ازاي تحسني بشرتك وتخلي شكلها صحي في اسبوعين بس

ريهام محمود

في

33777

تحسين البشرة في اسبوعين؟ يمكن تشوفي ان الفترة دي صغيرةانك ممكن تحسني بشرتك, لكن الموضوع مش صعب مع نظام العناية السليم للبشرة, تقدريتحسني بشرتك في خلال اسبوعين بس مادام هتبقي ملتزمة بروتين العناية, تعالوا نعرفمع بعض من خلال السطور الجاية روتين تحسين البشرة في اسبوعين.

روتين تحسين البشرة في اسبوعين:

الاسبوع الاول من الروتين هيكون عبارة عن ازالة السموموتطهير بشرتك, والاسبوع التاني هيكون التركيز فيه على ترطيب وتهدئة البشرة, وبعدما تخلصي روتين الاسبوعين هتحسي بالفرق على بشرتك وهتلاحظي التغيير وان بشرتكاختلفت وبقت صحية ومشرقة.

ابعدي عن العادات السيئة:

اول حاجة قبل ما نبدأ الروتين لازم نتخلي عن العاداتالسيئة والحاجات اللي ممكن تنقل الجراثيم والزيوت والشوائب للبشرة, وده هيكونبالتلات خطوات دول:

1- اغسلي اكياس المخدات وملايات السرير: اثناء النوم بترتفع درجة حرارة الجسم بشكل طبيعي, وبتبدأ بشرتك في اصلاح نفسها خلال فترة النوم, وخلال العملية دي كمان ممكن تتنقلك بقايا الجلد الميت والعرق اللي موجودة على مخدتك لو مش بتغسليها بانتظام هتتنقل لبشرتك على طول, بالاضافة كمان لبقايا المنتجات والاتربة اللي موجودة على شعرك, عشان كده بننصحك تغسلي اكياس المخدات مرة واحدة في الاسبوع على الاقل, وفي نص الاسبوع ممكن تقلبيها على الجنب التاني النضيف.

2- تنضيف فرش المكياج: فرش المكياج ممكن تتحول لارض خصبة للاوساخ والبكتيريا لو مش بتنضفيها بانتظام, عشان كده بننصحك انك تنفضي فرش المكياج مرة واحدة في الاسبوع, وغسل سفنجة المكياج بعد كل مرة تستخدميها.

3- اغسلي ايدك قبل ما تحطي المكياج: زي ما بتغسلي ايدك قبل الاكل, طبقي نفس القاعدة قبل المكياج, اغسلي ايدك عشان متنقليش اي بكتيريا او جراثيم من ايدك لبشرتك.

عادات يومية لبشرة صحية:

1- التنضيف:

التنضيف هو الركن الاساسي لبشرة صحية, لو مش بتنضفي بشرتك ده هيخلي المسام تتسد بالزيوت الزيادة والشوائب وده هيسبب ظهور البثور والرؤوس السودا, عشان كده لازم تختاري الغسول المناسب لنوع بشرتك ما بين الغسول الرغوي, الكريمي, الجل, الزيتي.

وبالليل اعملي تنضيف مزدوج للبشرة عشان تتأكدي انك شيلتيكل بقايا المكياج والزيوت الزيادة والشوائب, بكل بساطة اغسلي الاول البشرة بغسولعلى اساس زيتي, وبعدين اغسليها تاني بغسول رغوي, او كريمي, او جل “حسب نوعبشرتك”, ده هيضمنلك انك اتخلصتي من كل بقايا المكياج والزيوت الزيادةوالشوائب من بشرتك.

2- التونر:

التونر هو الخطوة التانية بعد الغسول, اللي هيزيل اي بقايا مكياج ثابت او ضد المية, وهيعيد توازن الرقم الهيدروجيني للبشرة, وهيقلل حجم المسام وهيشدها, وده هيقلل من دخول الشوائب للمسام, استخدمي التونر الصبح وبالليل بعد الغسول, واتأكدي من استخدام التونر المناسب لنوع بشرتك اللي هيساعدك على منع تهيج والتهاب البشرة.

3- الترطيب:

مهم جدا ترطيب البشرة, بس ضروري تختاري المرطب المناسب لنوع بشرتك, عادة البشرة الدهنية المعرضة لحب الشباب بتحتاج مرطب جل خفيف, والبشرة الجافة بتحتاج لمرطب اكتر كثافة, الترطيب مرتين في اليوم مهم جدا, حتى لو بشرتك دهنية, لانك لو حاولتي تتخطي الخطوة دي ومترطبيش بشرتك, الجلد هيحاول تعويض نقص الترطيب عن طريق انتاج زيوت زيادة.

4- واقي الشمس:

لو مش بتستخدمي واقي من الشمس يوميا, يبقى لازم تبدأي انك تستخدميه, لانه يعتبر اهم حاجة ممكن تعمليها لبشرتك, لان 90% من عمر بشرتك بتكون تحت سيطرتك وبترتبط ارتباط مباشر بالتعرض للشمس, واتأكدي انك تستخدمي واقي من الشمس عامل الحماية SPF ميقلش عن 30 مع UVA.

5- تكنيك الجواشا:

الجواشا هو تكنيك صيني قديم, بيكون عبارة عن الضغط بخفةعلى الجلد باداة ناعمة لتحرير الطاقة الراكدة, والتدليك ده كمان هيساعد على ازالةالسموم من الجلد وتقلل التورم, لو استخدمتيه يوميا لمدة اسبوعين, وهيساعد علىترطيب وتعزيز وتنشيط البشرة, تجديد البشرة والتخلص من التجاعيد والخطوط الرفيعة.

