10 علامات تقولك انه جيه الوقت انك تغيري حياتك
عادة بيكون في اشارات او محفزات معينة ممكن تمر في حياة الشخص هي اللي بتقوده انه ياخد قرار معين او يعمل تغييرات في حياته, لكن اهم حاجة اننا نفهم الاشارات دي ونقدر نفسرها بشكل صح وده هنقدر نحدده عن طريق مشاعرنا يعني لو بتحسي بالقلق او بالضيق او بالاكتئاب, في الحالة دي تعتبر علامات تنبهك لتغيير حياتك او لتجربة حاجة جديدة.
علامات تنبهك لتغيير حياتك:
1- مش بتحبي تروحي لشغلك:
كلنا بنقضي معظموقتنا في الشغل, لكن مجرد ما تحسي بشعور بالخوف من انك تصحي الصبح عشان تروحيالشغل, او بتبقي متضايقة جدا لما بتخلص اجازة نهاية الاسبوع وهترجعي الشغل تاني,في الحالة دي تعتبر علمة مؤكدة ان في حاجة مش صح, وهنا لازم تاخدي وقتك عشان تشوفيكل اللي بيحصل في يومك في الشغل كويس جدا وتشوفي ايه اللي ممكن يتعمل وتحطي خطةلتغييره.
2- بتعيشي في الماضي او بتفكري في المستقبل:
في بعض الاوقات بيكون التركيز على الاوقات الحلوة اوالكويسة في الماضي او اننا نتخيلها في المستقبل, تعتبر علامة انك بتحاولي تهربي منالحاضر بتاعك, واكيد مش صح اننا نحلم بحياه افضل او مستقبل احسن, والاحلام دي تكونواخدة مكان الحاضر بتاعنا اللي احنا عايشين فيه لان هنا هتبقى مشكلة.
3- اللي حواليكي دايما بيطلبوا منك تبقي ريلاكس اكتر:
“انتي محتاجة ترتاحي او تاخدي بريك” لو اتكررتالجملة دي من كل اللي حواليكي, فهيبقى ده الوقت انك تشوفي ايه اللي ممكن يكون عاملضغط زيادة عليكي ومحتاجة انك تتخلي عنه.
4- بتغيري من نجاح غيرك:
الغيرة هي علامة عن عدم الرضا عن حياتنا ومالهاش علاقةخالص بانجاز او نجاح الشخص التاني, لانه بيكون صعب اننا نفرح لنجاح اللي حوالينالما نحس اننا مش محققين اي حاجة في حياتنا, وهنا لازم تقفي وقفة مع نفسك وتشوفيانتي بتغيري ليه.
5- بتصحي من النوم تعبانة:
انك تصحي من النوم تعبانة ده علامة على الضيق ومش شرطيكون مش شغلك ممكن يكون من الحياة بشكل عام, لانه بيكون صعب اننا نحس براحة واحناحاسين بقلق في حياتنا, ولما تعيشي في تعب مستمر, ده بيدل على الصراع في حياتناوبيدل كمان اننا تعبنا من الحياة ومستعدين للاعتراف بالهزيمة, لكن احنا بنقولك بدلالاستسلام اكتشفي ايه اللي ممكن تعمليه عشان تصححي مسار حياتك, لان الحياة معناهاانك تعيشي سعيدة وسعيدة يعني مش متعبة.
6- الاحساس بالملل بسرعة:
انك تحسي انك عايزة تعملي حاجة جديدة او تروحي مكان جديددي علامة واضحة انك محتاجة لتغيير حاجة في حياتك, لما تكوني دايما في حالة قلق ومشقادرة تقعدي في مكان واحد فترة طويلة ده معناه ان في حاجة تانية المفروض تعمليها.
7- النميمة:
النميمة والقيل والقال هو يعتبر وسيلة عشان تحولي الليالمفروض انتي تعمليه لشخص تاني او تتجنبيه, فلو لقيتي نفسك واقعة في نميمة مستمرةاسألي نفسك ايه اللي انتي بتحاولي تتجنبيه في حياتك وبتهربي منه بالنميمة علىاشخاص تانيين عشان تحولي تركيزك عنه, والمواجهة هنا هي افضل حل بدل الهروب او تجنبالمشكلة.
8- بتقلقي من اقل الحاجات:
القلق من ابسط الحاجات ده هيخلي فيه صعوبة في الحياة, وهيسببلك قلق وسلبية اكتر في حياتك وهيصعب عليكي الامور اكتر, فلو لقيتي نفسك بتقلقي من اصغر الحاجات يبقى هنا لازم تاخدي خطوات انك تغيري ده.
9- التفكير السلبي:
انتظار انه يحصل حاجة مش كويسة هيأدي في النهاية انها تحصل فعلا, التفكير السلبي بيأثر على حياتنا, عشان كده لازم توقفي القلق والتفكير بطريقة سلبية في المستقبل وابدأي في التركيز على اللي انتي بتعمليه دلوقتي.
10- انتي بتفكري في حاجة “وفي حاجة اكبر ممكن تفكري فيها”
التفكير في حاجة اكتر او اكبر معناه دايما ان في فرصاكبر وجديدة, عشان كده لازم تكوني منفتحة على الحاجات اللي بتحرك المشاعر والابداعوامشي وراها, لانه في الغالب هيكون هو ده اللي انتي محتاجاه بالظبط.
في النهاية ممكن يكون اتخاذ قرار التغيير فوري لكن تنفيذه والتغيير نفسه مش بيكون بالسرعة دي وبيحتاج وقت, فمتخليش ده يوقفك او يمنعك من التغيير, حتى اصغر الخطوات ممكن تساعد في تقليل المشاعر السلبية وتحافظ على الحافز للتغيير, المهم انك تبدأي من دلوقتي, لان اختياراتك انتي هي الوحيدة اللي بتبني التغيير او بتخليكي تقبلي الحاجات زي ما هي.
وفي كل الاحوال, مهم اننا نكون منتبهين لكل اللي بنحس بيه, ونعمل اكتر الحاجات اللي بتحسسنا بالرضا والسعادة في .حياتنا
ازاي تبقي متفائلة: اعرفي 7 تمارين للتفكير الايجابي
