أفكار ستايلات للربيع بسيطة و سهلة
مع دخول الربيع علينا ودايما الفترة اللي بين الصيف والشتاء بنبقى محتارين نلبس ايه لأنها فترة غير محددة والجو فيها متقلب، وعشان نساعدك اكتر انه مايبقاش في اي مشكلة في ستايلك وتطلعي بشكل حلو كل مرة، في المقال ده بنات حوا هيساعدوكي ماتحتاريش ، اعرفي معانا في المقال ده أفكار ستايلات ربيعية بسيطة و سهلة
أفكار ستايلات للربيع بسيطة و سهلة
الجاكت الرياضي
أول فكرة معانا من أفكار ستايلات ربيعية بسيطة و سهلة هي الجواكت الرياضية، لأنها رجعت موضة تاني للربيع والصيف زي السنة اللي فاتت واللي قبلها، طلعى الجاكت الرياضي من الدولاب او اشترييه وجربيه في ستايلك مع جينز وتيشيرت مناسب.
الكاكي
الكاكي أو نقشة الجيش كمان راجعة بقوة عشان تعملى لوك كاجوال وعفوي مختلف، جربي تلبسي النقشة دي في جاكت خفيف قصير مع جينز سكيني و شوز بكعب.
الأوفرسايز
الجاكت اللارج خليه اكس لارج والسمول خليه ميديم، موضة الأوفرسايز مكملة معانا للربيع والصيف ولازم تهتمي بيها.
الجاكت الجلد
قطع الملابس الجلدية كمان هتبقى موجودة في الصيف زي الشتاء في صورة فيست او جيليه صغير، جربي تعملي ستايل كاجوال مناسب للـ Street style ودخلي خامة الجلد فيه.
بدلة كاملة أو uniform
البدلة الكاملة الفورمال أو اليونيفورم كمان هتبقى موجودة بقوة في الربيع والصيف السنة دي، حربي تعملي ستايل بسيط بعيد عن التفاصيل والدوشة الكتيرة واعملى لوك إليجانت وراقي بستايل زي اللي في الصورة.
ملابس نهارية
الربيع والصيف مرتبطين جدا بالخروجات النهارية ولانطلاق، عشان كده حاولى يبقى اللوك بتاعك في النهار مليان بالألوان الهادية والجميلة بس هلى بالك تكون متناسقة من غير بهرجة او ازعاج للعين.
شوفي معانا كمان ستايلات مناسبة لموسم الربيع تقدري تنفذيهم بسهولة