ليه الاشخاص لازم ياخدوا فترة راحة كل 90 دقيقة حسب كلام الباحثين

ريهام محمود
ريهام محمود
1412

دورة الراحة الاساسية (BRAC) هي آليه مقترحة من باحث “طب النوم” ناثانيل كلايتمان, اللي اقترح ان دورات النوم والصحيان عندنا المفروض انها تحصل في فترة زمنية مدتها 90 دقيقة, وده اللي هنعرفه بالتفصيل النهاردة من خلال السطور الجاية وهنقولكم ليه لازم تاخدوا راحة كل 90 دقيقة من اي حاجة بتعملوها.

ليه لازم تاخدوا راحة كل 90 دقيقة:

الدكتور كلايتمان في كتابه “النوم واليقظة” نشر نتايج ابحاثه عن حركة العين السريعة, او نوم حركة العين السريعة, وبصرف النظر عن اكتشاف نوم حركة العين السريعة, يعتبر اهم اعمال الدكتور كلايتمان هو دورة نشاط الراحة الاساسية, اللي بتقول ان البشر بيمتلكوا ساعة بيولوجية بتشتغل في فواصل زمنية مدتها 90 دقيقة المعروف بشكل اكبر باسم ايقاع Ultradian اللي بيأثر على طريقة عمل الدماغ واحنا نايمين ولما بنكون صاحيين, عشان كده النهاردة هنركز في موضوعنا على تأثير ايقاع Ultradian اثناء الصحيان, وليه لازم تاخدي بريك او راحة من الشغل كل 90 دقيقة.

المبدأ الاساسي في البحث ده ان الدماغ البشري بيمر بمراحل مختلفة كل 90 دقيقة, والمراحل دي هي اللي بتحدد مستويات اليقظة, والمبدأ ده ليه تأثير بعيد المدى اكتر ما تتخيلوا.

جسم الانسان مرتبط بالنبض, وعشان نشتغل في افضل حالاتنا,محتاجين اننا نجدد طاقتنا في فترات زمنية مدتها 90 دقيقة, ومش بس جسديا لكن كمان عقليا وعاطفيا.

ولو جينا قارنا الكلام ده بنظام الشركات اللي مش بتدي الموظفين اي بريك هنلاقي انها بتستنزف طاقتهم بسرعة والموظفين بيقدموا انتاج قليل, مقارنة بالشركات اللي عاملة نظام بريك او راحة للموظفين هيدوا هيقدروا يجددوا طاقتهم وينتجوا اكتر.

عشان كده هيكون الحل هو ان الشخص لازم بعد 90 دقيقة من العمل المركز, انه ياخد فترة راحة 20 دقيقة, والباحثين اكشفوا ان دي افضل طريقة للعمل وزيادة الانتاج.

ليه لازم تاخدوا راحة كل 90 دقيقة 1
ليه لازم تاخدوا راحة كل 90 دقيقة 1

ازاي تنفذي المبدأ ده في شغلك:

اولا لازم تفهمي كويس وتتقبلي دورات عمل الدماغ ودورات النوم والصحيان الخاصة بالدماغ.

لازم تحطي في الاعتبار بيئة العمل اللي انتي شغالة فيها, وتحاولي انك تخصصي وقت للراحة باي شكل, ممكن تظبطي تايمر على الكمبيوتر الخاص بيكي او الموبايل لمدة 90 دقيقة, او تدوني على ورقة قدامك الوقت اللي بدأتي فيه الشغل, وبعد 90 دقيقة المفروض انك تاخدي فترة الراحة بتاعتك.

هنقولك مثال ليوم عمل نموذجي بيبدأ من 9 الصبح ل 6 مساء وازاي تنظمي الشغل وفترات الراحة:

الساعة 9 الصبح: ابدأي الشغل وحددي ميعاد الاستراحة الساعة 10:30.

من الساعة 10:30 – 10:45: فترة راحة.

من الساعة 10:45 – 12:15: شغل.

من الساعة 12:15 – 12:45: وقت الوجبة.

من الساعة 12:45 – 2:15: شغل.

من الساعة 2:15 – 2:30: فترة راحة.

من الساعة 2:30 – 4: شغل.

من الساعة 4 – 4:20 او 4:30: فترة راحة.

من الساعة 4:30 – 6: اخر فترة تخلصي فيها الشغل.

ليه لازم تاخدوا راحة كل 90 دقيقة 2
ليه لازم تاخدوا راحة كل 90 دقيقة 2

في بيئات الشغل الغير مرنة بيكون الموضوع ده اصعب شوية في التنفيذ, لكن مع شوية ذكاء منك في ادارة الوقت تقدري تعملي فترات راحة “تروحي الحمام” او “تاكلي” وتحاولي باقصى جهدك تلتزمي بال 90 دقيقة شغل, و 20 دقيقة او “على الاقل 15 دقيقة” فترة راحة.

حاولي تنفذي قاعدة 90/20 دي في كل المهام اللي انتي بتعمليها سواء في الشغل او في البيت, يعني في البيت كمان تاخدي استراحة من شغل البيت كل 90 دقيقة, بعد تنفيذ القعدة دي هتحسي بفرق كبير وقد ايه انها بتجدد طاقتك وهتخليكي تحسي انك نشيطة اكتر وبتنتجي اكتر, والاهم من ده انها هتخليكي سعيدة ومرتاحة اكتر.

ليه لازم تاخدوا راحة كل 90 دقيقة 3
ليه لازم تاخدوا راحة كل 90 دقيقة 3

تمارين يوجا تعمليهم لو كنتي بتقعدي على المكتب فترات طويلة

تمارين يوجا تعمليهم لو كنتي بتقعدي على المكتب فترات طويلة
تمارين يوجا تعمليهم لو كنتي بتقعدي على المكتب فترات طويلة

مقالات متعلقه

حاسه في وقت كتير بيضيع منك؟ اعرفي إزاي تنظمي وقتك لو بتشتغلي من البيت

حاسه في وقت كتير بيضيع منك؟ اعرفي إزاي تنظمي وقتك لو بتشتغلي من البيت

نصايح لتنظيم اليوم الدراسي لطفلك

نصايح لتنظيم اليوم الدراسي لطفلك

5 حاجات تعمليها بعد الشغل عشان تقضي وقتك بشكل مفيد أكتر

5 حاجات تعمليها بعد الشغل عشان تقضي وقتك بشكل مفيد أكتر