طرق مبتكرة ومختلفة تقوليله بيها وحشتني

بقلمآية حسان فيمنوعات visibility32572

الرسايل والشات بينك وبين خطيبك أو جوزك مفيش منها مفر وبقت تعتبر طريقة التواصل رقم 1 دلوقتي بينا وبين بعض خصوصا مع انشغالنا طول النهار بأعمالنا المختلفة، وعشان مش كتير نقدر نتقابل أو لوكان جوزك أو خطيبك مسافر بعيد عنك ونفسك تقوليله وحشتيني ومكسوفه او مش عارفه تعبري انها ازاي، في المقال ده بنات حوا هيقولولك على 8 طرق مبتكرة ومختلفة تقوليله بيها وحشتني

8 طرق مبتكرة ومختلفة تقوليله بيها وحشتني

ابعتي صورة

ممكن ساعات تتكسفي تكتبي الكلام، عشان كده جربي تبعتي صورة تعبر عن اللي انتي عايزة تقوليه، أو ايموجي مثلا، ساعتها هيوصله احساسك من غير ما تضطري تقولي ولا كلمة، وممكن تبعتيله كمان صوركم القديمة سوا وتفكريه باللحظات الحلوة اللي قضيتوها مع بعض وتعرفيه انه دايما على بالك، ده مش بس هيوصله انه واحشك، لكن كمان هيخليه يحس انك انتي كمان واحشاه وانه عايز يشوفك ويعيش الأوقات دي تاني معاكي.

ابعتي  GIF

كمان ممكن تكون طريقة جديدة ومبتكرة عشان تعبري بيها عن كلمة “وحشتني” ، جربي تبعتي صورة متحركة أو من فيلمه او مسلسله المفضل عشان تعبري بيها، خصوصا وان الجيف بقت متوفرة تقريبا في كل التطبيقات اللي بنستخدمها زي واتس آب ومسنجر.

ابعتي جملة من فيلم
ابعتي جملة من فيلم

ابعتي جملة من فيلم

جربي كمان تبعتيله جملة نصية من اي مسلسل او فيلم بيحبه او صورة عليها الجملة دي عشان تعبريله عن انك مفتقداه، يعنى لو كان من فانز فريندز ممكن friends تبعتيله زي ما كان Ross بيبعت لـ Rachel من Friends أو زي Allie و Noah  من فيلم The Notebook.

ابعتيله كلام من أغاني

بتعتبر من أحلى الطرق اللي ممكن تعبريله بيها عن انه وحشك، وده لانه الاغاني دايما بترتبط معانا بمواقف أو أشخاص واكيد في اغنية بتعتبر هي “اغنيتكم” وبتربطكم ببعض، وممكن كمان تسمعي اغاني مطربه المفضل ، ده هيبينله اد ايه انتي مهتمه بتفاصيله وبالحاجات اللي بيحبها وانك بتفكري فيه طول الوقت.

ابعتيله كلام من أغاني
ابعتيله كلام من أغاني

ابعتيله شعر:

بيحب الشعر؟ يبقى هي دي الطريقة الصح ، كلام الشعر والتعبيرات فيه دايما حلوة وبليغة جدا ولا تنتهي، سواء عربي أو أجنبي، اختاري من القصايد المختلفة وابعتيله جملة تكون لمستك  فعلا ومتأكده انها هتعجبه وتأثر فيه، وممكن كمان تتهوري وتكتبي جمل شعرية من خيالك انتي.

ابعتي رسالة صوتية

ابعتي كمان فويس نوت أو رسالة صوتيه تخليه يسمع صوتك على السريع من غير ما تبقى مكالمة تليفون كاملة اللي هو ممكن يكون مش فاضي يعملها، رسالة صوتية مدتها ثانيتين او تلاته تقوليله فيها “وحشتني” كفاية انها تغيرمود اليوم كله وتغيره للأحلي ليكي وله.

ابعتي رسالة صوتية

ابتكري طريقتك الخاصة

جربي تخترعي كلمة جديدة بينك وبينه ماحدش يعرفها غيركم تقوليله بيها “وحشتني” وهو كمان يقولك بيها “وحشتني” ، يعني كلمة ماحدش يفهم معناها غيركم لو شافها وتبقى هي ضمن اللغة الخاصة بيكم لوحدكم.