بلياج الشعر Balayage احدث ستايل لصبغ الشعر في 2019

بقلمريهام محمود فيشعر visibility287

صبغ الشعر من الحاجات البسيطة والسريعة اللي ممكن تعمليها لو عايزة تجددي وتعملي نيولوك, لكن لو فاكرة ان صبغ الشعر كله بلون واحد هو بس الطريقة الوحيدة للتغيير تبقي غلطانة! لان في طرق مختلفة لصبغ الشعر زي الاومبري, الهاي لايت, اللو لايت, والجلوبال, والنهاردة هنتكلم على طريقة تانية وتريند جديد وهو بلياج الشعر, هنعرف مع بعض ايه هو البلياج وازاي تعمليه.

ايه هو بلياج الشعر Balayage؟

البلياج هي تقنية لصبغ الشعر بطريقة طبيعية, وهي بتكون بصبغ خصل الشعر من الجذور للاطراف مع تدريج اللون بيكون خفيف من عند الجذور وواضح عند الاطراف, والستايل ده يعتبر مثالي جدا للبنات اللي بيحبوا اللوك الطبيعي, او اللي بيكونوا عايزين يعملوا لوك جديد من غير ما يحتاجوا لاعادة صبغ الشعر كل كام اسبوع.

والميزة في البلياج انه مناسب لكل الون الشعر الاسود, البني, الاحمر, والاشقر, اي كان لون شعرك تقدري تعملي تقنية البلياج.

تعالوا نشوف مع بعض اقتراحات لالوان البلياج المناسبة لكل لون بشرة:

1- بلياج باللون البني الفاتح:

اللون ده مناسب جدا للبشرة البيضا والبشرة المتوسطة او اللي احنا بنقول عليها قمحي ممكن يعتمدوا على بلياج باللون البني الفاتح, ويدمجوها مع جذور باللون الغامق, استخدموا البني الفاتح القريب اوي من الاشقر ولكن مش الاشقر البلاتيني, ولو انتي شعرك فاتح ممكن تصبغيه بلون غامق وتعملي بلياج بني فاتح, ولو شعرك غامق ممكن تفتحيه وتعملي بلياج بلون بني افتح, يعني تقدري تلعبي باللون البني ودرجاته زي ما انتي عايزة.

بلياج الشعر
بلياج الشعر

2- بلياج باللون البني الغامق:

اللون ده مناسب لكل الوان البشرة, وممكن تفكير ان اللون البني على اللون البني مش هيعمل فرق او مش هتحسي بتغيير, لكن ده مش حقيقي البلياج البني الغامق بيطلع حلو جدا على لون الشعر البني.

بلياج الشعر

3- بلياج بمزيج من درجات البني:

مزيج درجات البني مناسب لكل الوان البشرة, وهو بيكون عبارة عن مزج ما بين البني الفاتح والغامق بيدي عمق ثلاثي الابعاد للشعر وحيوية للوك, وبننصحك مع الستايل ده اتجنبي انك تعملي الشعر ستريت او مفرود واعتمدي على اللوك الكيرلي لانه هيبان عليه تأثير اللون اكتر وهيطلع بشكل احلى.

بلياج الشعر

4- البلياج الاشقر الرمادي:

اللون ده مناسب للبشرة البيضا اوي لحد درجة البياض الاقل شوية, تقدري تحتفظي بالجذور غامقة وتعملي بلياج باللون الاشقر, هيديكي لوك طبيعي, وبننصحك في الستايل ده تعتمدي على اللوك المفرود للشعر, او كيرلي واسع.

بلياج الشعر

5- البلياج باللون اشقر جليدي:

الاشقر الايسي او الجليدي مناسب للون البشرة الفاتحة لحد المتوسطة, واللون ده لو ناوية تعمليه لفترة طويلة هيبقى محتاج يتجدد كل من 6 – 8 اسابيع عشان تحافظي على رونق اللون وميبقاش باهت, وغالبا البلياج باللون ده بيكون محتاج تفتيح للشعر الاول.

بلياج الشعر

6- بلياج Dirty blonde:

مناسب للبشرة الفاتحة لحد المتوسطة, واللون ده من الالوان التريندي جدا في 2019, ومع اللون ده كمان هتكوني محتاجة تفتيح للشعر الاول لو شعرك غامق عشان اللون يطلع مظبوط معاكي, استخدمي كريم او سيروم حماية للشعر قبل ما تعملي اللون وبعده.

بلياج الشعر

7- بلياج باللون الاشقر الاسبريسو والكراميل:

اللون ده مناسب جدا للبشرة السمرا, مزيج اللون الاسبريسو مع اللون الكراميل مع بعض, وبننصحك باعتماد الكيرلي الناعم مع اللون ده هيبرزه ويظهره اكتر.

بلياج الشعر

8- بلياج اشقر كريمي:

مناسب للبشرة الفاتحة, ويفضل تعملي البلياج ده مع لون شعر بني غامق لانه هيظهر اللون فيه احلى, سيبي كام بوصة من عند الجذور وابدأي بعده اعملي البلياج, وممكن تعتمدي على الكيرلي الناعم مع اللون ده.

