غلطات في ستايل الشعر ممكن تبينك اكبر من سنك

ريهام محمود
ريهام محمود
في
شعر
1439

ستايل الشعر لو اختارتيه صح ممكن يبينك اجمل واصغر في السن, لكن لو وقعتي في غلطات في اختيار الستايل او اللون ممكن ده يبينك اكبر من سنك واكيد مافيش بنت هتبقى عايزة شكلها يبان اكبر من سنها, عشان كده النهاردة من خلال موضوعنا هنقولك اكتر غلطات في ستايل الشعر ممكن تبينك اكبر من سنك عشان تتجنبيها.

غلطات في ستايل الشعر تبينك اكبر من سنك:

مش بتجددي ستايل شعرك:

معظم البنات تقريبا بيحصروا نفسهم في ستايل او تسريحةشعر معينة وبيقعدوا عليها سنين من غير ما يغيروها, فده اكيد هيبينك اكبر من سنك,عشان كده بننصحك انك تغيري ستايل شعرك مرة واحدة في السنة على الاقل, يعني حاوليتغيري التسريحة لو بقالك فترة كبيرة على ستايل شعر معين.

غلطات في ستايل الشعر 1
غلطات في ستايل الشعر 1

قصة الشعر الحادة:

لو عايزة تباني فريش او شباب يبقى اتجنبي قصة الشعر ال Blunt او الحادة, ممكن تعتمدي على قصة الشعر الطبقات اوالمدرجة القصة دي هتبينك اصغر من سنك.

غلطات في ستايل الشعر 2
غلطات في ستايل الشعر 2

الشعر الفلات والجاف:

مع تقدم السن الشعر ممكن يبقى جاف ويفقد لمعانه شوية,عشان كده لازم تكوني حذره في العناية بشعرك وتختاري المنتجات المناسبة ليه بحيثانك تحافظي على نعومة وترطيب الشعر, استخدمي الموس والكريمات اللي بتضيف حجموكثافة للشعر لما تيجي تشتري دوري دايما على المنتج اللي مكتوب عليه “Full” او “Fluffing”.

غلطات في ستايل الشعر 3
غلطات في ستايل الشعر 3

صبغ الشعر بلون غامق:

لو عندك شعر ابيض تقدري تداريه بسهولة بالصبغة, لكنالمهم اختيار اللون الصح, لو اختارتي لون غامق هيبينك اكبر من سنك, اختاري لونميكونش غامق وضيفي لها هايلايت عشان تديه لوك احلى.

غلطات في ستايل الشعر 4
غلطات في ستايل الشعر 4

استخدام الحرارة زيادة عن اللزوم:

لو بتستخدمي المكوى والسيشوار كتير ده اكيد مع الوقت بيأثرعلى الشعر وبيسبب جفافه, والنتيجة هتكون ان سنك هيبان اكتر, لكن الخبر الحلو اندلوقتي في منتجات حماية من الحرارة واحنا اتكلمنا عليها قبل كده تقدري تستخدميهاقبل الحرارة سواء بالمكوى او السيشوار, وممكن كمان تستخدمي مرطبات للشعر تساعد علىترطيب الشعر حتى مع الحرارة العالية اوي, ممكن كمان تستخدمي الترطيب العميق للشعرمرة واحدة في الاسبوع, وسيروم الحماية يعتبر هو افضل صديق ليكي كل ما تستخدميالحرارة.

غلطات في ستايل الشعر 5
غلطات في ستايل الشعر 5

استخدام مثبت الشعر:

كتير من البنات ممكن يكونوا بيستخدموا مثبت الشعر عشانيحافظوا على شكل التسريحة, لكن لو استخدمتيها زيادة عن اللزوم, في النهاية لوكالشعر هيطلع قوي وحاد, دايما خلي شعرك يتحرك على طبيعته ويبقى في مرونة, عشان كدهالافضل استخدام السبراي اللي بيوفر للشعر مرونة اعلى, عشان الشعر يبقى فيه لمعةوشكله حيوي وصحي بدل ما يبقى واقف من كتر المثبت.

غلطات في ستايل الشعر 6
غلطات في ستايل الشعر 6

تقسيم الشعر بشكل غلط:

كتير من البنات ممكن يقعوا في الغلط ده انهم يقسمواالشعر بطريقة غلط, ده ممكن يبينك اكبر من سنك بسهولة, ممكن تقسمي الشعر تخلي جزءبسيط منه في الجنب بعيد عن مركز الشعر افضل بكتير من انك تجيبي الشعر كله على جنباو حتى تقسميه من النص, الجزء اللي في النص حاولي دايما انك تتجنبي تظهريه لانه هيديكيلوك حاد اوي.

غلطات في ستايل الشعر 7
غلطات في ستايل الشعر 7

10 تسريحات شعر ممكن تخلي اللوك بتاعك شكله مش حلو

ستايلات شعر غلط
ستايلات شعر غلط
ستايلات شعر غلط

مقالات متعلقه

4 نصايح هتساعدك تغيري اللوك بتاعك بسهولة

4 نصايح هتساعدك تغيري اللوك بتاعك بسهولة

10 تسريحات شعر ممكن تخلي اللوك بتاعك شكله مش حلو

10 تسريحات شعر ممكن تخلي اللوك بتاعك شكله مش حلو

12 حيلة للشعر الكيرلي هتغيرلك حياتك!

12 حيلة للشعر الكيرلي هتغيرلك حياتك!