6 تصرفات بتبعد الناس عنك..وازاي تتجنبيهم

بقلمريهام محمود فيعلاقات visibility1753

كلنا ممكن يكون عندنا سلوكيات او تصرفات ممكن تبعد شخص على الاقل عننا وممكن ده يتكرر معانا اكتر من مرة, ودي طبيعة انسانية ممكن اي حد يكون عنده التصرفات دي, لكن الاعتراف بيها يعتبر اول خطوة للتخلص منها والتصرف بايجابية اكتر في حياتك, وفي بعض الاحيان انتي مش بتحسي انك بتبعدي الناس عنك بتصرف معين, عشان كده النهاردة من خلال المقال بتاعنا هنقولك اكتر 6 تصرفات بتبعد الناس عنك, وازاي تتجنبيها او تعكسيها.

تصرفات بتبعد الناس عنك:

1- الانانية:

مافيش شك ان الانانية ممكن تأثر على علاقتك مع اللي حواليكي, وان لفتة بسيطة من نكران الذات بتقطع شوط طويل جدا في انك تحتفظي بالاشخاص المهمين في حياتك, والبشر بطبيعتهم بيقدروا يفهموا هل تصرف ما انتي عملتيه بيكون اناني عن قصد او لا.

وعشان تتجنبي التصرف او الصفة دي وتعيشي حياة سعيدة ومتخسريش الناس اللي بتحبيهم, لازم تتعلمي انك تتعايشي مع اللي حواليكي, وده بيتطلب شوية انك تتخلي عن جزء من نفسك او تخلي جزء فيكي مضحي شوية وانك تعملي الحاجة من غير ما تطلبي مقابل, وهتتفاجئي ان اللي قدمتيه هيرجعلك تاني واكتر منه كمان.

تصرفات بتبعد الناس عنك

2- الغرور:

اكيد الغرور من اكتر الصفات اللي ممكن تبعد الناس عنك, محدش ابدا بيحب الشخص المغرور او اللي عنده الأنا دايما عالية, واكيد انك تتكلمي عن نفسك دي مش حاجة سيئة ولكن لازم يكون بقدر معين لانه لما تتخطيه هيتحول لغرور, واكيد من السهل معرفة الفرق بين الاتنين.

حاولي دايما تحطي حد للكلام عن نفسك كتير بصورة مبالغ فيها, وادي فرصة لغيرك انه يدي رايه في قراراتك وارائك وتقبليها بشكل عادي من غير تعالي او غرور عشان تحافظي على علاقة صحية مع اللي حواليكي, وحاولي تتواصلي وتفهمي احتياجات اللي حواليكي.

تصرفات بتبعد الناس عنك

3- التمسك بأرائك ومعتقداتك بشكل مبالغ:

في بعض الاحيان الاشخاص ممكن يتسمكوا بأرائهم ومعتقداتهم بشكل مبالغ فيه, وده هيخليكي ترفضي اي رأي او وجهة نظر مختلفة عنك من غير حتى ما تفهمي او تسمعي لمجرد بس انها مختلفة, وممكن يوصل الامر عند بعض الاشخاص لدرجة انهم كمان يحقروا او يقللوا من الاراء المختلفة عنهم, ولكن اكيد الطريقة دي هتخليكي متكسبيش احترام اللي حواليكي.

وعشان تتجنبي ده لازم تفهمي ان كل شخص ليه طريقة تفكير ومعايير مختلفة عن التاني حططها في حياته وبيعيش بيها, ودي تعتبر حاجة صحية ان كل شخص ليه قيم ومعايير مختلفة ومافيش شخص احسن من التاني حتى لو مختلف عنه, لازم تحترمي ده وتحترمي اللي حواليكي زي ما بتحترمي نفسك.

تصرفات بتبعد الناس عنك

4- الكمال او المثالية:

مافيش شخص مثالي او كامل, كل انسان معرض انه يغلط, وده اللي بيخلي البشر مميزين انهم بيغلطوا ويتعلموا من اخطائهم, عشان كده انك تتوقعي الكمال او المثالية من اللي حواليكي ده مش صح, مادام انتي مش مثالية يبقى متتوقعيش المثالية من اي شخص.

عشان كده افتكري دايما واعترفي ان الاشخاص ممكن يغلطوا في اي وقت, والسعي للكمال والمثالية غير واقعي بالمرة, لكن انك تسعي للتميز في كل حاجة بتعمليها هو ده اللي ممكن تحققيه.

تصرفات بتبعد الناس عنك

5- السلبية:

انك تبقي مصدر للسلبية ودايما بتشكي همك ومشاكلك وتصدري سلبيتك لكل اللي حواليكي حتى لو كل اللي حواليكي مبسوطين, ده اكيد هيبقى الناس عنك, بس لازم تعرفي ان كل واحد ليه ظروف مختلفة في الحياة, لكن في النهاية الظروف دي تخص كل شخص سواء عادلة او غير عادلة, مطلوبة او غير مرغوب فيها, في النهاية هي تخص صاحبها.

عشان كده بدل ما تصدري طاقة سلبية لكل اللي حواليكي حاولي تحلي مشاكلك بدل ما الشكوى اللي مش هتوصلك لاي مكان في النهاية.

تصرفات بتبعد الناس عنك

6- السخرية:

واحدة من اكتر السلوكيات والتصرفات اللي ممكن تبعد الناس عند وتكرههم فيكي هي السخرية, مينفعش تسخري من حاجة من غير ما تدي نفسك فرصة تفهمي, حاولي تفكري بشكل ايجابي اكتر, وتدي للي حواليكي ولنفسك فرصة تفهمي قبل ما تسخري منهم.

تصرفات بتبعد الناس عنك

شاركينا وقولي لنا ايه السلوك او التصرف اللي عملتيه غير اللي احنا قولناهم وبعد شخص عنك؟

10 طرق لجذب العلاقات الايجابية لحياتك

طرق لجذب العلاقات الايجابية