بلياج الشعر

9- بلياج بلاتيني:

مناسب للبشرة الفاتحة لحد المتوسطة, لو عايزة لوك باربي مميز ده هيكون انسب اختياري ليكي, اختاري لون جذور الشعر يكون اقرب درجة للون شعرك الاساسي مع البلياج البلاتيني, وبننصحك كمان مع اللون ده تعتمدي على الستايل الكيرلي عشان يبرز اللون.

بلياج الشعر

10- بلياج نحاسي:

مناسب للبشرة البيضا اوي لحد درجة البياض الاقل شوية, وكمان اللون ده من الالوان التريندي في 2019, تقدري تعملي البلياج النحاسي على جذور باللون الاشقر او باللون البني الغامق او الاسود, وممكن مع اللون ده تعتمدي على ستايل الويفي الناعم للشعر.

بلياج الشعر

11- بلياج روز جولد:

اللون الوردي الدهبي مناسب لكل الوان البشرة, وتريندي جدا في 2019, لو بشرتك سمرا اعملي البلياج الروز جولد على جذور غامقة, ولو بشرتك فاتحة تقدري تعملي البلياج الروز جولد على جذور باللون الاشقر, وتقدري تعتمدي مع اللون ده على ستايل الشعر الويفي.

بلياج الشعر

12- بلياج بدرجات فاتحة وغامقة مع بعض:

مناسب للبشرة البيضا لحد البشرة السمرا, واللون مناسب ليكي لو مش حابه تعملي اشقر او بلاتيني هيكون ده الاختيار المناسب هو الدمج بين الدرجات الفاتحة والغامقة مع بعض, بيعمل عمق وبعد لخصل الشعر, وكمان لو انتي صاحبة وش ممتليء التكنيك ده هيعمل توازن جدا لوشك, واللون هيطلع مثالي جدا مع الشعر شبه المموج, وشبه المفرود.

بلياج الشعر

13- ال Rooted بلياج:

بالنسبة للون البشرة المناسبة ليها ستايل البلياج ده بيعتمد على اختيار اللون المناسب للون البشرة, وده يعتبر من اكتر الستايلات اللي بتحتاج مجهود, لانه بيحتفظ بحوالي 60% من لون الشعر الاصلي, وعمل البلياج على 40% بس من الشعر الباقي, وبالطريقة دي بيطلع تدرج الالوان بشكل طبيعي جدا.

بلياج الشعر

14- بلياج درجات عروسة البحر:

مناسب للون البشرة الدافية, درجات عروسة البحر بتكون ما بين الازرق الغامق والنيلي, ومناسبة جدا لو حابه تعملي لوك مميز ومختلف عن الالوان التقليدية, استخدمي درجات الازرق مع الروز جولد واللافندر.

بلياج الشعر

15- بلياج Sun-kissed:

مناسب لكل الوان البشرة, لو انتي صاحبة شعر اسود ممكن تختاري معاه بلياج باللون البني, وبالنسبة لصاحبة الشعر الاشقر ممكن تعملي بلياج باللون الكستنائي الفاتح.

بلياج الشعر

16- اللون العنابي:

مناسب لكل الوان البشرة وبشكل خاص للبشرة السمرا, وبرغم ان اللون مناسب للبشرة الفاتحة لحد المتوسطة الا انه بيكون مميز اكتر وبشكل خاص على البشرة السمرا ويعتبر اختيار مثالي, كمان اللون ده من الالوان اللي بتخلي الوش يبان شكله ارفع وبتحدده وتظهره اكتر.

بلياج الشعر

17- الاحمر الناري:

مناسب لكل الوان البشرة وكمان بشكل خاص للبشرة السمرا, وبننصحك تبعدي عن اللون ده لو عندك عضم الفكين عريض, او لون بشرتك محمر.

بلياج الشعر

18- اللون الكراميل:

مناسب لكل الوان البشرة, الميزة في البلياج ده بيكون حلو على الشعر الكيرلي او المفرود, واللون الكراميل بيليق على درجات الشعر الغامق والفاتح, وستايل الشعر الطبقات بيطلع حلو جدا مع اللون ده.

بلياج الشعر

19- بلياج Brunette blonde:

اللون ده مناسب جدا لصاحبات البشرة الفاتحة, وكمان من الالوان المناسبة لستايل الشعر المفرود والكيرلي او الويفي, وحوالي تعملي طبقات كتير مع اللون ده عشان تظهره اكتر وتدي حجم اكبر للشعر.

بلياج الشعر

20- اللون البني الرمادي:

مناسب للون البشرة المتوسطة لحد البشرة السمرا, اللون ده مناسب جدا لصاحبات الشعر الغامق, واللون مناسب لاي حد حتى للي بيصبغوا شعرهم لاول مرة, وممكن تعتمدي على ستايل الشعر الويفي او المفرود.

