ستايلات مناسبة لموسم الربيع تقدري تنفذيهم بسهولة

بقلمريهام محمود فيموضة وأزياء visibility508

على دخول فصل الربيع بنبدأ اننا نخفف شوية في الهدوم, ونلبس الستايلات اللي ما بين الشتوي والصيفي, خصوصا ان الجو في الوقت ده بيكون متقلب شوية برد وشوية دافي, فاحنا محتاجين في الفترة دي اننا منخففش اوي مرة واحدة, والنهاردة من خلال موضوعنا هنشوف مع بعض ستايلات لموسم الربيع ونصايح للفترة دي من السنة.

ستايلات لموسم الربيع:

اعملي مزيج مختلف من الالوان:

الربيع هو الوقت اللي نقدر نلعب فيه بألوان فاتحة شوية, ممكن تمزجي ما بين مجموعة الوان محايدة مع بعض, ده هيخلي اللوك بتاعك يطلع احلى ومناسب لموسم الربيع وفي نفس الوقت هيبقى بيتكون من الالوان الاساسية, ممكن تعملي مزيج من اللون البيج والبني والالوان النيود هيعمل لوك حلو جدا.

ستايلات لموسم الربيع
ستايلات لموسم الربيع
ستايلات لموسم الربيع

شوز طبعة النمر:

موسم الربيع انسب وقت لشوز بطبعة النمر, حتى لو لابسة لبسك العادي التقليدي, الشوز بطبعة النمر هيغير اللوك بتاعك ويظهره ويخلي شكله احلى, ممكن تعملي ستايل بألوان محايدة وتنسقي معاه شوز بطبعة النمر, ممكن تلبسيه مع اللون الرمادي الفاتح او الجملي او حتى مع مزيج الابيض والاسود.

ستايلات لموسم الربيع

المخطط هو افضل اختيار ليكي في الربيع:

بلوزة مخططة ممكن تغير اللوك بتاعك خالص, بكل بساطة البسيها مع الجينز في الايام اللي انتي مش عارفة ممكن تلبسي فيها ايه, وممكن تضيفي للوك اللون الرمادي الفاتح, او تقدري تلعبي بالالوان اللي تفضليها وتجربي.

ستايلات لموسم الربيع
ستايلات لموسم الربيع

اعملي لوك طبقات:

في اول الربيع الجو بيكون لسه برد, وخلال الفترة الانتقالية دي ما بين الشتا والصيف هيكون انسب حاجة هو اللوك الطبقات, هيخليكي مدفية وانيقة في نفس الوقت, وهيكون البنطلون الجينز والسنيكرز اختيار موفق جدا وخصوصا لو لابسة قميص جينز, وممكن تكملي اللوك مع سكارف.

ستايلات لموسم الربيع
ستايلات لموسم الربيع

البسي جاكيت جلد:

الجاكيت الجلد هيكون مناسب في الوقت ده تقدري تلبسي فستان كاجوال خفيف او جينز وفوقيه الجاكيت الجلد, هيديكي لوك عصري وانيق في نفس الوقت.

ستايلات لموسم الربيع
ستايلات لموسم الربيع

السكارف هو الاكسسوار الاساسي ليكي:

متنسيش ان السكارف الصغير من الاكسسوارات الاساسية لموسم الربيع, وتقدري تستخدميه بطرق مختلفة في اللوك بتاعك, ممكن تلبسيه على الرقبة بدل العقد, ممكن تربطيه على الشنطة للوك انيق, او ممكن تربطيه على شعرك اعملي كحكة فوضوية واستخدمي السكارف كاكسسوار مع الكحكة.

ستايلات لموسم الربيع
ستايلات لموسم الربيع

تعالوا نشوف مع بعض ستايلات مناسبة لموسم الربيع:

تلبسي ايه قبل الربيع مع الحجاب

ستايلات قبل الربيع للمحجبات
ستايلات قبل الربيع للمحجبات