استايل هدوم رجل برج الدلو

أنجي سليمان
أنجي سليمان
1691

افكاره مختلفة وجريئة لدرجة ان غالبا المحيطين بيه بيستغربوها وهو ده بالظبط اللي بيوصف استايل هدوم رجل برج الدلو

مش بيحب الاختلاط في المجموعات الكبيرة والحفلات والتجمعات لكن بيفضل يحيط نفسه بعدد محدود من الناس

اللي بيشتركوا معاه في افكاره وتصوراته وعندهم وجهة نظر مشابهة لوجهة نظره،

وده مش معناه انه مش اجتماعي على العكس هو شخص محبوب وعنده معارف كتير من كل الطبقات والافكار

الفكرة بس ان هو لما بيقرب من حد بيحب يكون على توافق فكري معاه،

شخصيته مثيرة للفضول جدا بس مش من الساهل ان حد يقرب منه ويفهمه

استايل هدوم رجل برج الدلو 3

محب للالوان

رجل برج الدلو بيحب الألوان جدا وبيكره الملل والالوان الترابية،

بيحب يضيف لمسات من الالوان على كل حاجة بيلبسها المهم تكون على ذوقه الخاص وعجباه علشان رجل برج الدلو له اسلوب خاص في لبسه

ويحب الحاجة تبقى على مزاجه من ناحية التفصيل والموديل واللون وكل حاجة

ده بيخليه احيانا يلجأ لتفصيل هدومه عشان هو ساعات بيحس ان الحاجات الجاهزة مش ماشيه مع تصوره للهدوم

استايل هدوم رجل برج الدلو 1
استايل هدوم رجل برج الدلو 1

لمسته الخاصة

رجل برج الدلو بيكره اليونيفورم ومش بيحب التكرار او الملل في الهدوم عشان كده لو اتفرض عليه انه يلبس زي موحد او بدل في الشغل مثلا

حتلاقيه بيحط لمسات خاصه تميز هدومه يعني يختار كرافته ملونة او قميص مطبوع او حتى يحط بادج او شنطة وسط فوق هدومه

المهم ان هو مايبقاش واحد من الافراد اللي حواليه لازم يحط بصمته الخاصة ويميز نفسه.

استايل هدوم رجل برج الدلو 4
استايل هدوم رجل برج الدلو 4

طريقته في تنسيق هدومه

مش بيحب يلبس وخلاص يعني لو تخيلنا ان رجل برج الدلو عنده مناسبه وحيلبس فيها بدلة محايدة اللون اسود او رمادي مثلا

يبقى اكيد حيلبس معاها قميص بلون ملفت او كرافته ملونة بألوان جامدة المهم ان اخر حاجة ممكن نتخيلها انه يكون تقليدي او كلاسيكي في اختيار الوانه،

اما لو بنتكلم عن الكاجوال فحنلاقي ان البنطلون الملون من اكتر الحاجات اللي عنده جرأة انه يجربها ممكن يلبس الاخضر والنبيتي والمسطردة عادي جدا

ولما بيختار تيشيرت عليها رسمه دايما بيختارها  مختلفة لأنه ما يحبش يلبس التيشيرت السادة او المطبوع عليه اسم البراندات،

بس بيفضل بيختار المميز حتى لو في الرسمة المطبوعة على التيشيرت بتاعه

استايل هدوم رجل برج الدلو 2

الاحذية

بما انننا اتفقنا على حبه الشديد للتفرد والتميز واحساسه طول الوقت انه عايز يفرض شخصيته وافكاره على طريقة لبسه

فممكن نتخيل كمان اختياراته في الاحذية اللي بتكون مريحة للرجل وبتساعده على الحركة بسهولة لكن كمان لها الوان مميزة

وممكن يلبس كوتشي فيه اكتر من لون كمان عشان زي ما اتفقنا الالوان المحايدة مالهاش مكان في دولابه

استايل هدوم رجل برج الدلو 5
استايل هدوم رجل برج الدلو 5

طبعا الذوق في اللبس وطريقة الاختيار بتختلف من شخص للتاني وبيدخل فيها عوامل كتير زي السن والثقافة والذوق وغيرها كتير لكن بشكل دي كانت الصفات المشتركة اللي بتميز استايل هدوم رجل برج الدلو

اما لو حابين تعرفوا اكتر شوفوا هنا كل حاجة تخص برج الدلو

مقالات متعلقه

استايل هدوم انثى برج الدلو

استايل هدوم انثى برج الدلو

احلى هدايا لرجل برج الدلو !

احلى هدايا لرجل برج الدلو !

ازاى تكسبى قلب رجل برج الدلو ؟!

ازاى تكسبى قلب رجل برج الدلو ؟!