبسي الوان مطرقعة زي الاحمر مع البينك او الاصفر مع الاورانج

بس بجد من اكتر الحاجات اللي حتدخل البهجة الي نفسك وتخليكي تباني واثقة في نفسك وشخصيتك

هو انك تلبسي الالوان المفرقعة في الظروف دي

20 قطعة ملابس تظهر قوة شخصيتك
الالوان الفاقعة

الفستان المشجر

ممكن تختاري فستان فيه تشجير او رسومات او طبعات كتير او مقلم بخطوط مش منتظمة مثلا،

وده بيخليكي تاخدي طاقة ايجابية واحساس جميل بتغيير المود حيخليكي واثقة في نفسك اكتر

20 قطعة ملابس تظهر قوة شخصيتك
الفستان المشجر

الكروب توب

ممكن تنسقيه مع استايلك ايا كان هو ايه، لكن في النهاية هو من قطع الملابس المميزة اللي بتخلي مظهرك جذاب وواثق

20 قطعة ملابس تظهر قوة شخصيتك
20 قطعة ملابس تظهر قوة شخصيتك

10- الجامب سوت

من الموضات الظريفة جدا واللي اتعمل منها الفورمال والكاجوال والسهرة كمان،

تقدري تلبسيه على حسب الوقت او الظرف اللي انتي فيه وفي كل الاحوال حيديكي انتي واي حد حيشوفك انطباع بالثقة في النفس وقوة الشخصية

20 قطعة ملابس تظهر قوة شخصيتك
الجامب سوت

11- البووت الاسود الطويل

البسي بوت اسود طويل بكعب عالي شوية مع اي ستايل لبس وشوفي بنفسك ازاي حيديكي مظهر قوي وانيق في نفس الوقت مع الكاجوال او الفورمال نسقيه مع الاطلالة بتاعتك واتخلصي من المشاعر السلبية فورا

20 قطعة ملابس تظهر قوة شخصيتك
20 قطعة ملابس تظهر قوة شخصيتك

12- الاطقم الرياضية

ممكن تفتكري ان الطقم الرياضي مش مناسب للحالات اللي بتحسي فيها بالاحباط،

لكن في الحقيقة لما بتلبسي اللبس المريح ده بتدي احساس بالاسترخاء والثقة في النفس،

المهم تعرفي ازاي تنسقيه كويس مش مجرد ملابس رياضية او كاجوال بس

20 قطعة ملابس تظهر قوة شخصيتك
20 قطعة ملابس تظهر قوة شخصيتك

ادخلي هنا واعرفي ازاي تلبسي الملابس الرياضية مع الحجاب 

13- القطع الميتاليك

ممكن تكون الفكرة جريئة اوي بالنسبة لك او غريبة، لكن لو جربتيها حتلاقي مفعولها اكيد ممكن تلبسي توب من الخامات الميتاليك او باليرينا وشنطة مع جينز ازرق وبليزر او سويتر

20 قطعة ملابس تظهر قوة شخصيتك
الهدوم الميتاليك

14- الكيلون او الشراب الفيليه المنقوش

ممكن يكون من القطع المتدارية او مش من الحاجات الاساسية في الطقم بتاعك بس لو عرفتي تظبطيه مع الطقم بتاعك حيبقى تأثيره حلو اوي ومميز وحتلاقيه ملحوظ جدا مش مجرد قطعة ثانوية

20 قطعة ملابس تظهر قوة شخصيتك
الشراب المنقوش

15-  القميص او البنطلون المقلم

برضه ممكن تلاقيه من الحاجات الموجودة في الدولاب ومش واخد حقه في الاهتمام، بس فعلا القميص او البنطلون المقلمين مش بيلبسهم غير الناس اللي ثقتهم في نفسهم عاليه عشان كده ساعة ما تشعري بالاحباط واهتزاز الثقة في النفس طلعيهم من الدولاب ونسقيهم مع طقم حلو واستعيدي ثقتك في مظهرك

20 قطعة ملابس تظهر قوة شخصيتك
اللبس المقلم

16- الجيب الهاي ويست

من القطع المؤثرة جدا والبسيطة اللي ممكن تلجأيلها عشان تنسقي طقم جذاب وقوي من غير مجهود

20 قطعة ملابس تظهر قوة شخصيتك
طقم بلون واحد

17- الفستان الماكسي

مش من السهل انك تظهري بطقم واحد بلون موحد عشان كده لو بتحبي تلبسي الفستان الماكسي اعرفي امك واثقة في مظهرك عشان الفستان الطويل من اكتر القطع اللي بتدي انطباع بالثقة في النفس والجرأة

20 قطعة ملابس تظهر قوة شخصيتك
الفستان الماكسي

18- البنطلون الجلد

نسقيه مع بلوزة او توب ساده وشوز بكعب وهو حيقوم بكل الدور لوحده حيخليكي حاسة بالقوة والثقة في النفس وكمان شيك وانيقة

20 قطعة ملابس تظهر قوة شخصيتك
البنطلون الجلد

19- البنطلون الكاروه

من النقشات المنتشرة جدا وفي منه الوان واشكال مختلفة، البنطلون ده مش مجرد اه موضه لأ ده كمان شيك جدا في لبسه ومن القطع الجريئة اللي تخليكي تظهري بمظهر كويس وواثقة في نفسك 

20 قطعة ملابس تظهر قوة شخصيتك
20 قطعة ملابس تظهر قوة شخصيتك

20- فستان او تونيك احمر

اللون الاحمر لون جريء جدا وبيدي انطباع بالقوة والثقة في النقس بشكل كبير، البسي التونيك او الفستان او التوب الطويل باللون الاحمر واتمتعي باحساس ثقة عالي.

20 قطعة ملابس تظهر قوة شخصيتك
20 قطعة ملابس تظهر قوة شخصيتك

كلمناكي عن 20 قطعة ملابس تظهر قوة شخصيتك  تقدري تختاري اللي يناسب ذوقك وتنسقيه بإسلوبك الخاص بالطريقة اللي تناسب شخصيتك.

تعالي هنا لو عايزة تعرفي ازاي تنسقي هدومك صح