ستايلات ملابس رياضية للمحجبات من موضة الـ SWEAT SUITS 2019
أوقات كتير بنبقى عايزين نلبس حاجة سريعة وعملية بس تكون شيك للمشاوير القريبة أو لو رايحة لصاحبتك البيت أو لو نازلة تشتري طلبات بيتك وحتى للنادي والجيم، وده بيبقى تحدي ليكي كمحجبة لأن معظم الملابس الرياضية بتكون بطبيعتها غير مناسبة للمحجبات، عشان كده في المقال ده نقولك على أفكار وشوية نصايح مع ستايلات ملابس رياضية للمحجبات من موضة 2019
ستايلات ملابس رياضية للمحجبات من موضة الـ SWEAT SUITS 2019
أساسيات أي ستايل للجيم متنوعة وتيرة، ودلوقتي بقى ممكن تلاقي منهم أشكال تتماشى مع الحجاب وألوان كتيرة تقدري تختاري ما بينها، وكمان بخامات كتيرة ومختلفة، ودلوقتي كمان بقى في الجديدي اللى هو موضة الـ SWEAT SUITS اللي تقدري تعملي بيها ستايل متناسق ومتكامل من غير تعب.
SWEAT SUIT مع شنطة حزام أو BELT BAG عشان تعملي لوك رياضي جميل من غير ولا غلطة، وممكن بدلة رياضية من نفس النوع مع بنطلون بيوصل طوله لحد عضمة الكعب عشان تعملي ستايل مريح وعملي أكتر يكون مناسب للحركة الكتيرة و الجري والتمرينات، ولو بتحبي الألوان الغامقة ممكن تختاري ألوان زي البرجاندي والأحمر المخملي والرمادي.
ممكن كمان وانتى بتفكري تعملي ستايل ملابس رياضية للمحجبات من موضة الـ SWEAT SUITS تعملي أكتر من كاجوال ستايل مميزين خصوصا وان الملابس الرياضية دلوقتي بقت جزء أساسي من أي كوليكشن ينزل في أي موسم وحتى في أكبر دور الأزياء العالمية، جربي تعملي CASUAL STREET STYLE من بنطلون للجري مع HOODIE وجاكت OVERSIZE عشان تعملي لوك مش بس للجيم وبكده تكوني عملتي لوك مناسب لخروجات ومشاوير النهار، وعشان تعملي لوك CLASSY أكر ممكن تلبسي بنطلون الجري من الكشمير باللون الرمادي لفاتح أو الجملي مع توب من نفس اللون أو بلون من ألأوان النيود وحجاب بلون مناسب من اختيارك مع شنطة حزام، أو وبنطلون جري بستايل البوي فريند من موضة الـ HIGH WAIST مع CROP TOP رياضي عشان تعملي لوك عصري أكتر مع سنيكرز بلون أبيض أو أي لون تاني تفضليه.
الجميل في الملابس الرياضية انك تقدري توفقي أي قطعة من التانية بكل حرية وفي الاخر هتقدري تطلعي لوك شيك وبكل بساطة، والاهم طبعا هو الراحة والعملية. اتفرجي علي صور أكتر تلهمك لستايك الرياضي الجاي.
