حاجات لازم تحطيها في الاعتبار قبل ما تشتري شنطة اليد

بقلمريهام محمود فيموضة وأزياء visibility474

شنطة اليد تقريبا الحاجة المشتركة بين كل البنات والستات اللي ميقدروش يستغنوا عنها ابدا, وتعتبر هي اكتر حاجة مهمة في دولاب كل بنت, وعشان كده النهاردة هنقول لكل بنات حوا من خلال السطور اللي جايه اسس اختيار شنطة اليد وايه اللي المفروض تحطيه في اعتبارك قبل ما تنزلي تشتري شنطة جديدة.

اسس اختيار شنطة اليد:

1- الحجم والوزن:

اول حاجة لازم تحطي حجم ووزن الشنطة في الاعتبار, اشتري شنطة تكون بحجم كبير بشكل معقول عشان تقدري انك تاخدي فيها كل حاجتك, لكن في نفس الوقت يكون وزنها خفيف, لان الوزن التقيل للشنطة ممكن مع الاستخدام يسببلك مشاكل والم في الكتف.

اسس اختيار شنطة اليد
اسس اختيار شنطة اليد

2- تقسيمات الشنطة:

لما تيجي تشتري شنطة حطي في اعتبارك التقسيمات والجيوب, اختاري الشنطة اللي يكون فيها تقسيمات وجيوب كتير عشان تقدري تنظمي فيها حاجتك وتوصلي لها بسهولة زي الموبايل والمفاتيح.

اسس اختيار شنطة اليد
اسس اختيار شنطة اليد

3- الجودة والخامة:

جودة المنتج من اول العوامل اللي لازم تحطيها في اعتبارك لما تيجي تشتري اي حاجة جديدة, اتأكدي من جودة وخامة الشنطة قبل ما تدفعي فيها فلوسك, ولو هتشتري شنطة اون لاين من على النت, حاولي تشوفي اراء وتقيمات الناس ليها قبل ما تشتريها.

اسس اختيار شنطة اليد
اسس اختيار شنطة اليد

4- اللون:

اختيار اللون من اكتر الحاجات اللي بتحير اي بنت لما تيجي شنطة جديدة, لانك بتكوني مش قادرة تحددي اللون اللي ممكن يمشي على كل حاجة عندك, في بنات كتير بيحبوا الالوان المختلفة زي الاحمر والارجواني والبينك لكن الالوان دي مشكلتها انها مش بتليق على كل حاجة, عشان كده الالوان المحايدة تعتبر هي الانسب لانها بتمشي على كل الالوان وتقدري تستخدميها مع اي لبس عندك, وفي النهاية اختيار اللون بيعتمد بشكل كلي على ذوقك الشخصي ممكن تمسكي شنطة يكون لونها متطابقة مع لون لبسك او مختلفة ده بيرجع لذوق كل واحدة.

اسس اختيار شنطة اليد
اسس اختيار شنطة اليد

5- الستايل:

شنطة الايد بتعكس شخصيتك وبتقول كتير عنك, وستايلات الشنط بتتنوع ما بين الساتشل, وشنطة الكتف, والكروس, والمبطنة, والكلتش, وغيرها من الستايلات, في النهاية بننصحك تشتري الشنطة اللي تشبهك شخصيتك متجبيش شبه حد, واشتري ستايل الشنطة المناسب لستايل لبسك.

اسس اختيار شنطة اليد
اسس اختيار شنطة اليد

6- السعر:

اخر حاجة هو سعر الشنطة, دايما معظم الناس بيفكروا ان كل ما دفعوا في الحاجة فلوس اكتر وكل ما سعرها بقى اعلى هتقعد معاهم اكتر, لكن دي اسطورة مش صح, لازم تصرفي فلوسك بحكمة, لان سعر نفس الشنطة ممكن يختلف من مكان للتاني, ممكن يكون في مكان عامل تخفضيات وتقدري تستفادي بشنطة جودتها كويسة وفي نفس الوقت توفري في الفلوس

اسس اختيار شنطة اليد
اسس اختيار شنطة اليد

إزاى تختارى الشنطة المناسبة علي حسب لبسك وشكل جسمك

إزاى تختارى الشنطة المناسبة
إزاى تختارى الشنطة المناسبة