فوايد قشر البيض الجمالية للبشرة والشعر وازاي تستخدميه في الوصفات الطبيعية

ريهام محمود
ريهام محمود
في
بشرة
18627

اكيد كلنا بنتخلص من قشر البيض وعمرنا ما فكرنا انه ممكن يكون مفيد, لكن الحقيقة ان قشر البيض يعتبر كنز جمالي وليه فوايد كتير جدا للبشرة والشعر هتخليكي مترميش قشر البيض بعد كده, وده اللي هنعرفه النهاردة من خلال موضوعنا هنقولك فوايد قشر البيض الجمالية للبشرة والشعر وازاي تستخدميه في الوصفات الطبيعية.

فوايد قشر البيض الجمالية:

– علاج تهيج واحمرار البشرة:

انقعي قشر البيض بعد ما تغسليه كويس بالمية في كمية من خل التفاح على قد كمية قشر البيض اللي عندك, وسيبيه منقوع لمدة كام يوم, قشر البيض هيدوب في خل التفاح, استخدمي الخليط ده كمرهم لعلاج تهيجات واحمرار البشرة.

او تخلطي قشر البيض المطحون مع كوباية خل تفاح, وتسيبيه لمدة 10 دقايق, وبعدين تستخدمي الخليط على البشرة.

– تغذية البشرة:

اطحني قشر البيض ناعم جدا لحد ما يبقى عندك عبارة عن بودرة, خدي منه معلقه كبيرة اخلطي معاها بيض بيض لحد ما يتكون عندك عجينة قوامها معقول تقدري تفرديها على البشرة بسهولة, حطي الماسك على البشرة لحد ما ينشف, وبعدين اغسليه بالمية, الماسك ده بيساعد على اعادة الحيوية للجلد وتغذية البشرة.

– ازالة الكلف واثار حب الشباب:

اخلطي معلقة كبيرة من قشر البيض المطحون مع معلقة صغيرة من عصير الليمون وضيفي عليهم كمية من مية الورد لحد ما تتكون عندك عجينة, افردي الماسك على البشرة وسيبيه لمدة 10 دقايق, وبعدين اغسليه بمية فاترة.

– ازالة الرؤوس السودا:

اخلطي قشر البيض المطحون مع مية الورد ودلكي بيها الاماكن اللي فيها رؤوس سودا وبعدين سيبيه على البشرة كام دقيقة, وبعدها اغسليه بمية فاترة.

– كولاجين طبيعي للبشرة:

قشر البيض بيحتوي على كولاجين طبيعي اللي بيساعد على شد البشرة وحمايتها من التجاعيد, وقفل المسام, اخلطي قشر البيض المطحون مع بياض البيض, وافرديه على البشرة ولما ينشف اغسليه بمية فاترة.

– تنضيف مسام البشرة:

قشر البيض ممكن يساعدك على تنضيف مسام البشرة وبالتالي ده هيعزز صحة ونضارة البشرة وهيمنع انسداد المسام اللي ممكن تسبب مشاكل الجلد والحبوب, اخلطي قشر البيض المطحون مع معلقة صغيرة من عصير الليمون وضيفي لهم عسل نحل لحد ما تتكون عندك عجينة سمكية, افردي العجينة دي على بشرتك وسيبيها من 10 – 15 دقيقة وبعدين اغسليها بالمية.

– توهج ونضارة البشرة:

خدي معلقتين من قشر البيض المطحون واخلطي معاهم معلقتين دقيق وضيفي لهم عسل نحل لحد ما تتكون عندك عجينة سميكة, افرديها على البشرة وسيبيه لمدة 15 دقيقة وبعدين اغسليه, كرريه من 2 – 3 مرات في الاسبوع.

– لمنع علامات الشيخوخة:

خدي من 3 – 4 معالق من قشر البيض المطحون واخلطيهم مع اللبن وضيفي ¼ معلقة صغيرة كركم, قلبيهم مع بعض لحد ما تتكون عندك عجينة, افرديها على البشرة وسيبيها لمدة 20 دقيقة, وبعدين اغسليه بالمية, الماسك ده بيساعد على التخلص من علامات الشيخوخة والتجاعيد والخطوط الرفيعة بشكل فعال.