بلياج الشعر

21- المودرن سيلفر:

مناسب للبشرة السمرا, اللون السيلفر او الفضي من الالوان اللي بقالها فترة في موضة الوان الشعر, وتقدري تلعبي باللون وتدخلي معاه درجات دافية عشان يبان طبيعي اكتر, وممكن تعملي مودرن سيلفر بلياج وتدخلي معاه درجات الازرق والاحمر, واتأكدي انك تحافظي على الجذور الغامقة مع البلياج الفضي.

بلياج الشعر

22- بلياج متعدد الالوان:

بالنسبة للبشرة المناسب ليها ده بيعتمد على الالوان المستخدمة, للبشرة السمرا تقدري تعملي بلياج بدمج درجات البني الفاتح والغامق مع الكراميل, والبشرة الفاتحة تقدري تعتمدي على دمج درجات الاشقر والبلاتيني, والافضل تعملي الشعر ويفي مع البلياج ده عشان تظهريه اكتر.

بلياج الشعر

23- بلياج باللون الارجواني:

بالنسبة للون البشرة المناسب ليها اللون الارجواني او البنفسجي بيعتمد على درجة الارجواني المناسبة لبشرتك, لو بشرتك سمرا وشعرك غامق هيكون انسب اختيار ليكي اللون الارجواني الفاتح, ولو بشرتك بيضا وشعرك فاتح هيكون مناسب ليكي المزج بين الارجواني الفاتح والارجواني البلاتيني او الارجواني الغامق, وتقدري كمان تلعبي بدرجات الارجواني الفاتح والغامق مع بعض.

بلياج الشعر

24- اللون العسلي الكراميل:

مناسب لكل الوان البشرة, واللون العسلي الكراميل بيظهر بشكل احلى على لون الشعر البني الغامق, يعني لو شعرك فاتح بننصحك تصبغي الشعر باللون البني الغامق وبعدين تعملي البلياج باللون العسلي الكراميل, وهو يعتبر لون مثالي جدا للمبتدئين في صبغ الشعر او اللي مش متعودين يغيروا لون شعرهم وعايزين يغيروا ويعملوا لوك جديد ناعم, وبيكون مناسب معاه جدا ستايل الشعر الكيرلي الواسع.

بلياج الشعر

25- الباستيل الفاتح:

بيطلع بشكل افضل على البشرة السمرا, ويعتبر من الالوان التريندي في 2019, وبرغم انه بيليق بردو على البشرة الفاتحة الا ناه بيطلع احلى وبيظهر اكتر على البشرة السمرا.

بلياج الشعر

26- البلياج المودرن:

لون البشرة اللي بيليق عليها بيعتمد على اختيار الالوان, ومن اكتر الالوان المفضلة معظم البنات بيحبوها هي اللون البنفسجي والبينك.

بلياج الشعر

27- اللون البني الماهوجني الدافي:

بيطلع افضل على البشرة الفاتحة, اللون ده يعتبر من عائلة اللون الاحمر, وبيطلع بشكل احلى على الوان الشعر الغامق, فلو شعرك فاتح حاولي تصبغيه الاول بالاسود او البني الشوكولاتة وبعدين تعملي عليه بلياج باللون البني الماهوجني, واللون ده مناسب معاه ستايل الشعر المفرود من فوق وكيرلي من عند الاطراف بس.

بلياج الشعر

28- الجالاكسي بلياج:

مناسب لكل الوان البشرة, لو بتحبي اللوك المختلفة هيناسبك جدا اللون ده, اللي تقدري تدمجي فيه ما بين الازرق والفيروزي والبنفسجي, وتقدري تعمليه على اطراف الشعر بس او على الشعر كله بس هيكون محتاج تفتيح الاول وعمله باللون الازرق وبعدين تعملي بلياج بالفيروزي والبنفسجي.

بلياج الشعر

29- البنفسجي:

لون البشرة المناسب ليه بيعتمد على اختيار اللون البنفسجي المناسب للون البشرة, وتقدري تعتمدي معاه ستايل الشعر المفرود او الويفي.

بلياج الشعر

30- تيل بلياج:

مناسب لكل الوان البشرة, واللون التيل او الاخضر على عكس اللون الازرق او البينك, لو بشرتك سمرا تقدري تختاريه وانتي مغمضة, لو شعرك غامق حافظي على ده واعملي البلياج عليه على طول من اول نص الشعر, لما بيتعمل على الاسود او البني بيظهر اللون جدا وبيطلع شكله احلى, لكن لو شعرك فاتح يبقى الافضل تغمقيه وبعدين تعملي عليه التيل بلياج عشان يظهر اكتر.

بلياج الشعر

31- اللون الاسود والاسود الحالك:

بيطلع افضل على لون البشرة الفاتحة, تقدري تمزجي اللون الاسود مع الفضي, او الاسود مع الازرق, خلي الجذور اسود مع بلياج باللون الازرق الغامق, واللون ده بيضيف حجم اكبر للشعر.

بلياج الشعر

دليلك لاختيار لون الشعر المناسب للون بشرتك

لون الشعر المناسب للون بشرتك