10 عادات يومية ممكن تخليكي تباني اكبر من عمرك

ريهام محمود
ريهام محمود
في
بشرة
2162

العادات السيئة, وعدم العناية الكافية بالبشرة, وعوامل الجو, والنظام الغذائي الغير صحي ممكن انها تسبب الشيخوخة والتجاعيد المبكرة, ومع التقدم في العمر الجلد بيبقى ارق وبيبقى جاف اكتر وبيفقد مرونته وبتظهر التجاعيد والتصبغات, فلو انتي لسه في سن صغير وظهرت عليكيي علامات الشيخوخة والتجاعيد قبل وقتها يبقى لازم تراجعي عاداتك اليومية والعناية بصحتك, لان الصحة وجمال المظهر العام بيعتمد بنسبة 90% على العادات واسلوب الحياة اللي ليهم تأثير كبير على عملية الشيخوخة, والنهاردة من خلال موضوعنا هنقول لكل بنات حوا عادات يومية غلط ممكن تبينك اكبر من عمرك عشان تتجنبي انك تعمليها.

عادات يومية غلط ممكن تبينك اكبر من عمرك:

1- التقشير زيادة عن اللزوم:

اكيد البشرة بتكون محتاجة للتقشير عشان تتخلصي من كل خلايا الجلد الميتة, لكن ضروري انك متبالغيش في استخدام التقشير, لانها ممكن تجيب نتيجة عكسية وتضر بشرتك.

عادات يومية غلط 1
عادات يومية غلط 1

2- مش بتحطي واقي الشمس كل يوم:

البشرة بتحتاج لحماية من الاشعة فوق البنفسجية اللي ممكن تضرها, عشان كده انتي محتاجة استخدام الصن بلوك قبل كل مرة تخرجي فيها في الشمس.

عادات يومية غلط 2
عادات يومية غلط 2

3- مش بتاكلي الاطعمة الغنية بالفيتامينات:

النظام الغذائي بينعكس بشكل مباشر على بشرتنا وصحتنا, عشان كده ضروري جدا انك تضيفي الفاكهة والخضروات الفريش لنظامك الغذائي بشكل يومي.

عادات يومية غلط 3
عادات يومية غلط 3

4- بتلبسي حمالة صدر قديمة:

حمالات الصدر القديمة وخصوصا لو مش مريحة او مستهلكة ممكن انها تأدي لمشاكل في الصدر زي الترهل, عشان كده بننصحك انه من الافضل انك تغيري حمالة الصدر كل 6 شهور.

عادات يومية غلط 4
عادات يومية غلط 4

5- قلة النوم:

لو عايزة تبقي في صحة كويسة وبشرتك صحية ومشرقة, يبقى لازن تنامي كويس جدا, دي تعتبر واحدة من القواعد الاساسية للحفاظ على الصحة العامة, حاولي انك تنامي 8 ساعات على الاقل يوميا.

عادات يومية غلط 5
عادات يومية غلط 5

6- بتلبسي ملابس واسعة اوي:

ممكن بعض البنات او النساء يكونوا بيفضلوا اللبس الواسع اوي لاي سبب ممكن يكون عدم ثقة كافية في النفس او حابين يدارو اي عيب او ديفو في الجسم, لكن ده بيأثر على مظهرك وشكلك العام ومش بس هيبينك اكبر من سنك لكن كمان هيبينك اتخن من جسمك الطبيعي, وبالتالي لو انتي عايزة تداري اي مشكلة بالطريقة دي في اللبس فانتي كده بتزوديها ولازم تتجنبي الستايل ده فورا.

عادات يومية غلط 6
عادات يومية غلط 6

7- مش بتشربي كمية مية كفاية:

اي شخص بيحتاج المية, المية تعتبر عنصر مهم جدا لصحة الجسم, عشان كده ضروري انك تشربي كمية كفاية من المية, على الاقل 8 كوبايات في اليوم.

عادات يومية غلط 7
عادات يومية غلط 7

8- بتاكلي سكريات وحلويات كتير:

اكل السكريات والحلويات بكمية كبيرة مش بس هيزود في وزنك, لكن كمان هيأثر على مظهرك, وعلى بشرتك لان اكل السكريات بشكل مفرط ممكن يأدي لظهور حب الشباب ومشاكل جلدية كتير.

عادات يومية غلط 8
عادات يومية غلط 8

9- شرب المشروبات الغازية:

المشروبات الغازية بيكون فيها نسبة عالية جدا من السكريات وده هيأثر على بشرتك واسنانك ويضرهم, عشان كده الافضل تتجنبيها وممكن تستبدليها بعصاير الفاكهة الطبيعية من غير سكر.

عادات يومية غلط 9
عادات يومية غلط 9

10- التدخين:

التدخين يعتبر من اكتر العادات السيئة اللي ممكن تأذي بشرتك وتأدي لجفاف الجلد, ده غير المشاكل الصحية, فلو عايزة تحافظي على صحتك وشبابك, يبقى لازم تتوقفي عن التدخين فورا.

عادات يومية غلط 10
عادات يومية غلط 10

18 نوع اكل جسمك هيشكرك على اكلها

اكلات لصحة البشرة والجسم
اكلات لصحة البشرة والجسم

مقالات متعلقه

مكونات طبيعية اساسية ومتعددة الاستخدامات للبشرة والشعر

مكونات طبيعية اساسية ومتعددة الاستخدامات للبشرة والشعر

افضل مكونات الجمال لصحة البشرة ، ومصادرها

افضل مكونات الجمال لصحة البشرة ، ومصادرها

4 طرق بسيطة لازالة الرؤوس السودا عن طريق تعديل نظامك الغذائي

4 طرق بسيطة لازالة الرؤوس السودا عن طريق تعديل نظامك الغذائي