– للمعان ونعومة البشرة:

قشر البيض بيساعد على اضافة لمعان ونضارة ونعومة للجلد, اخلطي قشر البيض المطحون مع جل صبار الالوفيرا, حطي الماسك على بشرتك وسيبيه ربع ساعة وبعدين اغسليه بمية باردة.

– تفتيح البشرة:

قشر البيض بيساعد على التفتيح الطبيعي للبشرة لانه بيحتوي على خصائص تبييض, اخلطي كمية من قشر البيض المطحون مع قرصين فحم مطحون وضيفي لهم عصير ليمون لحد ما تتكون عندك عجينة, افرديها على البشرة وسيبيها لمدة 30 دقيقة, وبعدين اغسليها بمية باردة.

– حماية البشرة من الشمس:

لو نازلة الصبح في الشمس وعايزة تحمي بشرتك, اعملي الماسك ده بالليل, اخلطي قشر البيض المطحون مع زيت حبة البركة لحد ما تتكون عندك عجينة ناعمة, افرديها على البشرة وسيبيها لحد ما تنشف وبعدين اغسليه بمية فاترة.

– لترطيب البشرة الجافة:

اخلطي معلقة كبيرة من قشر البيض المطحون مع معلقة كبيرة حمص مطحون وضيفي لهم مية ورد بالتدريج لحد ما تتكون عندك عجينة متماسكة, افردي الخليط على البشرة, سيبيه لمدة ربع ساعة او لحد ما ينشف وبعدين اغسليه بمية فاترة, ونشفي البشرة وادهنيها بزيت زيتون.

– لترطيب وتنعيم البشرة:

اخلطي معلقة كبيرة من قشر البيض المطحون مع معلقة كبيرة فازلين قلبيهم كويس لحد ما تتكون عندك عجينة طرية, افردي الخليط على البشرة وافضلي دلكي فيه لمدة 10 دقايق تقريبا, وبعدين اغسلي بشرتك بمية فاترة.

فوايد قشر البيض الجمالية 1
فوايد قشر البيض الجمالية 1

قشر البيض للشعر:

قشر البيض بيحتوي على مجموعة من العناصر المعدنية اللي بتخليه علاج لكل مشاكل الشعر المختلفة, وبيحتوي كمان على مواد مهدئة لفروة الراس, وبيقلل من التهيج والحكة اللي ممكن ينتج من استخدام الشامبوهات ومنتجات تصفيف الشعر اللي بتحتوي على مواد كيميائية.

اخلطي قشر البيض المطحون كمية حسب طول وكثافة شعرك مع بياض بيضة او بيضتين لحد ما يتكون عندك خليط ناعم, حطيه على فروة الراس ودلكيه كويس وسيبيه من 1 – 2 ساعة, وبعدين اغسلي الشعر بنوع شامبو خفيف يكون خالي من السلفات, الماسك ده بيساعد على تغذية وترطيب وتنعيم الشعر, وزيادة نموه ومنع التساقط, وتكثيف الشعر, وبيديه لمعه, وبيحمي الشعر من المشاكل المختلفة اللي ممكن يتعرض لها.

كمان خلط قشر البيض المطحون مع الفازلين, وعمل بيه ماسك للشعر بيساعد على تنعيم الشعر جدا وبيديه لمعان.

فوايد قشر البيض الجمالية 2
فوايد قشر البيض الجمالية 2

وصفات طبيعية ببياض البيض لكل مشاكل البشرة

وصفات طبيعية ببياض البيض لكل مشاكل البشرة
وصفات طبيعية ببياض البيض لكل مشاكل البشرة

مقالات متعلقه

10 نصايح جمالية دخليهم في روتينك هيفرقوا معاكي

10 نصايح جمالية دخليهم في روتينك هيفرقوا معاكي

10 وصفات طبيعية لتغذية بشرتك في الشتا

10 وصفات طبيعية لتغذية بشرتك في الشتا

7 ماسكات بالورد لبشرة نضرة وصحية

7 ماسكات بالورد لبشرة نضرة وصحية