تمارين يوجا تعمليهم لو كنتي بتقعدي على المكتب فترات طويلة

بقلمآية حسان فيمنوعات visibility258

معروف ان الجلوس لفترات طويلة مضر لصحتك ولشكل جسمك ولرشاقتك، عشان كده لازم تحولي الجلوس لفترة طويلة سواء  في البيت أو  في شغلك لحاجة تستفيدي بيها في انك توصلي للرشاقة وشكل الجسم اللي بتحلمي بيه، وطبعا  أسهل طريقة هي اليو[ا، في المقال ده هنقولك علىتمارين يوجا تعمليهم لو كنتي بتقعدي على المكتب فترات طويلة

تمارين يوجا تعمليهم لو كنتي بتقعدي على المكتب فترات طويلة

تمرين وضع الطفل

التمرين ده بيعتمد على مدى قوة عضمة الفخذ عندك، وكمان بيقويها وهيساعدك تحصلي على ضهر مفرود، والتمرين بيتعمل كالآتي:
اقعدي ضهرك مفرود على الكرسي بتاعك وافردي رجليكي بشكل متباعد بحيث تكون الركبتين مفرودتين وتكون أصابع الرجل مضمومة، وابدأي ميلي لقدام بضهرك مفرود وايديكي مفرودة لقدام كمان، وافضلي على الوضع ده لحوالى 15 ثانية، ده هيساعدك تفردي ضهرك وتريحي عضلاتك.

تمرين وضعية الابرة والخيط

في التمرين ده هنساعدك تعملي stretches  للأكتاف و الجزء الأعلى من الضهر، و هيخلي استقامة ووضعية ضهرك مظبوطة، ابدأي بوضعية الطفل  زي اللي موجودة في  الفيديو ، بعد كده ارفعي دراعك الشمال  فوق أعلى كتفك ,وايدك اليمين اعمليها على شكل دايرة تقريبا بانك تحطي كف ايديكي على منطقة الخصر، واثبتي كده  شوية لحد ما تحسي ان عضلاتك بتتشد، بعد كده اعكسي وكررى نفس الحركات على الناحية اليمين. شوفي الفيديو عشان تفهمي الحركات أكتر

تمرين وضعية حرف الـ  V

التمرين بيشتغل على إطالة العمودالفقري وأوتارالركبة ، منطقتين من جسمك مابيتحركوش وانتي قاعدة على كرسي وكمان بيشتغلوا على تنشيط العضلات الجانبية حول الصدر.

وطي واقفي على ايديكي ورجليكي لكن حاولي يكون جسمك على شكل حرف v  وافردي ايديكي ورجليكي على قد ما تقدري من غير اي تقوسات، وبعدين ابدأي ضمي الركبتين ناحية منطقة الصدر “وحافظى على رجليكي مفرودة ومشدودة على الآخر” ، واثبتي على الوضع ده على قد ما تقدري، وبعدين ضمي تاني وكرري الحركات دي لمدة دقيقتين تقريبا أو أكتر لو قدرتي.

تمرين وضعية القطة

تمرين سهل وبسيط ومهم وفايدته عالية جدا، أقفى على ايديكي ورجليكي الاتنين وارفعي ضهرك لفوق على قد ما تقدري لحد ما تحسي ان عضلاتك كلها مشدودة، وبعيدن نزلي ضهرك وارفعي منطقة المؤخرة لفوق أوي وشدي على قد ما تقدري وبعدثن ارتاحي، وكرري.

تمرين وضعية الجبل

التمرين ده بيساعد في تفتيح وفردمنطقة الصدروالرقبة اللي مابتشوفش حركة كتير طول اليوم،وتساعدعلى التخلص من توترالعضلات ومن الانحناء.، أقفي وافردي  الدراعين الاتتنين لفوق  على قد ما تقدري لحد ما تحسي ان الكتفين كمان اتشدوا لفوق، والشطارة هنا هى انك ما تسمحيش للكتفين انهم ينزلوا لتحت اثناء التمرين ، بعد كده رجعي ايديكي لوراء وهما مفرودين بس ارخي منطقة المرفقين شوية  وقوسي ضهرك لوراء، زي ما تكوني حارس مرمى بيصد كورة وخدي نفس عميق لحد ما تحسي ان صدرك اتفتح.

تمرين وضعية التويست

ابدأي بانك تنامي على ضهرك وجسمك مفرود تماما بشكل مسطح، وبعدين اتني ركبتك اليسرى باتجاه صدرك في اتجاه الناحية اليمين من جسمك واتأكدي ان كتفك الشمال لامس الأرض عن طريق الاستلقاء بالأرجل والذراعين بشكل مسطح وافضلي ثابتة على الوضعية دي على قد ما تقدري وبعدين بدلي