اتخلصي من الشعر الزائد في دقايق بشكل دائم من غير شمع ولا حلاقة

ريهام محمود
ريهام محمود
في
بشرة
43019

ازالة الشعر بالطرق التقليدية سواء بالشمع او الحلاقة, مش بتخلي البشرة ناعمة وكمان بتزود مشكلة نمو الشعر تحت الجلد, وفي بعض الاحيان ممكن تخلي البشرة اغمق وجافة وتضر الجلد على المدى الطويل, وبالتالي الطرق الطبيعية لازالة الشعر هتكون هي الاختيار الافضل وكمان بتحافظ على نتايج طويلة المدى, والنهاردة من خلال موضوعنا هنقول لكل بنات حوا وصفات طبيعية لازالة الشعر بشكل دائم مع الاستمرار في الاستخدام.

وصفات طبيعية لازالة الشعر:

1- وصفة البيض والنشا:

المكونات:

بيضة.

½ معلقة كبيرة نشا.

1 معلقة كبيرة سكر.

الطريقة:

اضربي البيضة في طبق وضيفي لها النشا والسكر, قلبيهم مع بعض كويس لحد ما يتكون عندك عجينة سميكة وسلسلة, حطي الخليط على المنطقة اللي عايزة تشيلي منها الشعر, وسيبيه لمدة من 25 – 30 دقيقة, وبعدين اغسليه بالمية, كرري الوصفة مرة او مرتين في الشهر, ده بيتوقف على مستوى نمو الشعر عندك, مع الاستمرار في الاستخدام هتلاحظي الشعر بدأ يقل لحد ما يختفي خالص.

وصفات طبيعية لازالة الشعر 1
وصفات طبيعية لازالة الشعر 1

2- وصفة الكربوناتو والكركم:

المكونات:

2 معلقة صغيرة كربوناتو.

1 معلقة صغيرة كركم بودر.

2 معلقة كبيرة مية.

الطريقة:

اخلطي الكربوناتو مع الكركم, وابدأي ضيفي المية بالتدريج, لحد ما تتكون عندك عجينة ناعمة وقوامها رقيق, حطي الخليط على المكان اللي عايزة تشيلي منه الشعر وسيبيه لحد ما ينشف, وبعدين شيلي الخليط ياما بطريقة الفرك بالايد او بفوطة ناشفة, وبمجرد ما تشيلي الخليط اغسلي المكان بالمية كويس جدا لحد ما تتخلصي من اي لون على الجلد, ونشفي البشرة وادهني كريم مرطب, كرري الوصفة كل كام اسبوع.

وصفات طبيعية لازالة الشعر 2
وصفات طبيعية لازالة الشعر 2

3- سكراب الردة “نخالة القمح”:

المكونات:

1 معلقة كبيرة دقيق حمص.

1 معلقة صغيرة كركم.

1 معلقة كبيرة ردة.

1 معلقة كبيرة زبادي.

الطريقة:

اخلطي المكونات كلها مع بعض في طبق لحد ما تتكون عندك عجينة ناعمة, افردي الخليط على اي منطقة عايزة تشيلي منها الشعر, وسيبيه من 20 – 30 دقيقة, وبعدها بلي صوابعك وافركي البشرة في حركات دائرية لمدة من 2 – 3 دقايق, وبعدين اغسلي البشرة بالمية, كرري الوصفة من 2 – 3 مرات في الاسبوع عشان توصلي لافضل النتايج.

وصفات طبيعية لازالة الشعر 3
وصفات طبيعية لازالة الشعر 3

4- وصفة البابايا:

المكونات:

2 معلقة كبيرة بابايا مهروسة.

2 معلقة صغيرة كركم بودر.

الطريقة:

اخلطي البابايا مع الكركم وقلبيهم كويس مع بعض لحد ما تتكون عجينة ناعمة, حطي العجينة على المكان اللي عايزة تشيلي منه الشعر, سيبيها لمدة 15 دقيقة, وبعدين اغسليها بالمية الباردة, كرري الوصفة مرة واحدة في الاسبوع, عشان تمنعي نمو الشعر الزائد مرة تانية.

وصفات طبيعية لازالة الشعر 4
وصفات طبيعية لازالة الشعر 4

5- وصفة الكركم ومية الورد:

المكونات:

1 معلقة كبيرة كركم بودر.

مية ورد.

الطريقة:

اخلطي الكركم مع مية الورد لحد ما تتكون عندك عجينة ناعمة وسميكة, افرديها على الاماكن اللي عايزة تشيلي منها الشعر وسيبيها من 15 – 20 دقيقة, وبعدين اغسليها بمية دافية, والوصفة دي فعالة جدا للاماكن اللي فيها شعر خفيف زي الوش, الساقين, الذراعين اي مكان فيه شعر خفيف, لكن الاماكن اللي فيها شعر كثيف اكتر “زي منطقة البكيني” هتحتاجي تزودي على الخليط زبادي, ودقيق شوفان او دقيق ارز.

وصفات طبيعية لازالة الشعر 5
وصفات طبيعية لازالة الشعر 5

اعملي بنفسك لوشن بعد ازالة الشعر الزائد لبشرة ناعمة جدا

طريقة لوشن بعد ازالة الشعر الزائد
طريقة لوشن بعد ازالة الشعر الزائد

مقالات متعلقه

ازالة الشعر بطريقة طبيعية في البيت استخدام الحجر الخفاف

ازالة الشعر بطريقة طبيعية في البيت استخدام الحجر الخفاف

طريقة ازالة الشعر من منطقة البكيني بمكون واحد بس من غير الم

طريقة ازالة الشعر من منطقة البكيني بمكون واحد بس من غير الم

الشمع البارد: فوايده, ازاي تعمليه, واثاره الجانبية

الشمع البارد: فوايده, ازاي تعمليه, واثاره الجانبية