استايل هدوم رجل برج العقرب

بقلمأنجي سليمان فيبرج العقرب visibility691

اول حاجة بتميز رجل برج العقرب هي نظرة عينية القوية اللي بتحس انها بتخترق اللي قدامها،

والصفة الاوضح والابرز في شخصيته فهي ميله للتمرد على قوانين المجتمع،

شخصيته جد جدا وتقيل في قراراته مش مندفع وساعات كتير بيبان انه مش واخد باله او مش مركز لكن في الحقيقة هو ده طبعه في التقرب والوقوف ساكت لغاية ما يخطط كويس ويتدخل في الوقت المناسب من وجهة نظره حتى في الاحاديث بيعمل نفس الشيء،

حساس بشكل كبير جدا ومشاعره عميقة، وبالرغم من انه ساعات بيبان قاسي وغامض ومش بيسامح الا انه رومانسي جدا وعاطفي

وغالبا بيكون كمان مثقف جدا، كل الصفات المتنوعة دي بتنعكس على استايل هدوم رجل برج العقرب

الاسود ملك دولابه

في الحقيقة رجل برج العقرب عاشق للالوان الغامقة، والغريب انه حتى لو مش بيلبسها بتفضل برضه تلفت نظره جدا،

ولو بالنسبه له لبس الاسود صعب او مش نافع بيختار اقرب لون غامق يقابله مثلا الكحلي او الفيراني او النبيتي او الزيتي،

لأنه بيلاقي راحته النفسيه في لبس الهدوم السوداء خاصة او الغوامق بشكل عام،

اما من ناحية الخامات فرجل برج العقرب بيحب الخامات الناعمة اللي بتاخد شكل الجسم زي الحراير والاقطان المخلوطة بحرير والجيرسيه والنايلون

ومش من هواة الجينزات او الكتان او اي خامات متماسكة مافيهاش تنيات او طرية

استايل هدوم رجل برج العقرب
استايل هدوم رجل برج العقرب

الفورمال والكلاسيك

رجل برج العقرب بيحب الاناقة، ومش من الابراج اللي بتفضل جذب الانتباه ويبقى محط الانظار لكنه بيهتم اوي انه مظهره يبقى مظبوط على اد الحدث اللي هو رايحه

يعني لو داخل ميتنج مهم او رايح تجمع معين بيعرف يلبس كويس جدا،

والغريب ان هو له معاه شريكة له في الحدث ده زي خطيبته مثلا او زوجته بيهتم بمظهرها جدا كأنه مظهره هو كمان

لأنه فعلا بيعتقد ان مظهرها من مظهره وان هي وهو واحد ومحسوبين على بعض وبالتالي بيحاول ان هي تظهر في احسن صورة

استايل هدوم رجل برج العقرب
استايل هدوم رجل برج العقرب

الكاجوال والجاكيت

رجل برج العقرب بشكل عام بيحب الهدوم الضيقة وده برضه بينطبق على البنطلونات، اللي بيحب يختارها مظبوطة عليه واميل الى الضيق،

اما الجاكيتات فهي بالنسبة له قطعة مفضلة سواء في الصيف او في الشتاء لأنه دايما يحب يطعم الطقم بتاعه بجاكيت غامق ده بالنسبة له من القطع المهمة في استايله،

وغالبا بيختار ستايل البايكر مع الهدوم الكاجوال ولو فورمال بيفضل البالطو الطويل او متوسط الطول،

وعشان هو مش بيحب الهدوم الواسعة او اللي تبان متماسكة فهو بيفضل اختيار اقمشة او خامات خفيفة

زي الووتربروف او الجلد الخفيف ومش من النوع اللي بيفضل التريكو او الجوخ

استايل هدوم رجل برج العقرب
استايل هدوم رجل برج العقرب

الاحذية

بشكل عام رجل العقرب بيحب يلبس الجلد يعني الشوز بالنسبة له جلد او ممكن خامات تانية زي الشمواه مثلا

ورغم ان في رجال من مواليد العقرب بيلبسو الكوتشي في حياتهم اليومية مش لازم وقت الرياضة

الا ان مش ده السائد عند رجل برج العقرب اللي بيفضل الاحذية الجلد،

وطبعا بسبب حبه للغوامق فبالنسبة له لون الشوز اسود ومكن يلبس البني المحروق برضه،

المهم ان الموديل يكون مظبوط وماسك شوية على الرجل عشان هو بيكره الواسع،

ومن الاختيارات الانيقة بالنسبة له برضه البووتس وبشكل عام رجل برج العقرب بياخد وقته وهو بيختار الشوز بتاعه

لغاية ما يلاقي الشوز المريح واللي يمشي مع استايله في نفس الوقت

استايل هدوم رجل برج العقرب
استايل هدوم رجل برج العقرب

ممكن يكون في ناس من مواليد برج العقرب ومابيلبسوش الاستايلات اللي فاتت لأسباب كتير اوي زي مثلا ان طبيعة شغلهم ماتسمحش بده،

لكن لو كان الامر يرجع لهم كانت حتبقى اختياراتهم فيها الصفات دي لأن دي الصفات المشتركة اللي بتميز استايل هدوم رجل برج العقرب

ولو عايزين تعرفوا كل حاجة تخص البرج ده في هنا الدليل الكامل لصفات برج العقرب