3 خطوات أساسية عشان تعملي فوتوسيشن فرحك من غير ولا غلطة

بقلمآية حسان فيمنوعات visibility358

صورة فرحك هي اهم وأحلى صورة هتاخديها في حياك، عشان كده لازم تكون صور مختلفة تجسد اليوم ده بكل تفاصيله الحلوة بأجمل طريقة ممكنة، وعشان تبعدي عن المعتاد والتقليدي و تحتفظي بصور جميلة ليومك المهم، في المقال ده بنات حوا هيقولولك على أهم 3 خطوات أساسية عشان تعملي فوتوسيشن فرحك من غير ولا غلطة


3 خطوات أساسية عشان تعملي فوتوسيشن فرحك من غير ولا غلطة

اهتمي بالإضاءة

أهم جزء في عملية تنظيم الفوتوسيشن الخاصة بيكي عشان تعملى فوتوسيشن فرحك من غير ولا غلطة هي انك تهتمي بالاضاءة من حواليكي جدا في الصور، يعمى لو مثلا فرحك out doors في اضاءة غروب الشمس ماتضيعيش فرصة انك تاخدي صورة حلوة رومانسية في الغروب ، ولازم تفهمي زوايا وشك كويس وتجربي تصوري نفسك سيلفي وفي اضاءات مختلفة عشان تفهمي ازاى النور بيسقط على وشك وايه احلى زاوية بتعكس الضوء، ومهم كمان تناقشي الصور دي مع الفوتوجرافر الخاص بفرحك عشان ياخد باله منها وتطلعي بأحلى صورة ممكنة تبرز جمالك وسعادتك.

خلي اللوك بتاعك بسيط

حاجة تانية جدا مهمة في الصور غير ابتسامتك الجميلة يوم فرحك هي ان اللوك بتاعك يكون بسيط وناعم من غير تفاصيل وبهرجة كتير، لأن التفاصيل الزيادة سواء في الطرحة او الحجاب او الشعر والمكياج هتشتت الانتباه بعيد عن جمال وشك و ابتسامتك، وده هيخلى الصور مبهرجة بزيادة وهتحسيها زحمة .

علشان كده حاولى يكون مكياجك وشعرك فيهم شئ من البساطة والرقي، ممكن تجربي تسحبي شعرك بعيد عن عينيكي وان كل حاجة في تفاصيل فستان الفرح تبقى مريحة وخصوصا الجزمة، مهم جدا جدا تبقى مريحة عشان اي الم او عدم راحة هتحسي بيها هتبان في الصورة، وكل مرة هتبصي في الصور هتفتكرى قد ايه كانت رجليكي بتوجعك، جربي كمان تعملي مكياج عيون دراماتيكي مناسب ليكي من غير استخدام ألوان فاتحة اوي، كل ما قربتي من الدرجات الغامقة والهادية زي درجات النيود والباستيل مع اكسسوارات بسيطة وشيك وبس هيكون احلى واشيك.

اظهري التفاصيل

تالت نصيحة مهمة لازم تعرفيها عشان تعملي فوتوسيشن فرحك من غير غلطات ويبقي في فرق بين صور فرحك واي صور تانية هى انك تظهري تفاصيل المكان من حواليكي، خصوصا لو عاملة ديكورات مخصوصة لفرحك او لو عاملة، التفاصيل هتخلي ، واهم تفصيلة هى انك تكوني على طبيعتك من غير اى تصنع او افورة، فحاولى تنسي وجود الكاميرات من حواليكي واستمتعى بفرحتك مع اصحابك وعيلتك وخليكي عفوية وطبيعية ، وصدقيني هتطلع صور مش طيعية من كتر حلاوتها، ونصيحة كمان مهمة حاولى تبعدي عن موضة الفوتوسيشن اللي بتبقى وقفاتها كلها مقصودة ومعروفة، اتصرفي انتى وعريسك بحيوية اكتر وخلى الفوتوجرافر ياخدلكم صور كلها عفوية وحياة. photo corner