4 أخطاء بتعمليهم لما تغسلي وشك، اعرفيهم وتجنبيهم

الاهتمام بالبشرة حاجة مهمة ومش سهلة عشان كده لازم تتعمل صح، في المقال ده هنقولك على 4أخطاء بتعمليهم لما تغسلي وشك عشان تعرفيهم وتتجنبيهم وكمان هنقولك ليه مهم تعرفي ازاى تغسلي وشك صح وازاي تعملي روتين تنظيف كامل لبشرتك في خطوات بسيطة وسهلة وغير مكلفة

4 أخطاء بتعمليهم لما تغسلي وشك، اعرفيهم وتجنبيهم

انك مابتغسليش وشك قبل النوم

أول غلطة من أخطاء بتعمليهم لما تغسلي وشك ممكن تكون بديهية لمعظم الناس، لكن رغم انها خطوة سهلة وبسيطة في بنات كتير بتنسى تعملها، مهم جدا انك تغسلي وشك كويس بغسوللطيف ومناسب لطبيعة بشرتك قبل النوم عشان تشيلي أي بقايا لمكياج او أتربة لمست وشك طول النهار لأنه الأتربة دي بتزود فرص ظهور الحبوب والإلتهابات، لازم تغسلي وشك قبل النوم وترطبيه بمرطب مناسب.

مابتغسليش وشك  لما بتصحي

وده مهم بالضبط زي انك تغسلي وشك قبل ما تنامي، لأنها تعتبر طريقة جميلة تساعدي بيها بشرتك عشان تتحمل متاعب اليوم، اغسلي وشك بمياة فاترة مع غسول ملطف وبعد كده استخدمي كريم ترطيب مناسب، العملية دي هتساعدك كمان تحطي مكياج مظبوط أكتر يدوم لوقت أطول.

استخدام المياة الساخنة على وشك

الغلطة الأخيرة في أخطاء بتعمليهم لما تغسلي وشك هي واحدة من أكتر الأخطاء المنتشرة وهي انك لما تغسلي وشك بمياة سخنة أكتر كل ما كان أنضف وأنقى، والحقيقة انه ده غلط لان المياة السخنة ممكن تأذي بشرتك بأنها تلسعها أو تتسبب في الجفاف الشديد والالتهابات والاحمرار، لأنها بتتخلص من العوامل الطبيعية اللي بتتخلص بيها البشرة من الأتربة زي الزيوت والافرازات الطبيعية. عشان كده استخدمي المياة الفاترة بس.

غسل الوجه بطريقة صحيحة

دلوقتي بعد ما اتكلمنا على ايه هي اكتر الأخطاء المنتشرة خلينا نقولك في خطوات بسيطة ازاي تغسلي وشك بطريقة صحيحة وده هيفيدك في ايه

المكياج    

 المياة والصابون مش كفاية لإزالة المكياج، عشان كده لازم لما تيجي تغسلي وشك بهدف إزالة المكياج مهم تستخدمي مزيل مكياج مناسب لنوع بشرتك عشان تقدري تشيلي المواد التقيلة زي الايلاينر والماسكارا بشكل كامل

اغسلي مرتين

دايما اتنين احسن من واحد، عشان كده جربي تغسلي وشك مرتين، يعني مثلا لو كانت بشرتك سهل تكون رؤوس سوداء يبقى الافضل تغسليها مرتين بغسول مناسب عشان تتاكدى انك بنسبة كبيرة اتخلصتي من كل مسببات الرؤوس السوداء وهكذا، فدايما جربي تغسلي وشك مرتين لكن بكمية معتدلة من الغسول عشان ماتسببيش اي ارهاق للوجه.

التنظيف العميق للبشرة

استخدام وايبس ازالة المكياج أو الغسول ممكن يكون كفاية في غسيل البشرة العادي، لكن من وقت للتاني لازم تعملى تنضيف عميق للبشرة من خلال واحده من المراكز المتخصصة او ممكن تعمليه في البيت بانك تشتري الجهاز اليدوي الصغير اللي بيبقى معاه ملحقات زي فرش لتنظيف وتقشير البشرة بعمق، ده هيخلصك من كل الأتربة اللي ممكن الغسيل العادى مايقدرش عليها، وكمان هتتخلصي من طبقة الجلد الميتة وتسمحى للطبقة الجديبدة بالظهور فبالتالى هتتخلصي من اي بكتيريا موجودة و هتلاقي بشرتك نضرة وصحية أكتر وكمان أنعم. 

ازاي تغسلي وشك في 5 خطوات سهلة

 الخطوة الأولى

لمي شعرك على شكل bun بعد كده رطبي وشك بالمياة الفاترة وجففي بشرك وافركيه في حركات دائرية بلطف باستخدام فوطة قطنية ناعمة ونضيفة. ديل حصان عشان تحميه من اي بلل او انه يتعرض لأي من المواد اللي هنستخدمها

الخطوة الثانية

استخدمى كمية مناسبة من المقشر على بشرتك وهي رطبه،وادعكي في حركات لطيفة دائرية لحد ماتنزل كل الاتربة و تظهر طبقة الجلد الجديدة الصحية، الخطوة دى هتخلصك من الجلد الميت والاتربة و هتخلي بشرتك تتنفس من جديد. ابعدي عن منطقة العين وكررى خطوة التقشير مرة واحدة في الاسبوع، ودايما ابعدي عن المياة الباردة او المياة السخنة واستخدمى المياة الفاترة في تنظيف الوجه عشان تحافظي على رطوبة بشرتك وتحميها من الجفاف او التهيج.

الخطوة الثالثة

التونر، خطوة مهمة جدا في روتين التنظيف اللي قلنا عليه، عشان يسد المسام ويمنع ظهور الحبوب، اتجنبي استخدام اي نوع يتحتوي على الكحول لأنه هيتسبب في جفاف البشرة، خصوصا لو كان عندك حساسية في الجلد، بلي قطنة نضيفة بكمية مناسبة من التونر ومرريها على مساحة وشك كله.

الخطوة الرابعة

الترطيب هو الاساس في كل حاجة، دايما حافظي على بشرتك رطبة، يعنى بعد ما تخلصي الخطوات اللي قلنا عليها اغسلي وشك مرة اخيرة بمياة فاترة وجففيه كويس بفوطة ناعمة ونضيفة وبعد كده افردي طبقة من المرطب على وشك كله عشان البشرة تتشبع وتبقى ناعمة.