ليه مش عارفة تلاقي الحب؟ وهنقولك ازاي تلاقيه

بقلمريهام محمود فيعلاقات visibility2120

الحب هو من اكتر المشاعر الجميلة اللي اي حد يتمنى يحس بيها, عشان كده هنلاقي كتير من الاغاني بتوصف جمال الحب والمشاعر اللي بيمر بيها الشخص وهو في حالة حب, لكن الموضوع مش دايما بسيط اننا نلاقي الشخص الصادق اللي نحبه وفي نفس الوقت يبادلنا نفس المشاعر, وممكن تفكري وتسألي نفسك ليه مش عارفة الاقي الحب, الحقيقة ان ممكن يكون في اسباب كتير انك مش عارفة توصلي للحب, وده اللي هنعرفه النهاردة مع بعض من خلال السطور الجايه.

ليه مش عارفة الاقي الحب:

1- بتختاري اشخاص غلط:

لو بصيتي كده على الاشخاص اللي ممكن تكوني في وقت انجذبتي لهم وحسيتي ان ده ممكن يكون هو حب حياتك, هتلاقي في كتير من الاوقات انك ملقتيش الحب لانك اختارتي الاشخاص الغلط اللي مش قادرين يدوكي اللي انتي عايزاه واللي تستحقيه فعلا, على سبيل المثال ممكن تنجذبي لشخص مش بيحب التقييد ولا فكرة الجواز اصلا ومهتم بس بحياته ورفاهيته واصحابه وحياة الحرية, وفي الحالة دي بدل ما تكوني مع شخص في علاقة جدية وعميقة هتلاقي نفسك مع شخص مش بيبص لعلاقة جدية طويلة, ولو انتي فعلا بتدوري على الحب الحقيقي يبقى مجرد ما تلاقي نفسك منجذبة لشخص يكون في من البداية حوار صريح بينكم وكل واحد يعرف التاني عايز ايه بالظبط من العلاقة دي, وبالطريقة دي هتقدري تختاري الشخص اللي عايز نفس اللي انتي عايزاه وبالتالي هتزيد فرصتك انك تلاقي الحب.

ليه مش عارفة الاقي الحب
ليه مش عارفة الاقي الحب

2- خايفة انك تتجرحي وتتأذي:

اكيد التجارب القاسية بتبقى مدمرة لينا, فلو انتي اتعرضتي لتجربة حب قاسية فيها خيانة او اذيه باي شكل من الشخص اللي كنتي بتحبيه قبل كده, هيكون صعب جدا انك “تدوسي على زرار اعادة التشغيل” وتحبي تاني بسهولة, لكن عشان تلاقي الحب الحقيقي لازم تفتحي باب قلبك مرة تانية, لكن لو فضلتي حاطة حواجز بينك وبين اي شخص بيحاول يتقرب منك عمرك ما هتلاقي الحب لانك هتبقي مسطحة علاقتك بكل اللي حواليكي ومش هتدي فرصة لاي شخص يقرب منك كفاية, لكن في الحقيقة انك لازم تخاطري وتفتحي قلبك عشان تلاقي الحب وحتى لو شايفة انه صعب انك تفتحي قلبك مرة تانية, لكن الحب اكيد يستاهل المخاطرة.

ليه مش عارفة الاقي الحب
ليه مش عارفة الاقي الحب

3- شايفة انك متستحقيش الحب:

الثقة واحترام الذات بتلعب دور مهم جدا في انك تلاقي الحب, لان في اشخاص كتير ممكن ميكونش عندهم ثقة كافية بنفسهم او احترام لذاتهم وشايفين انهم ميستحقوش الحب, فلو انتي شخص بيعاني من قلة الثقة بالنفس فجيه الوقت انك تعرفي ان انعدام الثقة بالنفس بيأثر على حياتك كلها, لكن لو غيرتي النظرة دي واختارتي انك تركزي على الحاجات الايجابية بدل الحاجات السلبية, هتكوني قادرة انك تشوفي نفسك شخص مميز يستحق السعادة والحب الحقيقي, لما انتي تشوفي نفسك تستحقي الاشخاص اللي حواليكي هينجذبوا لطاقتك المتفائلة ومشاعرك الايجابية, وهتلاقي الحب جيه في طريقك.

ليه مش عارفة الاقي الحب

4- مش بتحطي معايير صح للاختيار:

لما الامر يكون متعلق بانك تلاقي الحب, يبقى مهم انك تحطي معايير عالية لنفسك في الشخص اللي انتي عايزاه, بدل من انك تكوني بتختاري على اساس مثلا انك خايفة في المستقبل تعيشي لوحدك او لمجرد انك تعرفي شخص ما لفترة طويلة, لازم تكوني مع شخص ما لانه بيخليكي سعيدة ومبسوطة, لان دي الطريقة الوحيدة انك تلاقي الحب الحقيقي, لان لو اختارتي شريك على اسس غلط سواء الفلوس او مجرد انك مرتاحة له او لان مافيش بديل, يبقى عمرك ما هتلاقي الحب الحقيقي لان اختيارك بيعتمد على حاجات مالهاش معنى ومش هتدوم, وعشان تلاقي الحب الحقيقي لازم تحطي معايير واولويات في الاختيار وتدوري على الشخص اللي فعلا فيه صفات حلوة اللي بتكون مؤثرة بالفعل في العلاقة, زي الاخلاق والقيم واهداف الحياة المشتركة.

ليه مش عارفة الاقي الحب

5- مش بتخرجي وتروحي اماكن جديدة:

لما يتعلق الموضوع انك تلاقي الحب, لازم تفتكري انها لعبة ارقام, يعني كل ما خرجتي وروحتي اماكن جديدة هيزيد عدد الاشخاص حواليكي, وكل ما روحتي اماكن مش متعودة عليها وطلعتي بره منطقة “الكومفورت زوون” بتاعتك زاد احتمال انك تلاقي الحب, يعني لو ورحتي نفس الاماكن اللي متعودة تروحيها دايما كده بتقل فرصتك انك تقابلي اشخاص جداد اللي ممكن تلاقي بينهم حبك الحقيقي, فضروري انك تكسري روتينك وتروحي اماكن جديدة وتجربي انشطة جديدة عشان تدي نفسك فرصة تتواصلي مع اشخاص اكتر, وفي الحالة دي هتبقي على بعد خطوة انك تلاقي حبك الحقيقي.

ليه مش عارفة الاقي الحب

3 طرق لجذب الشخص اللي انتي عايزاه ليكي باجماع كلام علماء النفس

طرق لجذب شخص ليكي
طرق لجذب شخص ليكي