نصايح إزاي توحدي لون بشرتك بالمكياج وايه الغلطات اللي لازم تتجنبيها
المفتاح للحصول على بشرة شكلها خالي من العيوب هو انك تعرفي ازاى توحدي لون بشرتك هو في انك تحطي المكياج مظبوط من غير ولا غلطة حتى اشهر الممثلات والموديلز بيحتاجوا يوحدوا لون بشرتهم ويخفوا العيوب عشان كده بيبانوا مثاليين، وانك توحدي لون بشرتك أهم خطوة من روتين مكياجك، والفكرة كلها في ان المكياج يبان وكأنك مش عاملة او حاطة حاجة خالص ويبان طبيعي، وعشان تعرفي تعملي ده صح هنقولك ايه هى الخطوات اللي لازم تعمليها
نصايح إزاي توحدي لون بشرتك بالمكياج وايه الغلطات اللي لازم تتجنبيها
بتنسي تعملي تقشير لبشرتك
لما ماتعمليش تقشير لبشرتك يوميا او اسبوعيا بشرتك بتتغطي بطبقات الجلد الجافة والميتة وبتتسبب في ان بشرتك يبقى فيها مناطق أفتح من مناطق وكمان بتبان جافة وعمرها أكبر، ومن غيره مش هتقدري تفردي الفاونديشن بنعومة على بشرتك عشان يبقى متساوي وناعم عشان كده التقشير اللطيف يوميا او التقشير العميق اسبوعيا مهم، استخدمي سكراب العسل ولسكر في البيت من وقت للتاني عشان تعملي تقشير صحي وسريع لبشرتك.
ما بتحضريش وشك
غلطة كبيرة بنقع فيها كلنا اننا مابنحضرش وشنا قبل المكياج، دايما قبل ما تعملي مكياجك لازم ترطبي وشك قبل الفاونديشن باستخدام كريم مرطب مناسب، الفاونديشن بعد المرطب هيتفرد معاكي أسهل ويعمل تغطية أعلى ومظبوطة أكتر. بعد المرطب استخدمي برايمر بعامل حماية من الشمس يكون على الأقل SPF 30 ، لكن ابعدي عن منطقة تحت العين وعن اي مناطق حمراء أو ملتهبة في بشرتك. بعد كده ممكن تستخدمي نقط بسيطة أوي من الكونسيلر على المناطق اللي محتاجة بس في وشك وافتكري دايما انك تفردية على الوجه بطريقة الطبطبة مش الدعك.
ما بتحضريش الجفون
دايما بنهتم بوشنا وببنسى نهتم بمنطقة العين حتى لو مابنحطش eye shadow، لكن دي خطوة مهمة وماينفعش تهمليها، حضري جفونك بكمية ضئيلة جدا من المرطب وبعد كده استخدمي الكونسيلر قبل الفاونديشن كبديل للمرطب.
مابتضيفيش اي لون
أول ما ييتوحد لون بشرتك وتجسيها بقت ملساء وناعمة بعد ما تعملي الخطوات اللي قلناها، هتحسي ان بشرتك لونها باهت وتعبان، وده بيحصل خصوصا مع البنات اللي بشرتهم فاتحه أوي أو بتكون حواجبهم بني ، بيحسوا انه مفيش أي لون في وشهم ، عشان كده لازم تضيفي لمسه من الألوان تدي حياة لوشك.
جربي تستخدمي البرونزر مع creamy blusher أو حاجة واحدة منهم زي ما تحبي ، استخدمي البرونزر بفرشاة كبيرة ممتلئة على الجبهة والخدود والأنف ، وبعد كده كريمي بلاشر على عضمتين الخد .
بتنسي تستخدمي البودر
آخر خطوة معانا عشان تعرفي توحدي لون بشرتك بالمكياج هي انك تثبتي مكياجك بالبودر، كتير مننا بيميلوا الى انهم يتجنبوا الخطوة دي عشا يحتفظوا بلمعان ولون بشرتهم لكن ده غلط، لازم تستخدمي رشة خفيفة من البودر باستخدام فرشاة مناسبة عشان تثبتي مكياجك وتمنعيه من انه يسيح أو يبوظ، خصوصا وان أي makeup artist بتصمم جدا على الخطوة دي.
اعرفي معانا كمان ماسكات الاصلاح الليلي عشان تقومي من النوم ببشرة مشرقة ومتجددة