نصايح وأفكار إزاي تحسني التواصل بينك وبين شريكك
أوقات كتير بتحسي انه مفيش أي تفاهم بينك وبين خطيبك أو جوزك، ؟ وبتحسي انك بتضطري تكرري نفسك سواء في الكلام او التصرفات عشان يفهم قصدك ايه او يهتم ويعمل اللي انتي عايزاه فعلا؟ لو إجابتك أيوة يبقى في مشكلة كبيرة في التواصل بينك وبين شريكك ومحتاجه تحسنوا من التواصل بينكم عشان توصول التفاهم أكبر، واحنا في المقال ده هنساعدك بأننا نقولك على نصايح وأفكار إزاي تحسني التواصل بينك وبين شريكك
نصايح وأفكار إزاي تحسني التواصل بينك وبين شريكك
خلي تركيزك معاه
بمعنى انك لما تكونوا قاعدين مع بعض يكون كل تركيزك معاه هو، سيبك من المسلسل والموبايل واتكلمي معاه او شاركيه اهتمامه في حاجة بيحبها، وهو كمان لازم يعمل نفس الحاجة دي وماينشغلش عنك وةانتوا قاعدين مع بعض بأي حاجة غير بيكي انتي، يعنوا لازم تركزوا مع بعض.
انتبهي لتفاصيل أكتر من الكلام
لو عايزة تحسني التواصل بينكم كمان مهم تنتبهي لتفاصيله وهو بيتكلم معاكي أو وهو بيحكيلك عن حاجة، يعني مش بس تاخدي بالك من الكلام لكن كمان تاخدي بالك ازاي بيقوله وازاي بيتأثر بيه، يعني مثلا لو كان متنرفز وهو بيتكلم ولا كان خايف وايده متربعة و ملامح وشه متضايقة او متشنجة ومتوترة وهكذا، ملاحظاتك لحاجات زي دي هتساعدك تحسي باحساسه وتفهمي حالته أكتر.
ماتقطعيهوش وهو بيتكلم
مهم جدا انكم انتوا الاتنين تبطلوا عادة انكم بتقاطعوا بعض وانتوا بتتكلموا، لأن د ه في الحقيقة في الآخر بتبقى نتيجته ان ماحدش فيكم سمع التاني فمش هتوصلوا لحاجة، لازم تجربوا تسمعوا بعض للآخر ولو حسيتي في وسط كلامه انك عايزة تتكلمى تقولي حاجة حاولى تمسكي نفسك وتستني.
اسمعيله كويس
عشان تفهمي لازم تسمعي كويس، يعني تسمعيه باهتمام وتركزي في كل حاجة بيحكيهالك، عشان تقدري تفهمي الموقف كله وتتواصلي معاه وتوصلي معاه لحل، لما تسمعيله كويس هيحس انك مهتمه بيه وبمشاكله وكلامه وده هيحسن كتير من تعامله معاكي وبالتالي هيحسن من تفاهمكم وتواصلكم مع بعض.
افتحيله قلبك
لازم كمان تحاولي تبقي صريحة معاه في كل حاجة و تفتحيله قلبك، من غير ما تخبي عليه حاجة ولا يبقى بينكم أسرار، وهو كمان لازم يبقى حاسس انه يقدر يقولك على كل وأي حاجة من غير ما تحكمي عليه، وانتي تبقى حاسة بأمان انك تقدري تحكيله كل حاجة، بالطريقة دي هتفهموا بعض أكتر وهتهدوا أي حواجز بينكم.
اعرفي معانا كمان ازاي تخليه يشتاقلك وتبقي وحشاه وبيفكر فيكي دايما