ازاي تخسري وزن لو وزنك فوق ال 90 كيلو او اكتر

بقلمريهام محمود فيتخسيس الوزن visibility1558

السمنة المفرطة او الوزن الزيادة اوي بيكون مش من السهل التخلص منه وخسارة الوزن, لكن اكيد مافيش حاجة مستحيلة كل حاجة ممكن مع النظام الصح, عشان كده النهاردة من خلال موضوعنا هنقولك نصايح لتخسيس الوزن لو وزنك فوق ال 90 كيلو او اكتر.

نصايح لتخسيس الوزن:

1- متمارسيش رياضة:

ايوه انتي قريتي صح! في الحقيقة ان الرياضة بتلعب دور ثانوي في تخسيس الوزن, وفي دراسة حديثة اتعملت في دول مختلفة من خلال برنامج لتخسيس الوزن من السعرات الحرارية, وقسموهم مجموعات بين اللي مارسوا رياضة واللي ممارسوش رياضة, وبشكل مفاجيء جدا اكتشفوا ان الرياضة ملعبتش دور رئيسي في حرق السعرات الحرارية او فقدان الوزن, واللي حسوا بتغيير في وزنهم كانت النتايج بسيطة جدا.

عشان كده ركزي جهدك وارادتك كلها بنسبة 100% على اللي بتاكليه, لان ممارسة الرياضة ممكن تسبب ضغط على المفاصل وتبقى خطر على اللي اوزانهم فوق ال 90 كيلو, عشان كده انتي مش هتكوني محتاجاها في بداية رحلة تخسيس الوزن بتاعتك.

تقدري تمارسي المشي بشكل يومي, لكن روتين الرياضة الشاق هيقلل من فرص نجاحك في خسارة الوزن على المدى الطويل مع الوزن ده.

وبمجرد ما تثبتي على نظام غذائي صحي وتتعودي عليه ويبقى روتينك اليومي, في الوقت ده بس تقدري تضيفي ممارسة الرياضة لنظامك.

نصايح لتخسيس الوزن
نصايح لتخسيس الوزن

2- متركزيش على حساب السعرات الحرارية:

غلطة تانية بيقع فيها الاشخاص اللي فوق ال 90 كيلو انهم بيركزوا على حساب السعرات الحرارية بشكل مبالغ.

ليه ده غلط, لان ممكن جدا ان هرمونات الجسم يحصلها ضرر من الدهون الزيادة, والكورتيزول العالي, والاستروجين الزيادة, وانخفاض هرمون التستوستيرون, ومقاومة الانسولين, عشان كده لما تحسبي السعرات الحرارية, ممكن الوزن مينزلش بسرعة كافية, وفي بعض الاوقات ممكن مينزلش خالص.

عشان كده اتباع نظام غذائي في الفترة دي بيكون مختلف شوية عن انك تقعدي تحسبي السعرات الحرارية, ركزي اكتر على تغذية الجسم, وده هنعرفه ازاي في النقط اللي جايه.

نصايح لتخسيس الوزن

3- ماتمشيش على نظام التغييرات البسيطة:

اكيد بنقرا كتير ان الافضل خسارة الوزن ببطء هو الافضل, لكن القعدة دي متمشيش على الاوزان اللي فوق ال 90 كيلو, لان التغييرات البسيطة هتديكي نتايج بسيطة.

وحسب الدراسات الحديثة ان الاشخاص اللي بيعانوا من وزن زيادة بشكل مفرط هيكون افضل لهم الانظمة الغذائية القاسية اكتر من الانظمة العادية, لانها هتساعدهم يفقدوا وزن كتير من اول 2 – 4 اسابيع, وده هيساعدهم على انهم يوصلوا لنتايج اكبر ويخسروا وزن اكتر في المستقبل.

عشان كده للي وزنهم فوق ال 90 كيلو بالنسبة لهم فقدان الوزن بسرعة هيأثر بشكل افضل على المدى القصير وعلى المدى الطويل, لان فقدان الوزن بسرعة هيحفزك انك تخسري وزن اكتر ويشجعك بشكل اكبر انك تكملي.

نصايح لتخسيس الوزن

4- عالجي جهازك الهضمي:

ممكن يكون الحمل الزيادة من الاكل سبب ضرر لبكتيريا الامعاء في الجسم وقدرتها على امتصاص العناصر الغذائية بشكل صح, حتى لو اكلتي اطعمة صحية الجسم مش بيعالجها او بيهضمها بشكل صح.

لكن الخبر الحلو ان علاج الجهاز الهضمي سهل وبسيط, ممكن تعملي خليط من المية وخل التفاح وتشربيه كل يوم, واتأكدي انك بتاخدي مكملات البروبيوتيك يوميا, البكتيريا الصحية اللي موجودة في الامعاء هتساعد على علاج الجهاز الهضمي وتحسين الطريقة اللي بيمتص بيها الاكل.

نصايح لتخسيس الوزن

5- ركزي على استهلاك البروتين:

الاشخاص اللي وزنهم فوق ال 90 كيلو غالبا هيكونوا مش بيستهلكوا بروتين بشكل كافي, لان البروتين هيخليكي تقريبا مستحيل تاكلي بشكل مفرط, لان البروتين بيملى المعدة لفترة طويلة, ومش هيخليكي تجوعي بسرعة وتتجهي للاكلات اللي ممكن تزود وزنك.

عشان كده بنقولك تحدي انك تجربي تاكلي 200 جرام بروتين, وشوفي بنفسك ايه اللي هيحصل, هتلاقي نفسك مش قادرة تاكلي الكمية كلها لان المعدة هتتملي وفي نفس الوقت السعرات الحرارية هتفضل منخفضة.

عشان كده بننصحك انك في كل وجبة تركزي على اكل البروتين زي صدور الفراخ الخالية من الدهون, السلمون, البيض, اللحم البقري.

نصايح لتخسيس الوزن

6- نضفي جسمك من الكربوهيدرات لمدة شهر:

المشكلة دي بتكون موجودة مع الوزن اللي فوق ال 90 كيلو مع المشاكل الهرمونية اللي موجودة في الجسم, وخاصة مع الانسولين, فرص الجسم لمقاومة الانسولين مع الوزن ده بتكون 90%+, عشان كده بننصجك على تجنب الكربوهيدرات لمدة شهر, والمدة دي تعتبر الحد الادنى يعني ممكن تزودي عليها.

نصايح لتخسيس الوزن

7- اشربي ماء الليمون كل يوم الصبح:

فكرة فعالة جدا هي شرب كوباية مية ليمون دافية كل يوم الصبح, دي تعتبر واحدة من اسهل العادات الصحية اللي ممكن تعمليها بشكل يومي, لان المشروب ده بيوفر للجسم العناصر الاساسية, وسهل تنك تعمليه, لكن اتأكدي انك بتسخدمي عصير الليمون الفريش مش عصير ليمون مركز من الجاهز.

كل اللي هتعمليه اعصري ½ ليمونة في كوباية مية دافية الصبح, واشربيها كل يوم, لكن حاولي انك بتستخدمي الشاليمو في الشرب عشان تمنعي تآكل مينا الاسنان اللي ممكن يسببها استهلاك الليمون يوميا.

نصايح لتخسيس الوزن

حمية شوربة الكرنب لتخسيس الوزن بسرعة في 7 ايام بس

حمية شوربة الكرنب
حمية شوربة الكرنب