وصفة صينية قديمة: سيروم هيساعدك على تحفيز نمو الشعر وعلاج الشعر التالف في وقت سريع

ريهام محمود
ريهام محمود
في
شعر
16854

منتجات العناية بالشعر اللي موجودة في الاسواق كتير منها بيكون داخل فيها مواد كيميائية بتضر الشعر, وبعض البنات كمان بيستخدموا المنتجات اللي بتحتوي على السيليكون اللي في وهم انها بتنعم الشعر, لكن الحقيقة ان السيليكون بيغطي خصلة الشعر وبيسد المسام وبيمنع دخول الرطوبة ليه, ومع الاستخدام المستمر ممكن السيليكون يوقف انتاج المغذيات الطبيعية للشعر بسبب الطبقة اللي بتتكون عليه, عشان كده افضل بديل هو العلاج الطبيعي, والنهاردة من خلال موضوعنا هنقولك طريقة سيروم لعلاج الشعر وهو علاج صيني قديم هيساعدك على تحفيز نمو الشعر وعلاج التلف في وقت سريع.

طريقة سيروم لعلاج الشعر:

المكونات:

½ كوباية من زيت الخروع.

½ كوباية من زيت جوز الهند.

من 8 – 10 نقط من زيت الروزماري “اكليل الجبل”.

الطريقة:

– هاتي ازازة زجاج اخلطي فيها زيت الخروع مع زيت جوز الهند وزيت الروزماري, ورجي الازازة كويس عشان تخلطي كل الزيوت مع بعض.

– خدي من الخليط على كف ايدك ودلكيه كويس على فروة الراس لمدة من 2 – 3 دقايق, واستمري في التدليك لحد ما الخليط يغطي فروة الراس كلها, وسيبيه لمدة ساعة على الشعر, ولو تقدري ممكن تسيبيه طول الليل تنامي بيه وتغسليه الصبح هيديكي نتايج افضل.

– بعد كده اغسلي الشعر بالمية الفاترة والشامبو العادي بتاعك.

– كرري الوصفة مرتين في الاسبوع لافضل النتايج.

– تقدري تخزني الخليط ده في مكان جاف وضلمة لحد ما تيجي تستخدميه تاني.

سيروم لعلاج الشعر 1
سيروم لعلاج الشعر 1

فوايد مكونات السيروم:

زيت الخروع:

زيت الخروع غني بحمض الريسينوليك والاحماض الدهنية الاساسية اوميجا 6, اللي بتساعد على تحسين وتحفيز الدورة الدموية وده بدوره بيساعد على زيادة نمو الشعر وتكثيفه, كمان بيحتوي على العناصر الغذائية الاساسية اللي بتساعد على تقوية جذور الشعر وتغذية فروة الراس, كمان بيحمي بصيلات الشعر من التساقط.

سيروم لعلاج الشعر 2
سيروم لعلاج الشعر 2

زيت جوز الهند:

زيت جوز الهند بيحتوي على بنية دهنية طبيعية للشعر بتخليه يتغلغل في جذور الشعر بعمق, ويساعد على تحفيز نمو الشعر, وتغذية بصيلات الشعر, وتقليل تجعد وهيشان الشعر, وبيحافظ على الشعر صحي وبيلمع.

سيروم لعلاج الشعر 3
سيروم لعلاج الشعر 3

زيت الروزماري:

زيت الروزماري بيساعد على تعزيز نمو الشعر وتحسين الدورة الدموية, كمان بيساعد على منع الشعر الابيض او الشيب المبكر, وبيساعد على علاج قشرة الشعر.

سيروم لعلاج الشعر 4
سيروم لعلاج الشعر 4

ايه هي الهرمونات المسؤولة عن زيادة نمو الشعر ومنع تساقط الشعر؟ وازاي تعالجي التساقط

الهرمونات المسؤولة عن صحة الشعر
الهرمونات المسؤولة عن صحة الشعر

مقالات متعلقه

خطوتين بس هيساعدوا على زيادة نمو شعرك بسرعة وتكثيفه

خطوتين بس هيساعدوا على زيادة نمو شعرك بسرعة وتكثيفه

طريقة عمل شامبو البيض الطبيعي المغذي للشعر في البيت

طريقة عمل شامبو البيض الطبيعي المغذي للشعر في البيت

طريقة العناية بالشعر في الشتا وفترة الرياح الموسمية

طريقة العناية بالشعر في الشتا وفترة الرياح الموسمية