استخدمي ورق الجوافة للتخلص من التجاعيد وحب الشباب والبقع الغامقة وحساسية الجلد
ورق الجوافة الدراسات اثبتت ان ليه فوايد كتير للبشرة لانه غني بفيتامين B والفلافونويد, وورق الجوافة من العلاجات الطبيعية اللي كانت بتستخدم من زمان للتخلص من مشاكل الجلد زي التجاعيد وحب الشباب والبقع الغامقة وحساسية الجلد, والنهاردة من خلال المقال بتاعنا هنقولك وصفات بورق الجوافة للبشرة وعلاج مشاكل الجلد.
وصفات بورق الجوافة للبشرة:
1- وصفة ورق الجوافة للتجاعيد:
المكونات:
ورق جوافة “هتلاقيه عند العطار”.
زبادي.
الطريقة:
1- هاتي ورق الجوافة واغسليه كويس جدا تحت مية جارية.
2- ضيفي للورق شوية مية صغيرين واطحنية كويس لحد ما يبقى زي المعجون ممكن تطحنيه في البلندر.
3- اخلطي 2 معلقة كبيرة من معجون ورق الجوافة مع 2 معلقة كبيرة زبادي, اخلطيهم كويس لحد ما يتكون عندك معجون ناعم.
4- اغسلي بشرتك, وافردي الخليط على الوش والرقبة وسيبيه لمدة 20 دقيقة.
5- اشطفي البشرة بمية باردة, وحطي كريم مرطب.
6- كرري الوصفة مرتين في الاسبوع.
الوصفة غنية بالمواد المضادة للاكسدة اللي بتمنع الجذور الحرة, وبتساعد على التخلص من التجاعيد والخطوط الرفيعة, لحد ما الجلد يرجع تاني شباب وناعم ومتماسك ونضر.
2- وصفة ورق الجوافة لحب الشباب:
المكونات:
من 10 – 15 ورقة من ورق الجوافة.
من 10 – 15 ورقة من اوراق النيم.
1 معلقة صغيرة كركم بودر.
الطريقة:
1- هاتي ورق الجوافة وورق النيم واغسليهم كويس بالمية, وبعدين انقعيهم في كمية مية مناسبة من بالليل للصبح.
2- الصبح صفي الورق من المية, واطحنيه لحد ما يبقى على شكل عجينة.
3- حطي معجون الورق في طبق وضيفي له الكركم, واخلطيهم مع بعض كويس.
4- افردي الخليط على البشرة وسيبيه لمدة من 15 – 20 دقيقة.
5- بعدها اغسليه بالمية, وحطي كريم مرطب.
6- كرري الوصفة من 2 – 3 مرات في الاسبوع.
الوصفة غنية بالخواص المطهرة والطبية ومضادات الالتهابات اللي بتساعد على ازالة البكتيريا المسببة لحب الشباب من مسام الجلد, وبتخلي البشرة نقية خالية من العيوب.
3- وصفة اوراق الجوافة للبقع الغامقة:
1- هاتي اورق الجوافة واغسليها كويس تحت المية, ضيفي للورق شوية مية مقطرة واطحنيها لحد ما تتكون عندك عجينة.
2- حطي العجينة على مكان البقع بس, وسيبيها 15 دقيقة.
3- اغسلي بشرتك بمية فاترة.
4- كرري الوصفة مرة واحدة كل يوم.
اوراق الجوافة فيها خصائص مضادة للاكسدة ومضادة للبكتيريا اللي ليها قدرة على ازالة البقع الغامقة بشكل فعال جدا.
4- وصفة ورق الجوافة لحساسية الجلد:
1- هاتي ورق جوافة مجفف واطحنيه.
2- ضيفي 2 معلقة كبيرة من ورق الجوافة المطحون لكوباية مية واغليها لحد ما لونها يبقى بني.
3- ارفعيه من على النار وسيبيه يبرد, هاتي قطعة قطن واغمسيها في المية, وامسحي بيها الاماكن اللي بتعاني من الحساسية وسيبيها 10 دقايق, وبعدين اغسلي البشرة.
4- كرري الوصفة مرة واحدة كل يوم.
اوراق الجوافة بتحتوي على خصائص مضادة للالتهابات اللي بتساعد في علاج حساسية الجلد بشكل فعال.
فوايد قشر البيض الجمالية للبشرة والشعر وازاي تستخدميه في الوصفات الطبيعية
