الوان المانيكير المناسبة لكل لون بشرة

ريهام محمود
ريهام محمود
في
أظافر
8743

المانيكير من التفاصيل الصغيرة اللي بتكمل اللوك بتاعك, واختيار لون المانيكير المناسب للون بشرتك مهم, لانه لون المانيكير ممكن يأثر على شكل الايد, واحنا اتكلمنا في الموضوع ده قبل كده بالتفصيل انه ازاي لون المانيكير بيفرق وبيأثر على لون البشرة وشكل الضوافر, والنهاردة من خلال موضوعنا هنقول لكل بنات حوا الوان المانيكير المناسبة لكل لون بشرة.

الوان المانيكير المناسبة لكل لون بشرة:

واحنا اكيد مش بنقول انك تتمسكي وتتقيدي بألوان محددة, لكن مع ذلك بننصحك بأفضل الالوان المناسبة ليكي اللي هتطلع احلى على ايدك, واكيد اي بنت بتكون عايزة ده.

1- لون البشرة السمرا او الزيتوني لحد البشرة المتوسطة:

درجات لون البشرة من اول السمرا او البشرة الزيتوني لحد البشرة المتوسطة اللي ما بين البيضا والسمرا او اللي احنا بنقول عليها قمحي, درجات البشرة دي تعتبر محظوظة لانها تقريبا بيليق عليها كل الوان المانيكير ماعدا اللون الدهبي والالوان المعدنية, ومن انسب البروجاندي او النبيتي الغامق, البرقوقي, الاحمر الغامق, درجات الازرق, البنفسجي, ودرجات البينك, والالوان النيود.

الوان المانيكير المناسبة لكل لون بشرة 1
الوان المانيكير المناسبة لكل لون بشرة 1

2- لون البشرة التان او البرونزي:

لون البشرة البرونزي, انسب الالوان ليها هي الفوشيا, الازرق, البرتقاني, الاحمر, كمان الالوان النيون من الدرجات اللي بتليق على لون البشرة البرونزي.

الوان المانيكير المناسبة لكل لون بشرة 2
الوان المانيكير المناسبة لكل لون بشرة 2

3- لون البشرة الفاتحة او البيضا:

البشرة البيضا بننصحك بتعتمدي على اللون الاحمر, الالوان الباستيل, اللون الخوخي, ودرجات البنفسجي, والالوان الغامقة بشكل عام بتكون مناسبة للبشرة البيضا, على الرغم ان في بعض الاحيان الالوان الغامقة ممكن تدي لوك Vampy شوية, لكن ممكن تجربتها من وقت للتاني لو بتحبي اللوك الجريء والمختلف.

الوان المانيكير المناسبة لكل لون بشرة 3
الوان المانيكير المناسبة لكل لون بشرة 3

4- لون البشرة السمرا الداكنة:

لو بشرتك سمرا داكنة وبتدوري على الالوان اللي تليق عليكي وتظهر ايدك بشكل احلى واصغر, بننصحك تعتمدي على اللون النعناعي, ما بين الازرق النعناعي والاخضر النعناعي.

الوان المانيكير المناسبة لكل لون بشرة 4
الوان المانيكير المناسبة لكل لون بشرة 4

ونصيحة اخيرة لما تيجي تختاري لون المانيكير المناسب حطي في اعتبارك لون الاندر تون لبشرتك اللي بيتقسم ما بين البشرة الدافية, والبشرة الباردة, والبشرة المحايدة عشان يساعدك في الاختيار.. وتقدروا تشوفوا من هنا الالوان المناسبة حسب لون الاندر تون.

8 اسرار عشان تحصلي على مانيكير مثالي

اسرار لمانيكير مثالي
اسرار لمانيكير مثالي

مقالات متعلقه

نصايح لتجنب الفقاعات في طلاء الاظافر للحصول على مانيكير مثالي

نصايح لتجنب الفقاعات في طلاء الاظافر للحصول على مانيكير مثالي

اكتشفي شخصيتك من لون المانيكير المفضل عندك !

اكتشفي شخصيتك من لون المانيكير المفضل عندك !

7 الوان لموضة مانيكير 2016 و ايه هى افضل أشكال للضوافر اللي تليق مع كل لون

7 الوان لموضة مانيكير 2016 و ايه هى افضل أشكال للضوافر اللي تليق مع كل لون