المية اليابانية: المفتاح لحرق دهون البطن والضهر والفخدين وهتبينك اصغر 10 سنين

بقلمريهام محمود فيتخسيس الوزن visibility3282

المية اليابانية “والاسم راجع ان اليابانيين بيشربوا المية دي بشكل يومي” او مية الجنزبيل هي من الوصفات الطبيعية اللي بتساعد على حرق دهون البطن والضهر والفخدين والارداف, اللي تعتبر من اكتر المناطق اللي بتتراكم فيها الدهون وبيكون صعب نتخلص منها بسهولة, والمية اليابانية مش بس هتساعدك على خسارة الوزن لكن كمان مفيدة جدا للصحة بشكل عام وبتحمي من الامراض, والنهاردة من خلال موضوعنا هنعرف مع بعض طريقة المية اليابانية لتخسيس الوزن.

المية اليابانية لتخسيس الوزن:

المية دي بتساعد على تسريع عملية التمثيل الغذائي ومساعدة الجسم على حرق الدهون, وهيساعدك على التخسيس في مدة قصيرة من غير ما صحتك تتعرض لاي خطر, وهو فعال بشكل خاص في حرق دهون البطن والفخدين والضهر والارداف, اللي معروفة باسم المناطق الحرجة اللي بتكون محتاجة مجهود عشان تتخلصي من الدهون فيها, لكن المية اليابانية او مية الجنزبيل هتساعد على تعزيز عملية التمثيل الغذائي اللي بدوره هيساعد بشكل فعال في خسارة الوزن الزايد.

تعالوا نعرف مع بعض فوايد المية اليابانية للصحة بشكل عام غير التخسيس:

1- ظبط ضغط الدم:

شرب المية اليابانية او مية الجنزبيل بانتظام هيساعد على خفض ضغط الدم العالي وهيحافظ عليه ثابت في معدلاته الطبيعية, وهيساعد كمان على منع تكون جلطات الدم اللي معروف انها ممكن تأدي للموت.

2- بيزود الجسم بمضادات الاكسدة:

الجنزبيل بيحتوي على مجموعة متنوعة من مضادات الاكسدة اللي بتساعد على منع الجذور الحرة من الجسم, اللي في الغالب بتكون السبب الرئيسي لكتير من الامراض الخطيرة.

3- تقليل مستويات الكوليسترول في الدم:

المشروب ده بيساعد على تنظيم مستويات الكوليسترول في الدم, وبيمنع مجموعة من مشاكل القلب والاوعية الدموية.

4- بيعالج الالتهابات:

الجنزبيل ممكن يستخدم كمضاد لمجموعة متنوعة من الالتهابات بما فيهم نزلة البرد والانفلونزا.

5- عامل مضاد للالتهابات:

الجنزبيل بيحتوي على خصائص قوية مضادة للالتهابات وده بيخليه علاج مثالي ضد الامراض الالتهابية زي التهاب المفاصل والنقرس.

6- تحسين الدورة الدموية:

الجنزبيل عنده قدرة على تحسين الدورة الدموية, وده بيرجع انه بيحتوي على الزنك والحديد, والمعادن بشكل عام بتساعد على تحسين تدفق الدم ومنع مجموعة متنوعة من المشاكل اللي ممكن تتعلق بضعف الدورة الدموية, بالاضافة ان المشروب ده بيمنع انسداد الشرايين وامراض القلب والاوعية الدموية زي تصلب الشرايين.

7- بيحسن الهضم وامتصاص المواد الغذائية:

شرب مية الجنزبيل بانتظام بيحسن عملية الهضم وامتصاص المواد الغذائية عن طريق تحفيز اطلاق الصفرا في المعدة, ولو حاسه ان معنديش شهية للاكل, ممكن تمضغي جنزبيل طازة قبل الوجبات هيساعد في الحصول على العصائر الهضمية.

8- علاج الانفلونزا ونزلات البرد:

الجنزبيل ممكن يستخدم كعلاج طبيعي للانفلونزا ونزلات البرد خلال فصل الشتا, شرب مية الجنزبيل بانتظام هتساعد على دعم جهاز المناعة والمساعدة في مكافحة الالتهابات دي.

9- علاج مشاكل الجهاز الهضمي:

من خلال تحسين عملية الهضم, مية الجنزبيل هتساعد على علاج مشاكل الهضم زي عسر الهضم والانتفاخ والامساك.

10- دعم الجهاز المناعي:

زي ما قولنا في النقطة اللي فوق ان مية الجنزبيل بتدعم جهاز المناعة وبتساعد جسمك في مكافحة العدوى زي نزلات البرد والانفلونزا زي ما قولنا, لكن كمان ممكن يساعد على علاج الامراض والحالات الاكتر خطورة.

11- التخفيف من آلام المفاصل:

لان الجنزبيل زي ما قولنا بيحتوي على خصائص مضادة للالتهابات, ده بيخلي شرب مية الجنزبيل بانتظام تساعد على منع الم المفاصل.

المية اليابانية لتخسيس الوزن
المية اليابانية لتخسيس الوزن

طريقة عمل المية اليابانية:

مكونات المية اليابانية:

1 ½ لتر مية.

بعض شرايح جنزبيل طازة.

كمية من عصير الليمون.

المية اليابانية لتخسيس الوزن
المية اليابانية لتخسيس الوزن

طريقة التحضير:

صبي المية في حلة على النار وسيبيها لحد ما تغلي, خلال الوقت ده اغسلي الجنزبيل وقشريه وقطعيه شرايح, ضيفيه للمية المغلية وسيبيه على نار متوسطة لحد ما يطرى, بعدها ارفعيه من على النار وسيبيه يبرد, صفيه وضيفي له عصير الليمون, وكده يبقى المشروب جاهز اشربيه بانتظام بشكل يومي للتخسيس ولتحسين الصحة العامة, ويفضل شربها الصبح على معدة فاضية.

المية اليابانية لتخسيس الوزن

مشروب حارق للدهون هيساعدك تخسي 10 كيلو في وقت سريع

مشروب لتخسيس الوزن
مشروب لتخسيس الوزن