حطي المكونات دي على منطقة “السرة” وخلي بشرتك نقية خالية من العيوب

ريهام محمود
ريهام محمود
في
بشرة
43490

عشان توصلي لبشرة صحية ومشرقة اكيد اي بنت بتلجأ للوصفات الطبيعية على البشرة, بس احيانا بيكون في انواع بشرة حساسة لبعض المكونات وممكن تسبب مشاكل بدل ما تحل, طيب لو قولنالك ان بكام نقطة زيت على منطقة “السرة” ممكن تخليلك بشرتك صحية وناعمة وتحل لك كل مشاكل الجلد. وهو ده اللي هنعرفه النهاردة من خلال موضوعنا هنقولكم فوايد وضع الزيت على السرة للبشرة.

فوايد وضع الزيت على السرة للبشرة:

منطقة السرة جزء مهم جدا في الجسم اكتر مما تتخيلوا, والحقيقة ان الطريقة دي مفعولها سحري جدا وهي تعتبر من الطرق القديمة للعلاج, , كل اللي محتاجة تعمليه انك هتحطي كام نقطة من اي مكون من المكونات اللي احنا هنعرفها مع بعض في السطور الجاية على منطقة “السرة” بانتظام بشكل يومي وهتشوفي النتايج خلال اسبوع على الاقل.

الطريقة دي ليه فعالة؟ لان منطقة “السرة” مرتبطة بشكل مباشر بالوش, وتطبيق اي مكون على المنطقة دي ممكن انه يساعد بشكل كبير على حل كتير من مشاكل البشرة.

والميزة في الطريقة دي ان مالهاش اي اثار جانبية, وهي مش بس هتحسن بشرتك لكن كمان هتحل كتير من مشاكل الهضم.

تعالوا نعرف مع بعض 7 مكونات ممكن نستخدمهم على منطقة “السرة” لبشرة صحية ومشرقة وخالية من اي عيوب.

1- السمنة:

حطي كام نقطة سمنة على منطقة السرة, الطريقة دي تعتبر طريقة علاج هندية قديمة جدا للحصول على بشرة ناعمة جدا ومنورة.

السمنة هتساعد على ترطيب بشرتك بشكل كبير جدا وهتساعد على تفتيحها, لو انتي بتصرفي فلوس كتير على المرطبات, جربي الحيلة دي هتخلصك من جفاف البشرة والجسم, ويفضل استخدام السمنة البقري لنتايج افضل.

فوايد استخدام السمنة على السرة:

– علاج تشققات الشفايف وجفاف البشرة.

– بتساعد على تنعيم البشرة وبتخليها مشرقة ومنورة.

– بتساعد على ازالة البقع الغامقة.

– بتساعد على تفتيح البشرة.

– بتساعد على علاج التجاعيد والخطوط الرفيعة.

فوايد وضع الزيت على السرة 1
فوايد وضع الزيت على السرة 1

2- العسل:

العسل ليه فوايد صحية للجسم وكمان للبشرة, وضع نقطة من العسل على منطقة السرة, ممكن يساعد على علاج كتير من مشاكل البشرة.

فوايد استخدام العسل على السرة:

– علاج جفاف البشرة.

– علاج حب الشباب بسرعة.

– بيساعد على النوم العميق.

– علاج تشققات الشفايف.

فوايد وضع الزيت على السرة 2
فوايد وضع الزيت على السرة 2

3- مية الورد:

مية الورد تعتبر واحدة من اهم المكونات الجمالية المفيدة, تطبيق كام نقطة من مية الورد على السرة يوميا, ممكن تساعد بشكل كبير على تحسين لون بشرتك وتخليها مشرقة ومنورة.

فوايد استخدام مية الورد على السرة:

– بتخلي البشرة مشرقة ونضرة.

– بتساعد على تهدئة حب الشباب, والبثور, والتهاب البشرة.

– بتساعد على ازالة التجاعيد والخطوط الرفيعة من البشرة.

