اعرفي ايه الصح وايه الغلط تعمليه عشان تطلعي فوتوسيشن خطوبة من غير ولا غلطة
لما تيجي تعلني للناس خبر حلو زي انك اتخطبتي، مفيش طريقة أحسن من انك تقوليلهم بصور حلوة من حفلة خطوبنك، وعشان تطلعي صور حلوة لازم تعرفي كويس ايه هي الحاجات الصح وايه هي الحاجات الغلط لما تبجي تتصوري، في المقال ده اعرفي ايه الصح وايه الغلط تعمليه عشان تطلعي فوتوسيشن خطوبة من غير ولا غلطة
اعرفي ايه الصح وايه الغلط تعمليه عشان تطلعي فوتوسيشن خطوبة من غير ولا غلطة
خليكي creative
دي أفضل فرصة ليكي انتي وخطيبك عشان تبيني ابداعكم، استخدمى الديكورات المختلفة او الاكسسوارات الهاند ميد المخصوصة للتصوير او حتى الستايلات المختلفة للهدوم عشان تعملي فوتوسيشن حلو وكله ابداع.
ماتنسيش الرومانسية
بأي شكل تحبيه، بس لازم تعبري عن الرومانسية في صوركم ويبان فيها حبكم لبعض، الاحسن انها تبان طبيعية في صوركم طبعا من غير قصد بأن عيونكم هي اللي تعبر، لكن لو لابد اتفقوا على الـ positions الأفضل بالنسبة لكم في الصور مع الفوتوجرافر الخاص بيكم عشان يختارلكم أحسن الوضعايت اللي تبين صوركم أحلى.
خلي الصور classy
افتكري دايما ان الصور دي هيشوفوها كل عيلتك وأصحابك وكمان أولادك وأحفادك، عشان كده اختاري وقفاتك صح والأماكن اللي هتتصوري فيها وابعدي عن اي وقفة ممكن تسبب لك احراج أو تبقى غير لائقة.
اهتمي بالتفاصيل
تفاصيل بسيطة أوي ممكن تبوظ الصورة أو تخليها صورة عظيمة، عشان كده ماتتنازليش عن ان الخلفية تبقى مناسبة وان الإضاءة تكون مظبوطة وماتوفريش لو احتاجتي إكسسوارات أو مستلزمات تصزير معينة، اهتمي بالتفاصيل.
خليكي بسيطة
البساطة دايما أحلى، عشان كده حاولىىخلي كل حاجة بسيطة وبلاش أفورة، الضغط والتوتر و الزيادة فيك ل حاجة بنية انها تبان أجمل هيقلب بالعكس وهيخليها تبان fake ومش طبيعية، افتكري دايما انك مهم تخليكي بسيطة.
ماتقلقيش بزيادة على اللوك بتاعك
لو فضلتي تقلقي ان كل صورة لازم تبقى perfect من غير ولا غلطة، هتطلع الصور كلها مش حلوةوكلها غلطات، وعشان كده الفوتوجرافرز بياخدو لقطات كتيرة جدا لنفس الصورة لأن طبيعي ممكن طرحتك تطير في لقطة، شعر يطير في لقطة تانية، اتلفستان يلف وهكذا، فطبيعي انك تلاقي صور فيها غلطات، فحاولي من وسط الصور الكتيرة تختاري الأحلى وبس.
استمتعي بوقتك
أحلى صور هي الصور اللي هتباني فيها مبسوطة وعفوية ومستمتعة بوقتك، عشان كده حاولي تبعدي عنك اي توتروقلق وتتبسطي باليوم الجميل في ده، ابتسامتك هي اللي هتخلي أي صورة أحلى.
شوفي كمان 30 فكرة جديدة لصور فوتوسيشن الخطوبة Engagement photo ideas