أفكار تنجز معاكي وقت الصبح لو كنتى دايما مستعجلة

آية حسان
آية حسان
1254

كل يوم  بنقول بكرة هصحى بدري  افطر واشرب قهوة واعمل رياضة والبس واروح الشغل بدري وعلى مهلى كلي نشاط وحيوية، لكن الحقيقة ده بيحصل بس في الأحلام! فلو كنتي زينا كل يوم بتصحي قبل ميعاد الشغل بـ 5 دقايق  تلفي حوالين نفسك عشان محاولة مستحيلة انك توصلي في ميعادك، في المقال ده هنقولك على أفكار تنجز معاكي وقت الصبح لو كنتى دايما مستعجلة

أفكار تنجز معاكي وقت الصبح لو كنتى دايما مستعجلة

اعرفي ايه اللي وراكي من اليوم اللي قبله

كل يوم  امسكي ورقة وقلم وحضري  ليسته بالحاجات اللي هتبقى وراكي بكرة، المaاوير اللي لازم تروحيها والشغل اللي لازم تخلصيه، بالطريقة دي هتبقى افكارك مرتبة و مش هتحسي انك متوترة او مضغوطة، وفي نفس الوقت الخطوة دي هتساعدك تنفذي الخطوات اللي جاية

اعرفي ايه اللي وراكي من اليوم اللي قبله
اعرفي ايه اللي وراكي من اليوم اللي قبله

اتأكدي من حالة الجو

كل يوم اتأكدى من حالة الجو لبكرة، الخطوة البسيطة دي هتساعدك انك تعرفي هتلبسي ايه وحتى طبيعة الشوز كمان، عشان ماتبقاش الدنيا برد وتلبسي خفيف أو العكس وخصوصا في الأيام اللي الجو فيها متقلب  زي الأيام دي، الخطوة دي كمان هتساعدك تنفذي الخطوة الجاية.

اتأكدي من حالة الجو
اتأكدي من حالة الجو

جهزى هدومك من اليوم اللي قبله

لما تحددي ايه اللمشاوير اللي وراكي وتعرفي حالة الجو ده هيساعدك تعرفي تلبسي اي، عرفتي خلاص؟ حضري بقى الهدوم اللي هتلبسيها وجهزيها قبل ما تنامي، ده هيوفر عليكي حيرة كل يوم الصبح بتاعت هلبس ايه وهيوفر عليكي وقت كتير جدا في انك تدوري على اي حاجة. 

جهزى هدومك من اليوم اللي قبله
جهزى هدومك من اليوم اللي قبله

خلي اكسسواراتك مترتبة

 خلي دايما اكسسواراتك مترتبة ومحطوطة في مكان خاص بيها، ده هيخليهم مترتبين و هيحافظ عليهم من انهم يبوظوا او ان اى حاجى تضيع، وبالتالي هيسهل عليكي انك  تلاقي اللي انتي عايزاه على طول وبكده هتوفري وقت كتير.

خلي اكسسواراتك مترتبة
خلي اكسسواراتك مترتبة

جهزي شنطة الشغل من اليوم اللي قبله

فكرة كمان تنجز معاكي وقت الصبح لو كنتى دايما مستعجلة هي انك تحضري شنطة الشغل من بالليل، يعنى لو في ورق مهم عايزاه يبقى معاكي، محفظتك وبطاقتك ومفاتيحك وشاحن الموبايل واي حاجة هتحتاجيها طول ساعات الشغل يفضل انك تحضريها في شنطتك من بالليل، بدل ما تفضلي تلفى على المفاتيح الصبح وتتأخري.

جهزي شنطة الشغل من اليوم اللي قبله
جهزي شنطة الشغل من اليوم اللي قبله

اعملي روتين بشرتك من بالليل

عشان تفري وقت الصبح كمان، اعملي روتين تنيف وترطيب بشرتك من بالليل، ده هيساععد بشرتك انها ترتاح اكتر بعد ما تخلصي الروتين الخاص بيكي وكمان ترطيب البشرة من النور بيخليها تستفيد من المرطب وتتشربه أكتر وده هيفرق معاكي الصبح وانتي بتعملي ميك اب كمان. 

اعملي روتين بشرتك من بالليل
اعملي روتين بشرتك من بالليل

خلى معاكي اللي تحتاجيه بس من الميك اب

وانتى في الشغل هتحتاجي تجددي مكياجك في نص اليوم، لكن مافيش داعى انك تجددي مكياجك كامل من الألف للياء أو انك تحطى مكياج كامل من الأساس، خلي معاكي اللي تحتاجيه بس من الميك في شنطتك، زي الروج، البلاشر وبس. 

خلى معاكي اللي تحتاجيه بس من الميك اب
خلى معاكي اللي تحتاجيه بس من الميك اب

مقالات متعلقه

11 نصيحة هتساعدك تشتري مستلزمات البيت بشكل افضل

11 نصيحة هتساعدك تشتري مستلزمات البيت بشكل افضل

حاسه يومك كله بيضيع على الشغل؟ اعرفي إزاي تتكلمي مع رئيسك عن الحدود بين الشغل والحياة

حاسه يومك كله بيضيع على الشغل؟ اعرفي إزاي تتكلمي مع رئيسك عن الحدود بين الشغل والحياة

كلمات ما ينفعش تقوليها في الانترفيو.. اعرفيها واتجنبيها

كلمات ما ينفعش تقوليها في الانترفيو.. اعرفيها واتجنبيها