ازاي تعملي السموزي المعجزة لعلاج آلام الركبة والمفاصل وتقويتها من جديد

بقلمريهام محمود فيصحة visibility1071

آلام الركبة والمفاصل من المشاكل اللي كتير من الناس بيشتكوا منها, لكن للاسف ان في كتير بيهملوها او مش بيهتموا بعلاجها اوي, لكن المشكلة دي ممكن تتطور لمشكلة اسوأ لو متعالجتش, عشان كده النهاردة من خلال موضوعنا هنقولكم على طريقة سموزي لعلاج آلام الركبة والمفاصل وتقويتها مرة تانية.

سموزي لعلاج آلام الركبة والمفاصل:

علاج آلام الركبة والمفاصل عادة بيحتاج وقت وفلوس كتير ما بين علاج طبيعي وادوية على ما توصلي لنتيجة مرضية, فلو انتي مش هتقدري على ده كله في حل طبيعي وبسيط جدا وبمكونات رخيصة تقدري تعمليه بنفسك في البيت, وعلى قد بساطة الوصفة بشكل كبير اللي هيخليكي تسألي نفسك هل معقولة هتجيب نتيجة؟ لكن احنا بنقولك ان الوصفة دي تمت تجربتها واختبارها واظهرت نتايج ايجابية فعالة جدا في جميع انحاء العالم.

تعالوا نعرف الاول ايه هي اسباب آلام الركبة:

آلام الركبة ليه اسباب كتير جدا, وممكن اي حد يعاني منه لسبب او اكتر منهم.

– الحوادث لو شخص اتعرض لحادثة في وقت ما.

– العدوى.

– بسبب حدوث التواء في الركبة.

– اصابة تم اهمالها ومتعالجتش في وقتها.

– لبس احذية غلط ومش مريحة.

– مش بتعملي احماء قبل التمارين الرياضية, ولا تهدئة للجسم بعد التمارين.

– ممارسة تمارين الستريتشينج بطريقة غلط.

ودي تعتبر الاسباب العادية او البسيطة لآلام الركبة في اسباب تانية بتكون اخطر زي النقرس, اورام العظام, انخلاع في المفاصل, متلازمة الالم الفخدي, التهاب المفاصل الروماتويد, وغيرها من الاسباب الطبية اللي ممكن تأدي لألام الركبة, وبننصحك انك لو شايفة ان سبب الم الركبة هو حالة طبية خطيرة الافضل تستشيري الدكتور في اقرب وقت.

وطبعا لازم نعرف كمان ان كتير من ألام الركبة بتكون بسبب التقدم الطبيعي للسن كل ما العمر بيكبر عضم المفاصل بيضعف ومش بيبقى زي الاول, خصوصا لو في زيادة وزن او قلة نشاط بدني, وهنا في الحالة دي المشروب ده هيكون مفيد جدا ليكي.

سموزي لعلاج آلام الركبة
سموزي لعلاج آلام الركبة

تعالوا دلوقتي نعرف طريقة السموزي لعلاج آلام الركبة:

المشروب اللي معانا النهاردة في 3 مكونات رئيسية هي القرفة والشوفان والاناناس, دول اكتر 3 مكونات مهمة في السموزي لان ليهم فوايد كبيرة جدا لآلام الركبة, لكن ده اكيد مش معناه ان باقي مكونات السموزي مش مهمة لكن هما بس ميعتبروش من المكونات الرئيسية او اللي عليها التركيز, لكن المكونات كلها مع بعض ليها تأثير كبير جدا على صحة الجسم بشكل عام لو اتشرب بشكل يومي مش بس الركبة والمفاصل.

مكونات السموزي:

7 جرام قرفة.

1 كوباية شوفان.

2 كوباية اناناس متقطع مكعبات.

1 كوباية عصير برتقان طازة طبيعي 100%.

40 جرام لوز مفروم.

40 جرام عسل نحل.

250 مل مية “حوالي 2 كوباية”.

سموزي لعلاج آلام الركبة
سموزي لعلاج آلام الركبة

طريقة التحضير:

اخلطي الشوفان مع المية واغليهم على النار لمدة دقايق, وبعدين ارفعيه من على النار وسيبيه يبرد.

اخلطي مكعبات الاناناس وعصير البرتقان والقرفة والعسل واللوز والشوفان واضربيهم مع بعض في الخلاط, لحد ما يبقى عندك خليط ناعم, ولو حسيتي انه سميك اوي ممكن تضيفي له شوية مية لو احتاجتي.

