استايل هدوم رجل برج القوس
مبتهج، عنده ثقة عالية جدا في قدراته، وتقديره لنفسه عالي جدا، متفائل، ومتحمس جدا وعنده شغف لكل مشروع او علاقة هو مقبل عليها،
بس احيانا بيكون متهور ومتسرع وده لأنه بينتمي للأبراج النارية، متمرد على القوانين وبيكره القيود بيحب السفر والتنقل اوي،
واهم حاجة بتميزه هي حظه العالي جدا كل دي صفات رجل برج القوس واللي كمان بتنعكس بشكل ما على استايل هدوم رجل برج القوس
حب الاقتناء هو عنوان شخصيته
رجل برج القوس في طبع غريب جدا انه بيحب يقتني الملابس ويرتبها كويس جدا على اد المناسبات اللي ممكن تقابله في حياته،
يعني يبقى عنده اطقم للمناسبات، واطقم للشغل، واطقم للخروج مع الاصدقاء وغيرها وغيرها على حسب كل مناسباته،
لكن في النهارية هو بيلبس طقم او اتنين لأن هو بيلاقي نفسه وراحته في الطقمين او التلاتة دول
لكن ساعات بتواجهه مواقف تخليه يلجأ للاطقم اللي في دولابه.
الكاجوال والراحة اهم حاجة عنده
رجل برج القوس بيتحرك ويتنقل كتير ودايما في نشاط وده بيخليه يختار هدوم مريحة وعملية جدا في حياته عشان تساعده على الطبع ده،
مثلا بنطلوناته غالبا بتكون جينز ومن ناحية الموديل فهو مش بيرتاح في البنطلون الskinny
بس بيحب البنطلون المظبوط بيكون مقاسه مناسب مع الجسم ومريح في الحركة.
اختياراته في الفورمال
رجل برج القوس بيحب يقتني مجموعة من الجاكياتس او البليزارات في دولابه عشان في رأيه ان الجاكيت بيضيف لمسه من الاناقة على استايله وهو بيحب المظهر الانيق الغالي للبسه بشكل عام سواء كان كاجوال او كلاسيك،
عشان كده بيحب يخلي في دولابه مجموعة من الجاكيتس بألوان محايدة زي الكاكي والكحلي والرمادي والاسود وكمان زيهم من البنطلونات
ويبدأ ينوع ويختار الالوان والاطم على حسب الموقف او المناسبة اللي خارج لها.
ومن الاضافات اللي بيحب رجل برج القوس انه يضيفها على اطلالته البالطو متوسط الطول.
الاحذية
رجل القوس بيختار احذية وزنها خفيف وممكن كمان تكون رياضية عشان هو بيتحرك كتير،
وممكن يختار شوز جلد لكن بتصميم رياضي وبيحب يلبس السنيكرس والكونفيرس،
اما بقى لو اختار بووتس فهو بيختارها من غير نعل تقيل بحيث ان تصميمها يكون شيك وفي نفس الوقت يساعده على حبه للنشاط والحركة الكتير،
ومن ناحية الالوان فهو ممكن يختار الاسود او الهافان او البني المحروق عشان تمشي مع مختلف الاساتايلات والموديلات والالوان.
بالتأكيد موضوع اللبس بيتدخل فيه حاجات كتير زي الاذواق الشخصية والسن وشكل الجسم والثقافة
لكن بشكل عام دي كانت السمات العامة اللي بتميز استايل هدوم رجل برج القوس
من هنا في كل حاجة تخص برج القوس
