أجنحة الفراخ المشوية الحارة مع صوص الرانش

ريهام محمود
ريهام محمود
1394

أجنحة الفراخ من الاطباق اللذيذ جدا اللي ممكن تعمليها كطبق جانبي او مقبلات, والنهاردة هنعرف مع بعض طريقة أجنحة الفراخ المشوية الحارة, وكمان هنشوف مع بعض ازاي نعمل صوص الرانش بنفسنا في البيت عشان ناكله مع الاجنحة.

أجنحة الفراخ المشوية:

المكونات:

حوالي كيلو أجنحة فراخ مع جزء الدبوس الصغير اللي جنب الجناح.

ملح, فلفل, توابل “اختاري اي توابل تفضليها”.

زيت نباتي.

أجنحة الفراخ المشوية 1
أجنحة الفراخ المشوية 1

مكونات الصوص الحار:

½ كوباية اي نوع صوص حار من السوبر ماركت “ممكن تستخدموا صوص التاباسكو”.

½ كوباية زبدة غير مملحة سايحة.

3 معالق كبيرة خل.

أجنحة الفراخ المشوية 2
أجنحة الفراخ المشوية 2

مكونات صوص الرانش:

¾ كوباية لبن رايب.

½ كوباية كريمة طبخ.

1 فص ثوم مبشور.

3 معالق كبيرة كرات مفروم.

2 معلقة كبيرة شبت مفروم.

1 معلقة كبيرة بقدونس مفروم.

ملح, فلفل.

أجنحة الفراخ المشوية 3
أجنحة الفراخ المشوية 3

طريقة التحضير:

سخني الجريل, وابدأي تبلي الاجنحة حطيها في طبق كبير, وضيفي لها الزيت,  والملح والفلفل والتوابل, قلبي الاجنحة كلها كويس في التتبيلة.

بمجرد ما الشواية تسخن, حطي اجنحة الفراخ لمدة ما بين 15 – 18 دقيقة “على حسب حجم الاجنحة بتاعتك”, او لحد ما تستوي كويس وتاخد اللون الدهبي.

اثناء ما الاجنحة بتتشوي, ابدأي حضري الصوص الحار, في طبق اخلطي الصوص مع الزبدة والخل وقلبيهم كويس مع بعض وسيبيه على جنب.

في طبق تاني, اخلطي كل مكونات صوص الرانش مع بعض, وقلبيهم مع بعض كويس, وحطيها في التلاجة لحد ما تخلصي شوي الاجنحة, وكل ما قعدت في التلاجة اكتر هيكون افضل وطعمها هيطلع احلى, وممكن كمان تحضريها من بالليل وتسيبيها لحد الصبح في التلاجة لنكهة افضل.

اول ما الاجنحة تستوي شيليها من على الشواية حطيها في طبق وضيفي لها ½ كمية الصوص الحار وقلبيها فيه كويس وبعدين رجعيها تاني على الشواية لمدة دقيقتين لكل جنب, ارفعيها من على النار تاني وحطيها في طبق وصبي عليها باقي الصوص الحار.

وكده الاجنحة بتاعتنا تبقى جاهزة قدميها مع صوص الرانش كتغميسة للاجنحة.

أجنحة الفراخ المشوية 4
أجنحة الفراخ المشوية 4

بالفيديو والخطوات : ازاى تعملى وصفة شرائح الفراخ بالجبنة الشيدر Cheddar Ranch Chicken Strips

بالفيديو والخطوات : ازاى تعملى وصفة شرائح الفراخ بالجبنة الشيدر Cheddar Ranch Chicken Strips
بالفيديو والخطوات : ازاى تعملى وصفة شرائح الفراخ بالجبنة الشيدر Cheddar Ranch Chicken Strips

مقالات متعلقه

وصفة القرنبيط الكرسبي في الفرن مع الصوص الحار

وصفة القرنبيط الكرسبي في الفرن مع الصوص الحار

الشتاء هو موسم البطاطا.. اعرفي إزاي تعملي بطاطا مشوية في البيت من غير ولا غلطة

الشتاء هو موسم البطاطا.. اعرفي إزاي تعملي بطاطا مشوية في البيت من غير ولا غلطة

بـ5 مكونات بس.. اعرفي ازاي تعملي وصفة شوربة قرع العسل الكريمية اللذيذة

بـ5 مكونات بس.. اعرفي ازاي تعملي وصفة شوربة قرع العسل الكريمية اللذيذة