وكده يبقى السموزي بتاعنا جاهز, اشربي منه كوباية بشكل يومي لافضل النتايج, واحفظيه في التلاجة, بعد 5 ايام من الشرب المنتظم هتحسي بالنتيجة وان الالم بدأ يخف ويختفي بالتدريج وهتتفاجئي من النتايج.

هيساعدك على تخفيف آلام المفاصل, وخصوصا في الركبة, وكمان ممكن يساعد الاوتار والاربطة انه يخليها اقوى, وفوايد تانية كتير للصحة العامة لان كل مكون من مكوناته ليه فوايد.

سموزي لعلاج آلام الركبة

فوايد مكونات السموزي:

1- اللوز:

اللوز غني بالمغذيات الدقيقة والدهون الاحادية الغير مشبعة, والعناصر دي بتساعد في تقليل علامات الالتهاب بشكل كبير, واللي هتساعد على حل الاسباب اللي بتأدي لمشكلة الم الركبة.

ومن الحاجات التانية اللي ممكن تسبب الم الركبة هي زيادة الوزن, واللوز ممكن يساعد في السيطرة على المشكلة دي, لانه غني بالالياف, اللي هتساعدك انك تحسي بالشبع لفترة طويلة مع تقليل كمان نسبة الكوليسترول في الدم, ومساعدتك على السيطرة على وزنك بشكل افضل.

سموزي لعلاج آلام الركبة

2- القرفة:

في دراسة شملت حوالي 26 امرأة مصابين بالتهاب المفاصل الروماتويد, ان تناول 4 كبسولات “500 ملليجرام” من مسحوق القرفة يوميا ادى لانخفاض ضغط الدم وتقليل الالتهاب وارتفاع مستويات البروتين التفاعلي الايجابي اللي بيحارب الالتهاب.

كمان القرفة بتحتوي على خصائص مضادة للالتهاب, وبالتالي هتكون مفيدة جدا لآلام الركبة, بالاضافة لده كمان بتحتوي على خصائص مضادة للاكسدة بتخليها صحية بشكل عام للجسم كله.

سموزي لعلاج آلام الركبة

3- العسل:

العسل معروف من زمان بخصائصة الطبية, لانه بيحتوي على خصائص مضادة للجراثيم وده بيخليه اختيار رائع جدا لحل كتير من المشاكل الصحية, بما فيهم آلام الركبة الناتج عن التهاب المفاصل.

كمان في الطب التقليدي بيستخدموا خليط القرفة والعسل ويعملوا بيهم عجينة يدلكوا بيها اماكن الالم في الجسم.

سموزي لعلاج آلام الركبة

4- الشوفان:

الشوفان من الحبوب الكاملة اللي بتساعد على تخفيف الالتهاب, وليه تأثير ايجابي على تخفيف الآلام واصلاح العضلات وشفاءها.

سموزي لعلاج آلام الركبة

5- عصير البرتقان:

كتير من الناس اللي بيعانوا من آلام الركبة بيعانوا كمان من التشنج العضلي, وده ممكن يكون بيحصل بسبب التعب العضلي, او بسبب انخفاض مستويات الكالسيوم او البوتاسيوم في الجسم.

واكل الفاكهة وخصوصا الانواع الغنية بفيتامين C زي البرتقان ممكن انه يقلل من الالتهاب العام وآلام العضلات ومشاكل الركبة والمفاصل, وممكن كمان انه يأدي لانخفاض خطر الاصابة في نخاع العضم, واللي بيحصل بسبب التهاب المفاصل في الركبة.

سموزي لعلاج آلام الركبة

6- الاناناس:

الاناناس بيحتوي على مركب خاص جدا اسمه بروميلين, وده يعتبر الانزيم الاكتر شهرة لما يتعلق الموضوع بعلاج الالتهابات المرتبطة بالتهاب المفاصل, وبالتالي آلام الركبة.

اظهرت دراسات كتير جدا ان البروميلين بيخفف الالم والالتهاب, حتى انه كمان بيسرع معدل الشفاء بعد الجراحة او الاصابة, لانه بينشط مادة كيميائية معينة في الجسم بتمنع الايض وبتقلل التورم.

سموزي لعلاج آلام الركبة

لو بتعاني من ألم القدمين والركبة والوركين..اعرفي معانا 6 تمارين هتخلصك من الألم

تمارين لعلاج ألم الركبة والقدم والوركين
تمارين لعلاج ألم الركبة والقدم والوركين