ازاي تعتني ببشرتك اثناء فترة الدورة الشهرية

بقلمريهام محمود فيبشرة visibility1524

ايام الدورة الشهرية بتبقى من الفترات الصعبة بيحصل فيها تقلصات وتقلب في المزاج وظهور حب الشباب اثناء وبعد فترة الدورة, بسبب التغييرات الهرمونية اللي بتحصل في الفترة دي, والبشرة في الوقت ده بتكون محتاجة عناية خاصة جدا, عشان كده النهاردة من خلال موضوعنا هنقولك نصايح للعناية بالبشرة اثناء الدورة الشهرية وازاي تتفادي مشاكل الوقت ده من الشهر.

نصايح للعناية بالبشرة اثناء الدورة الشهرية:

1- تدليك البشرة:

التدليك او المساج يعتبر جزء اساسي من نظام العناية بالبشرة, والتدليك يعتبر اسلوب قديم للحفاظ على صحة وتوهج البشرة, لانه بيساعد على زيادة الدورة الدموية, وبتساعد في التخلص من الجلد الجاف والميت خلال فترة الدورة الشهرية, ممكن تدلكي بشرتك بشكل يومي بزيت الزيتون عشان تحافظي على بشرتك رطبة وصحية.

نصايح للعناية بالبشرة اثناء الدورة الشهرية
نصايح للعناية بالبشرة اثناء الدورة الشهرية

2- عمل ماسك للبشرة:

الماسكات بتكون عامل مهديء للبشرة في الفترة دي, الماسكات اللي من مكونات طبيعية زي الخيار, الالوفيرا, مية الورد, العسل وغيرها من المكونات بتساعد على الحفاظ على صحة البشرة خلال فترة الدورة الشهرية.

نصايح للعناية بالبشرة اثناء الدورة الشهرية

شوفي من هنا 24 وصفة طبيعية لبشرة صحية خالية من العيوب.

3- متستخدميش منتجات البشرة بشكل مفرط:

مش معنى ان البشرة في الفترة دي بتكون محتاجة عناية زيادة, انك تبالغي في استخدام منتجات البشرة وتستخدميها كلها مرة واحدة, الافضل انك تحتاجي نظام للعناية بسيط وطبيعي وتستخدمي الحاجات اللي بشرتك فعلا محتاجاها بس, والنظام الطبيعي للعناية بالبشرة ده هيحافظ على بشرتك صحية ونضرة على طول مش بس خلال فترة الدورة الشهرية.

نصايح للعناية بالبشرة اثناء الدورة الشهرية

4- حافظي على بشرتك رطبة:

البشرة الجافة واحدة من اكتر المشاكل اللي كتير من البنات بيعانوا منها, وخلال فترة الدورة الشهرية بشكل خاص بنلاحظ ظهور الجلد الجاف والباهت بشكل اكتر, ولكن تقدري تتجنبي ده بسهولة انك تمشي على جدول زمني بسيط للمية, لان الجفاف بيحصل غالبا بسبب قلة استهلاك المية, عشان كده شرب المية بكمية كفاية والعصاير الفريش هيقدر يحل لك مشكلة جفاف وبهتان الجلد ويحافظ على رطوبتها, ويمنع مشاكل الجلد بشكل عام, واستخدام التونر كمان من الحاجات اللي ممكن تخلصك من مشكلة جفاف الجلد.

نصايح للعناية بالبشرة اثناء الدورة الشهرية

5- اتعاملي مع بشرتك بحرص جدا:

بشرتك في الوقت ده بتكون محتاجة انك تتعاملي معاها بحرص اوي, لان البشرة بتبقى حساسة زيادة خلال فترة الدورة الشهرية, واهمالها ممكن يأدي لظهور طفح جلدي او جفاف الجلد او العدوى, عشان كده حاولي ترطيب البشرة بشكل مستمر, وممكن تدلكيها بكمية بسيطة من الزيت قبل النوم, واغسلي المكياج قبل النوم, واعملي تقشير للبشرة.

نصايح للعناية بالبشرة اثناء الدورة الشهرية

6- استخدمي مكياج خفيف:

زي ما قولنا في النقطة اللي فاتت ان الجلد بيكون في الفترة دي حساس اوي, وممكن انه يتفاعل او يتأثر بأي منتجات مكياج بسرعة, عشان كده الافضل انك تقللي من المكياج من فترة الدورة الشهرية عشان تتفادي مشاكل البشرة بقدر الامكان.

نصايح للعناية بالبشرة اثناء الدورة الشهرية

7- تقشير البشرة:

التقشير يعتبر جزء مهم في نظام العناية بالبشرة, ولازم تقشري بشرتك بشكل منتظم لانه بيفتح المسام المسدودة اللي ممكن تأدي لظهور حب الشباب, خصوصا اثناء وقبل فترة الدورة الشهرية, عشان كده لازم تتأكدي انك تقشري بشرتك خلال ايام الدورة الشهرية عشان تضمني انك تتخلصي من الجلد الميت وتحافظي على نعومة ونضارة البشرة, تقدري تستخدمي اي نوع سكراب طبيعي زي السكر, الشوفان, عصير الليمون, وغيرها من المكونات اللي تقدري تستخدميها لتقشير البشرة بشكل طبيعي في البيت.

نصايح للعناية بالبشرة اثناء الدورة الشهرية

ازاي تحسني بشرتك وتخلي شكلها صحي في اسبوعين بس

روتين تحسين البشرة
روتين تحسين البشرة