طرق لعمل التونر لكل انواع البشرة بمكونات رخيصة وسهلة

بقلمريهام محمود فيبشرة visibility772

احنا اتكلمنا قبل كده على التونر وقولنا قد ايه هو خطوة مهمة لتنضيف البشرة, وهو مش بس بيساعد على التنضيف وازالة بقايا المكياج والاتربة من البشرة, لكن كمان بيساعد على تقليل حجم المسام وتصحيح وتوحيد لون البشرة, وبما اننا بنحتاج استخدام التونر مرتين في اليوم وعشان توفري وقتك ومجهودك وفلوسك هنقولك النهاردة طرق لعمل التونر لكل انواع البشرة بمكونات بسيطة ورخية وتقدري تنفذيه بكل سهولة بنفسك في البيت.

طرق لعمل التونر:

1- تونر للبشرة الحساسة:

المكونات:

½ كوباية مية ورد.

½ كوباية من صبار الالوفيرا.

الطريقة:

كل اللي هتعمليه انك هتخلطي مية الورد مع جل الالوفيرا, وهتحطيهم في ازازة وترجيها كويس عشان تخلطي المكونات, وكده يبقى التونر بتاعك جاهز للاستخدام تاخدي منه على قطنة وتمسحي بيها البشرة بعد الغسول, وترجي الازازة قبل كل استخدام.

التونر ده مناسب جدا للبشرة الحساسة, لان مية الورد والصبار بيحتوا على خصائص مضادة للالتهابات, وبالتالي هيساعدوا على تقليل الاحمرار والتورم , كمان غني جدا بمضادات الاكسدة اللي هتساعد على تفتيح البشرة, ومكافحة الجذور الحرة اللي بتسبب الشيخوخة المبكرة.

طرق لعمل التونر
طرق لعمل التونر

2- تونر للبشرة المعرضة لحب الشباب:

المكونات:

1 كوب من شاي البابونج “الكاموميل”.

نقطتين من زيت شجرة الشاي.

الطريقة:

انقعي 2 باكيت من اعشاب الكاموميل “البابونج” في كوباية مية مغلية, ولما تبرد شيلي اكياس الشاي, وضيفي زيت شجرة الشاي, وصبي الخليط في ازازة وكده يبقى التونر جاهز للاستخدام.

زيت شجرة الشاي يعتبر مضاد للالتهابات والجراثيم القوية, وبالتالي بيساعد في تخفيف البثور والحبوب المؤلمة, وبتمنع بكتيريا حب الشباب, وبالتالي ده هيساعد على منع انتشارها, والبابونج بيساعد على تهدئة واعادة توازن البشرة, وبيصحح لون البشرة الغير موحدة.

طرق لعمل التونر
طرق لعمل التونر

3- تونر للبشرة العادية:

المكونات:

1 كوب شاي اخضر.

¼ كوباية من خل التفاح.

الطريقة:

انقعي 2 باكيت شاي اخضر في كوباية مية مغلية, ولما تبرد شيلي كيسين الشاي, وضيفي له خل التفاح, وصبي الخليط في ازازة للاستخدام.

حمض الموليك اللي موجود في خل التفاح بيخليه واحد من اقوى المراهم المضادة للفطريات, وبيساعد كمان على اعادة توازن الرقم الهيدروجيني للبشرة, وبما انه بيحتوي على AHAs فهو يعتبر مقشر لطيف للبشرة, والشاي الاخضر قوي جدا لانه مصدر غني بالكافيين ومضادات الاكسدة اللي بتحمي الجلد وبتحافظ على صحته وشبابه.

طرق لعمل التونر
طرق لعمل التونر

4- تونر للبشرة الدهنية والمختلطة:

المكونات:

½ كوباية مية ورد.

½ كوباية عشبة بندق الساحرة “زهرة الشتا” “Witch hazel”.

¼ كوباية من جل صبار الالوفيرا.

الطريقة:

لو مش متوفرة عشبة زهرة الشتاء او بندق الساحرة ممكن نستخدم كوباية مية ورد مع جل الصبار, ونخلطهم مع بعض ونحط الخليط في ازازة, وكده التونر جاهز للاستخدام.

عشبة بندق الساحرة او زهرة الشتاء مفيدة جدا للبشرة الدهنية, لانها بتساعد على ازالة الزيوت الزيادة من البشرة من خلال التحكم في انتاج الزيوت على البشرة, الصبار كمان بيساعد على امتصاص اي زيوت زيادة او اوساخ واتربة موجودة في المسام, وده بيساعد على تصغير حجم المسام, وكمان يعتبر مادة طبيعية قابضة للبشرة وفي نفس الوقت مرطب للجلد.

تونر النعناع:

6 كوبايات مية مغلية حطي فيهم شوية من ورق النعناع الطازة, سيبيه منقوع في المية لحد ما تبرد, وبعدين صفي المية وصبيها في ازازة للاستخدام.

طرق لعمل التونر
طرق لعمل التونر

5- تونر للبشرة الجافة:

المكونات:

3 معالق كبيرة عصير خيار.

4 معالق كبيرة مية ورد.

الطريقة:

ابشري الخيار واضغطي عليه لحد ما تستخلصي منه العصير, خدي 3 معالق كبيرة وضيفي عليها 4 معالق كبيرة مية ورد, صبي الخليط في ازازة وكده يبقى التونر جاهز للاستخدام.

عصير الخيار مرطب هايل جدا للبشرة لانه بيتكون من 95% من المية, عشان كده يعتبر مرطب طبيعي فعال جدا للبشرة الجافة.

طرق لعمل التونر
طرق لعمل التونر

اي نوع من الانواع اللي احنا قولناها ممكن تحفظيها في ازازة ببخاخ وترشي على البشرة مباشرة, او في ازازة عادية وتحطي منه على البشرة باستخدام قطنة, واي نوع يترج قبل كل استخدام.

افضل انواع تونر البشرة .. وازاي تختاري اللي يناسبنك بالماركات والأسعار

افضل انواع تونر البشرة
افضل انواع تونر البشرة