نصائح جمالية إزاي تعملي لوك مايبينش انك مرهقة بالمكياج

بقلمآية حسان فيمكياج visibility900

اليوم النهاردة بادئ مش مظبوط وحاسه ان شكلك باين مرهق وتعبان من شغل امبارح؟ او مانمتيش كويس وحاسة ان وشك باين مرهق وتعبان ومفيش وقت ولا طاقة للمكياج الكتير، احنا هنحلهالك.. اعرفي معانا بخطوات وأدوات بسيطة جدا ازاي تعملي لوك مايبينش انك مرهقة

نصائح جمالية إزاي تعملي لوك مايبينش انك مرهقة بالمكياج

اللوك هيفرق جدا في شكلك والوك بتاعك قبل وبعد، وهتلمسي التغيير بشكل واضح، خلينا نبدأ الخطوات مع بعض

قبل وبعد
قبل وبعد

هل الطريقة دي هتليق عليا؟ 

الأدوات او الطريقة اللي هنستخدمها هنا غالبا بتليق على كل درجات البشرة لأن الأدوات دي أدوات لتصحيح وتوحيد لون البشرة، فمفيش مشكلة هتقابلك المهم تختاري الدرجات المناسبة وتطبقى الطريقة صح. 

الطريقة بتناسب تقريبا كل درجات البشرة
الطريقة بتناسب تقريبا كل درجات البشرة

الخطوة الأولى: قلم تصحيح لون البشرة

المميز في قلم تصحيح لون البشرة انه بيدي الفرصة لجمال بشرتك الحقيقي انه يظهر، بيوحد اللون وبيدارى اختلافات الدرجات ومناطق الكلف فبتبقى بشرتك لون واحد ” لونها الطبيعي” وده هيبرز جمالك أكتر وكمان بيغذي بشرتك ومفيد ليها. 

الخطوة الأولى

الخطوة الثانية: satin finish shadow

لو النوع ده من الآيشادو مش متوفر ممكن تستبدليه بالبلاشر اللي بيبقى فيه أكتر من درجة، وممكن تختاريه من درجات البينك أو الخوخي أو درجات البيج. 
الفكرة من 3 درجات للون الواحد هي انك تعملي تدرج، هتبدأي بالدرجة الأفتح على بداية العين من عند المدمع، والدرجة المتوسطة على منتصف الجفن، والدرجة الأغمق على آخر العين، وطبعا كل ده بطبقة خفيف. 

الخطوة الثانية

الخطوة الثالثة: قلم توسيع وتفتيح العين 

مش بالضرورة تستخدمي قلم clarifying pencil لو مش متوفر، ممكن تستبدليه بقلم الكحل الأبيض وترسمي بيه على خط رسم الكحل وعلى عضمة الحاجب، بس مهم تدمجي الخط على عضمة الحاجب كويس عشان بيان منور من غير ما يبقى خط واضح كأنه مرسوم بقلم. 

الخطوة الثالثة

استخدام القلم والآيشادو مع  بعض هيخلي عينيكي منورة ومش هيبان عليها اي ارهاق حتى لو كنتي مش نايمة، بعد ما تخلصي الخطوتين دول ماتنسيش تستخدمي الـ eyelash curler عشان تساعدك في ان عينيكي تبان أوسع كمان.

lash curler
lash curler

الخطوة الرابعة: البلاشر السائل 

حاولي تختاري liquid blusher أو بلاشر سائل يكون أساسه مياة عشان الزيوت ماترهقش بشرتك، استخدمي منه طبقة خفيفة أوي على الشفايف كأنها برايمر لـ lip gloss اللي هنستخدمه في الخطوة الجاية، وطبقة تانية خفيفة على عضمة الخد وصولا لبداية الأذن زي ما متوضح في الصورة، بس مهم تدمجيه كويس مع بشرتك عشان يبان طبيعي.

الخطوة الرابعة

الخطوة الخامسة: lip gloss 

اختاري lip gloss من غير لمعة عشان يكون مناسب اكتر للخروجات بالنهار، طبقة خفيفة من اللون البينك هتمشي مع لون البلاشرويكملوا بعض، وهتخلي شفايفك تبان fuller وشكلها صحي وجميل.

النتيجة النهائية

شوفي فيديو كامل للخطوات من هنا 

اعرفي معانا كمان اعرفي ايه هو لون الـ eyeliner المناسب للون عينيكي