واتأكدي من تطبيق روتين العناية بالبشرة بالترتيب الصحزي ما هو باين قدامنا في الصورة:

1- الغسول.

2- التونر.

3- كريم البقع “لو بتستخدمي”.

4- السيروم.

5- كريم العين.

6- المرطب.

7- الزيت.

8- واقي الشمس.

الروتين الاسبوعي للعناية بالبشرة:

الاسبوع الاول:

1- التقشير:

بننصحك بتقشير البشرة مرتين في الاسبوع, وفي نوعين من المقشرات, مقشرات كيميائية وفيزيائية, واحنا بننصح باستخدام المقشرات الكيميائية لانها بتزيل الجلد الميت بلطف وبتنضف المسام من غير ما تضر البشرة او تزيل طبقات البشرة الصحية, ممكن تستخدمي مقشرات جاهزة, او مقشرات طبيعية تعمليها في البيت بمكونات طبيعية.

2- استخدمي قناع الطين:

لانه زي ما قولنا خلال الاسبوع الاول هنركز على تنقية البشرة وازالة السموم, يعتبر قناع الطين مثالي جدا للمهمة دي, لان الطين هيساعد على استخراج اي زيوت او شوائب من المسام, وهتلاقي الطين متوفر عند العطار.

3- فتحي بشرتك:

فتحي البشرة من خلال استخدام فيتامين C اللي هيوفر مضادات الاكسدة اللي هتساعد على اضاءة وتفتيح البشرة, وازالة البقع الغامقة, ممكن تستخدمي سيروم للبشرة بفيتامين C او كريم بيحتوي على فيتامين C, يعني اتأكدي من استخدام المنتجات اللي بتحتوي على فيتامين C.

4- التخلص من البثور:

مافيش حد فينا مش بيتعرض للبثور حتى ولو بشكل عرضي ممكن تظهر حباية في اي وقت, لو عايزة تتخلصي منها بأسرع وقت, ممكن تستخدمي لوشن ماريو باديسكو “متوفر في الصيدلية” اللوشن ده بيساعد على تجفيف الحبوب بشكل سريع, كل اللي هتعمليه حطي منه على البثور بالليل قبل النوم, هتصحي الصبح هتلاقي الحباية هديت وحجمها صغر, وممكن تستخدمي ملصقات الحبوب, وبتيجي باحجام مختلفة عشان تناسب اي حجم للحبوب, بتلزقيها بس على الحباية من بالليل للصبح.

الاسبوع التاني:

1- استخدامي ماسك النوم:

بما ان الاسبوع التاني بيركز على الترطيب البشرة, فماسكالنوم او ماسك الاصلاح الليلي هيكون ضروري جدا للمهمة دي وهو بيكون نوع الماسكاللي بتعمليه وتنامي بيه لحد الصبح, وفي كوريا معظم النساء بيستخدموا ماسك النومبشكل يومي تقريبا, برغم اننا بنشوف ان استخدامة 3 مرات في الاسبوع يعتبر كتير يعنيممكن تستخدميه مرتين في الاسبوع بس هيكون كافي, وماسك النوم بيشبه الكريم الليلياللي بيساعد على تعزيز عملية تجديد البشرة اللي بتحصل اثناء النوم, والماسك كمانهيعمل حاجز على البشرة هيمنع من فقد الرطوبة, وممكن تستخدمي الماسكات الليليةالجاهزة, او تعملي ماسك ليلي بمكونات طبيعية في البيت.

2- ماسك البشرة:

بمجرد وصولك لنص الاسبوع التاني, هيكون جيه الوقت لماسك البشرة, بعد ما عملنا معظم الخطوات من التنضيف, التقشير, والقناع, والتقشير, والتونر, والترطيب, واحنا بننصحك باستخدام البخار بعد تنضيف البشرة بالغسول وقبل الماسك عشان تفتحي المسام لاستقبال الماسك وترطبي البشرة.

اسلوب حياة صحي للحفاظ على صحة البشرة:

لو عايزة بشرتك تفضل صحية ومثالية على طول, فاحنا بنقولكان الاسرار ورا البشرة الصحية هي بسيطة جدا, نامي كويس من 7 – 8 ساعات يوميا,اشربي كمية مية كفاية على الاقل لترين في اليوم, الاكل الصحي والافضل انك تبعدي اوعلى الاقل تقللي من منتجات الالبان, والجلوتين, والسكريات, والتوابل الكتيروالمخللات, والخضروات الليلية اللي بيكون فيها جزء اخضر من فوق زي الطماطموالباذنجان والفلفل الرومي والبطاطس “اثناء الزراعة بيكون فيها نفس الجزءالاخضر” لان الخضروات دي برغم انها ممكن تكون صحية ومهمة لكن في نفس الوقت ممكنتكون مثيرة للالتهابات وتهيج المعدة, وبدل الخضروات دي زودي من اكتر الخضرواتالورقية, البروكلي, البنجر, القرنبيط, لانها هتساعد على استعادة توازن بشرتك لانهامليانة بالمعادن والمواد المضادة للاكسدة اللي بتعزز صحة وشباب البشرة, لو مشيتيعلى روتين العناية ده لمدة اسبوعين مع الاكل الصحي, بنوعدك ان في نهاية الاسبوعالتاني هتلاقي بشرتك اختلفت تماما.