– بتساعد على تجديد خلايا البشرة.

فوايد وضع الزيت على السرة 3
فوايد وضع الزيت على السرة 3

4- زيت النيم:

زيت النيم من انواع الزيوت اللي بتساعد على علاج تلف البشرة, وبيحتوي على خصائص مضادة للبكتيريا وده بيخليه فعال جدا في علاج حب الشباب والبثور الحمرا.

حطي كام نقطة من زيت النيم على السرة, واتخلصي من حب الشباب.

فوايد استخدام زيت النيم على السرة:

– علاج حب الشباب والبثور.

– ازالة البقع الغامقة والبقع البيضا من البشرة.

– تنضيف البشرة.

– تحسين لون البشرة.

فوايد وضع الزيت على السرة 4
فوايد وضع الزيت على السرة 4

5- زيت الليمون:

الليمون يعتبر مصدر غني جدا بفيتامين C اللي بيساعد على ازالة تصبغات الجلد وتفتيح البشرة, لو عايزة تتخلصي من البقع الغامقة والندبات, حطي كام نقطة من زيت الليمون على منطقة السرة كل يوم بالليل.

فوايد استخدام زيت الليمون على السرة:

– التخلص من تصبغات الجلد.

– علاج البقع الناتجة عن حب الشباب.

– اعادة شباب البشرة وتجديدها.

– تنقية البشرة.

فوايد وضع الزيت على السرة 5
فوايد وضع الزيت على السرة 5

6- زيت اللوز الحلو:

تطبيق كام نقطة من زيت اللوز على منطقة السرة ليه فوايد فعالة جدا للبشرة والجسم, بس دفي الزيت شوية قبل ما تحطيه عشان البشرة تمتصه بشكل اسهل.

فوايد استخدام زيت اللوز على السرة:

– بيخلي البشرة مشرقة ومنورة.

– بيساعد على ترطيب وتنعيم البشرة.

– بيعالج جفاف وتشققات الشفايف.

– ترطيب البشرة والجسم.

– ازالة التجاعيد.

– علاج الهالات السودا تحت العين.

فوايد وضع الزيت على السرة 6
فوايد وضع الزيت على السرة 6

7- زيت المسطردة “الخردل”:

وضع زيت المسطردة على السرة بيساعد على تحفيز الامعاء وتحسين عملية الهضم, وبيساعد على تطهير الجسم وتنضيفه من السموم, بيساعد كمان على علاج جفاف الشفايف وتنعيمها.

فوايد وضع الزيت على السرة 7
فوايد وضع الزيت على السرة 7

ازاي تستخدمي المكونات على السرة وافضل وقت لتطبيقها:

– اول حاجة نضفي منطقة السرة كويس, وبعدها ممكن تحطي اي مكون بشكل مباشر على السرة, او تحطي منه على قطنة وتدهني منطقة السرة, وتدلكيها من 10 – 15 دقيقة لحد ما البشرة تمتص الزيت تماما.

– افضل اوقات تطبقي فيها المكونات على السرة, ياما بالليل قبل النوم, او قبل ما تاخدي الشاور بنص ساعة, واستخدميها بانتظام بشكل يومي عشان توصلي لافضل النتايج في وقت سريع.

فوايد وضع الزيت على السرة 8
فوايد وضع الزيت على السرة 8

ازاي تحسني بشرتك وتخلي شكلها صحي في اسبوعين بس

روتين تحسين البشرة
روتين تحسين البشرة

مقالات متعلقه

تحدي اليوم الواحد لتوهج بشرتك قبل الفرح

تحدي اليوم الواحد لتوهج بشرتك قبل الفرح

علاج الايورفيدا للبشرة في البيت في 3 خطوات سهلة

علاج الايورفيدا للبشرة في البيت في 3 خطوات سهلة

5 علاجات طبيعية بتستخدمها كارينا كابور لبشرة نضرة وشباب

5 علاجات طبيعية بتستخدمها كارينا كابور لبشرة نضرة وشباب