حيلة هتساعدك تحسي بطاقة إيجابية لو بتمري بيوم سئ
كلنا من غير شك بتيجي علينا أيام سيئة وبيبقى صعب نتخطى الطاقة السلبية، واما الدنيا بتقفل مابيفرقش معاها انتي في البيت ولا في المكتب ولا في الشارع، والحقيقة انه احساس المرور بيوم سئ ده ممكن يتسبب في إحباط يستمر لأيام بعدها، عشان كده لازم تحاولي تتخلصي من أي إحساس بالطاقة السلبية فورا وماتسيبيهوش يسيطر عليكي، وفي المقال ده هنقولك على شوية طرق لطيفة وبسيطة، اعرفي حيلة هتساعدك تحسي بطاقة إيجابية لو بتمري بيوم سئ
حيلة هتساعدك تحسي بطاقة إيجابية لو بتمري بيوم سئ
أكلة حلوة:
الأكل طبعا هو مفتاح السعادة في أي موقف وفي كل وقت، جربي تاكلي حاجة بتحبيها، اعملى لنفسك سناك خفيف مع كوباية قهوة مظبوطة عشان تحسن مودك.
الورد:
اشتري ورد وخليه قدامك دايما على مكتبك أو في البيت
البيست فريند:
كلمى صديقتك المقربة وانزلوا اتمشوا سوا واشرحيلها ايه الي مضايقك، أو انزلي اتمشي لوحدك مع مزيكتك المفضلة.
ابعدي عن السوشال ميديا:
حيلة مهمة تعرفيبيها ازاي تحسي بطاقة إيجابية هي انك تدي لنفسك بريك من التليفون والسوشيال ميديا، ده هيحسن من مودك وهيفرق في يومك بشكل كبير عموما.
اسعدي غيرك:
اشتري حاجة لطيفة لوالدتك أو لأخواتك، إسعاد الآخرين هيتسبب في إسعادك كمان.
الرياضة:
العبي رياضة، الرياضة ليها عامل كبير في تحسين المود وتجديد الطاقة والتخلص من الطاقة السلبية.
مفكرة السعادة:
أعملي لنفسك مفكرة سعيدة، المفكرة دي اكتبي فيهاكل المواقف اللطيفة او الكلمات الحلوة اللي مرت عليكي او اتقالتلك، وكل مرة تحسي بإحباط أو سلبية افتحجيها واقرأي الكلام اللي فيها، ده هيعزز من ثقتك بنفسك وهيخليكيمبسوطة ويجدد طاقتك بشكل كبير.
اعرفي حيل أكتر من الفيديو ده
اعرفي معانا كمان ازاي تبقي متفائلة: اعرفي 7 تمارين للتفكير الايجابي